Mika 3:8 - Ebaibul

⁸ Nai, ani eruwor ayoŋ, ekelelebikinitae apedor, ekelelebikinitae etau ŋolo ke Ekapolon, ekelelebikinitae akiyookino ka agogoŋu, ikotere olimokinia ŋituŋa a Yakob ŋadyakanareta kec, olimokinia ŋituŋa a Isirael asecit kec.

Mika 3:8 Iomraidhean Croise

Yob 32:18

anerae elalak ŋakiro aneni kaŋ; nyapedori ayoŋ akidaŋidaŋ akililiŋiyar ŋuna eya lotau kaŋ.

Isa. 58:1

Alimu Ekapolon ebe, “Tocelutu nooi, nyililiŋiyasi! Tocelutu a ŋitoilon a ŋulu apolok esibit arupepe erwo. Tolimokisi ŋituŋa kaŋ ŋakiro ŋuna akaŋeryoto ayoŋ, tolimokisi ŋiletok a Yakob ŋasecisya kec.

Isa. 61:1

Eyai etau a Ekapolon neni kaŋ, anerae ekeos iŋes ayoŋ, ekeyaki iŋes ayoŋ alimokin ŋulu isicanitae ŋakiro ŋuna ajokak, akisimukekin ŋulu ekadanakinit alotai kec, akiseraun atemar elacakinio ŋulu erikoritae, akiseraun atemar elacakinio ŋulu eenitae;

Isa. 61:2

akiseraun atemar adol ekaru ŋolo itiyakinia Ekapolon ŋuna ajokak ka akiseraun akoloŋit ŋina inyaŋarya Akuj yok ŋakiro a ŋimoe keŋ; akisirworiun daadaŋ ŋulu iyaloloŋete;

Yer. 1:18

Ani eruwor ayoŋ, adau ayoŋ akitogogoŋ iyoŋ nakoloŋit na, lopite ŋolo egogoŋio etaun ŋolo ewuatae a ŋarwatatain, lopite ŋolo egogoŋio epir ŋolo erae asuwat ka egogoŋio arwatata ŋina edukitoe a eburonis. Nyikuryaniar, ikiremokinosi iyoŋ ŋituŋa a akwap a daadaŋ, ikiremokinosi iyoŋ ŋirwosi a Yudaya, ŋikapolok keŋ, ŋisacaradotin keŋ ka ŋituŋa keŋ ŋuluce daadaŋ.

Yer. 20:9

Ani katema ayoŋ ebe, “Nyalimuni nabo ayoŋ Ekapolon, kori nyeruwori nabo ayoŋ alimit ekiro keŋ,” aryamuni ayoŋ atemar emwana akirot kon alotooma kaŋ, ikwaan ka akim ŋina emwana pe ŋina egolokino tooma ŋakoyo kaŋ. akaup ayoŋ akidaŋidaŋ iŋes, nyapedorit akililiŋiyar,

Yer. 6:11

Nai ileleba anyunyura ŋina ke Ekapolon tooma kaŋ, akaburu ayoŋ akidaŋidaŋ iŋes.” Tolimu nai Ekapolon tema, “Tolimok ŋuna ka anyunyura kaŋ neni a ŋidwe alorotin ka tolimok neni a ŋatukon a ŋisorok daŋ eyaaryo ŋaberu ka ŋikilyok, eyaaryo tari ŋituŋa ŋulu emojoŋito.

Aum. 2:14

Apotu ŋikadwarak kus kirujata aŋuna kus alyokonu ka ŋakiro ŋunacaryo, nyisileerekino ikes iyes ŋasecisya kus, ikotere iyes nyikirikor nakwapin. Nai apotu kirujata aŋuna kus alyokonu, ikiinakis iyes akinup ŋakiro ŋuna nyiyookino.

Esek. 16:2

“Lokoku a ituŋanan, tolimok ŋituŋa a Yerusalem ŋakiro ŋuna ka asiilyo ŋuna itiyato ikes.

Esek. 20:4

Lokoku a ituŋanan, itemokino iyoŋ aŋuna ka atubokin ikes a? Totubok ikes. Tolimok ikes toyenut ŋakiro ŋuna ka asiilyo ŋuna apotu atapapaa kec kitiyata

Esek. 22:2

“Lokoku a ituŋanan, itemokino iyoŋ atubokin Yerusalem a? Itemokino iyoŋ atubokin etaun ŋolo earere ŋituŋa lo a? kisileerek nai tokona ŋituŋa a Yerusalem ŋakiro ŋuna ka asiilyo daadaŋ ŋuna itiyaete ikes.

Esek. 23:36

Abu Ekapolon kirwor neni kaŋ tema, “Lokoku a ituŋanan, idau tokona iyoŋ akiten aŋuna ka atubokin Oola ka Ooliba a? Kisitak nai ikes aŋuna ka asiilyo a ŋina adaut ikes akitiya,

Esek. 3:14

Abu nai Etau ŋolo ka Akuj ekekyaa ayoŋ kidiama okoya a nen, abu ayoŋ onyunyur ka abu etau kaŋ toŋo aŋuna eketiŋakinitor Ekapolon ayoŋ ŋuna acamit iŋes.

Esek. 43:10

Torubak Ekapolon irworo ebala, “Lokoku a ituŋanan, tolimok Ŋisirael ŋakiro a Akai ka Akuj, kimyek ikes kitama ka kipima. Kisirum ikes ŋileec anakiro a ŋuna ka asecit a ŋuna itiyaete ikes.

Mat. 7:29

anerae etatami iŋes ka apedor, meere ikwa ŋiketatamak a Ŋikisila.

Mar. 3:17

Yakobo ka lokaato keŋ Yoana, ŋidwe a Sebedeo, ŋulu abu Yesu tolimok ekecekiro Boanerige, (iŋes atemar ŋidwe ŋulu adedeŋ ikwa agirokinet),

1 Ŋikor. 2:4

Ipotu iyes nyicamut ŋakiro kaŋ aŋuna ka aosou a ŋina a ŋituŋa, nai arae aŋuna abunio Akuj kitoodiu atemar erae ŋuna a kire anapedor a ŋina ke Etau a ŋolo ka Akuj.