Mika 4:13 - Ebaibul

¹³ Ebala Ekapolon ebe, “Ŋituŋa a Yerusalem, toloto kisicana ŋimoe kus, eketogogoŋi ayoŋ iyes ikwa emaanik ŋolo egogoŋ ŋamomwar ikwa ŋasuwa ka togogoŋ ŋimolokony ikwa eburonis. Ireunete iyes ŋakwapin ŋuna alalak, ikiinakinete iyes ayoŋ ebari kec ŋolo kepotu ikes toŋatut anaryenyeo. Iyaunete iyes ebari ŋol neni kaŋ ke Ekapolon a akwap a daadaŋ.”

Mika 4:13 Iomraidhean Croise

Ŋikiru. 24:1

Erae akwap daadaŋ ka ibore daadaŋ ŋini eyai nakwap ŋulu ke Ekapolon, akwap ka ŋituŋa daadaŋ ŋulu eyakasi nen erae ŋulu ke Ekapolon;

Ŋikiru. 68:29

Aŋuna a Akai kon a ŋina eyai Yerusalem, eyaunete ŋirwosi neni kon ŋainakineta.

Ŋikiru. 72:10

Emaikina inakis ŋirwosi ŋulu a Tarisis ka ŋulu a ŋiculeta iŋes ocur, emaikina yaut neni keŋ ŋirwosi a Ceba ka Seba ŋainakineta.

Isa. 18:7

“Apaki ŋin eyaunio ŋainakineta neni ke Ekapolon a ŋolo a ŋajoresyo, eyaunio aneni a ŋituŋa a ŋulu aoyak tosulut ŋawat aneni a ŋituŋa a ŋulu ekeritae alodiye kec ka aneni alwanan, aneni a ŋituŋa a akwap a ŋina agogoŋ ka a ŋina iloununui ŋimoe keŋ, nakwap ŋina etyakito ŋaŋololin. Epote ŋituŋa ŋul lomukura Sion neni enyaritere ekiro a Ekapolon a ŋolo a ŋajoresyo.”

Isa. 21:10

Okoe ŋituŋa kaŋ, ikisicani iyes lopite ŋolo eramere ŋikinyom analos, akalimokini ayoŋ iyes ŋakiro ŋuna akalimoki ayoŋ Ekapolon ŋolo a ŋajoresyo Akuj a Ŋisirael.

Isa. 23:18

Italeikinio neni ke Ekapolon ŋiboro keŋ ŋulu egyelanari iŋes ka ŋisiliŋa ŋulu eryamununui iŋes anagyelanar, nyiŋadaaryo ŋiboro ŋulu eryamuni iŋes anagyelanar, kori nyituruworete ikes ŋulu kec, nai eryamunete ŋulu itopoloorito Ekapolon akimuj kec ŋina alalan ka ŋilowi kec aloboro a ŋulu a Tiro.

Isa. 5:28

Ipenara ŋikaleŋeleŋe kec esubakina ŋakawo a ŋikaleŋeleŋe kec. Egogoŋ ŋimolokony a ŋaŋolei kec ikote itaaba, irimete ŋakejen a ŋagaari kec ikwa ekuwuam ŋolo ipiripiri.

Yer. 51:20

“Irae iyes Ŋisirael abiro kaŋ ŋinajiet, iborosit kaŋ ŋini ke ejie. Ekesitiyae ayoŋ iyes amunyarya ŋituŋa a ŋakwapin, ekesitiyae ayoŋ iyes amunyarya ŋapukasinei;

Yer. 51:33

Alimu Ekapolon ŋolo a ŋajoresyo, Akuj a Ŋisirael ebe, ‘Ekwaan ŋituŋa a Babilon ka ŋikinyom apaki ŋina eramere analos, kikote neni daŋ, alotooma apaki ŋina euruwuana, emunyaryo ikes.’

Dan. 2:44

Alorwa a ŋirwosi a ŋul, iwuakini Akuj ŋina anakuj apukan ŋina nyepedoryo alemar, kori nyeinakinio apukan ŋin neni a ŋituŋa a ŋice. Emunyari apukan ŋin ŋapukasinei ŋunace daadaŋ kitasalu, ido erubakini iŋes ŋikaru ka ŋikaru.

Osea 10:11

Ikwaan ŋituŋa a Epuraim ka ibarasit ŋini aponi kitatamae tominak akiram ŋikinyom, abu ayoŋ emyek emosiriŋ keŋ emam ibore eposit. Nai aenikini ayoŋ ayokot neni a ŋituŋa a Epuraim kitiyata etic ŋolo agogoŋon nooi, nai emaikina ŋituŋa a Yudaya kitata, emaikina ŋituŋa a Isirael kikwara ŋalup.

Mika 5:7

Epote nai ŋituŋa a Yakob ŋulu apiyanun akiboiyor nakwapin ŋuna alalak, ikwaanikin ikes a nen ka ŋakopi ŋuna eyaunit Ekapolon, ŋuna itojokete akwap, ikwaanikin ikes a nen ka akiru ŋina itilibuni ŋinya. Eruwor Akuj iyoki ikes, meere ituŋanan.

Abak. 3:12

Ibu iyoŋ ibu nakwap iŋoit nooi; ido ibu iyoŋ ananyunyura kipudaa ŋakwapin.

Sakar 12:3

Akoloŋit ŋina ecunakinotor ŋakwapin a akwap a daadaŋ imanito Yerusalem, esikwaanikini ayoŋ Yerusalem ka ataaba ŋina nyesubanakin. Ewanasi make ŋakwapin daadaŋ ŋuna ikatakinete alemar iŋes.

Sakar 12:6

“Apaki ŋin, esikwaanikini ayoŋ ŋatekerin a Yudaya ka akim ŋina enomi amoni, kori ŋina enomi ŋatukon a ŋikinyom. Emunyarete ŋituŋa a Yudaya ŋituŋa a ŋakwapin a ŋuna idunyatar ikes. Idoŋete ŋituŋa a Yerusalem lotaun emam ŋace.

Sakar 4:14

Aŋun, abu nai iŋes tema, “Erae ŋul ŋikilyok ŋiarei ŋulu aseu ka etaleu Akuj akitiyanakin Akuj ŋina erae Ekapolon a akwap a daadaŋ.”

Sakar 6:5

Okoboŋok ayoŋ emalaika tema, “Erae ŋul ŋitai ŋiomwon ŋulu anakuj, ŋulu alomut kiŋa, kedaut akitoodiyar neni ke Ekapolon a ŋolo ka akwap a daadaŋ:

1 Ŋikor. 16:2

A ŋinakoloŋit a Esabit, itemokino ŋinituŋanan kus toseta nawae ŋisiliŋa ŋidi lotyae ŋolo ke ebari keŋ, kidiatakinos, ikotere ani abuni ayoŋ, nyecuni nabo ŋice.

Ŋikis. 33:25

Elipi toruworos ŋikekya ŋulu egolere ŋitaunio kec ŋulu itiyaunitae a ŋasuwa ka eburonis, ka elipi torubak agogoŋu kec ŋirwa daadaŋ ŋulu ka akiyar kec.

Yos. 6:19

Kimyekisi esilipa daadaŋ kaapei ka egolid, ŋiboro ŋulu itiyaunitae a eburonis ka a ŋasuwa, toruworos ŋulu asegak aŋuna a Ekapolon, kiwuakinae ikes neni idyasitae ŋiboro aŋuna a Ekapolon.”