Mika 2:9 - Ebaibul

⁹ Iritanarete iyes ŋaberu a ŋituŋa kaŋ alorerya kec a ŋulu ajokak. Ilemasi iyes jik ŋarereŋisyo ŋuna ainakinit ayoŋ ŋidwe a ŋituŋa kaŋ.

Mika 2:9 Iomraidhean Croise

Ŋikiru. 72:19

Akipuro toyai neni ka Akuj aŋina eyakar apolou ŋikaru ka ŋikaru; elipi kilelebun apolou keŋ nakwap daadaŋ. Amen! Amen!

Yer. 10:20

Enyasun ŋiemae kosi, atubutuboor ŋaunoi kosi, aloto ŋidwe kosi aneni kosi, a ŋopiyasi jik, mam ituŋanan ikiŋarakini adukokin nabo ŋiemae kosi, mam ituŋanan epedori akinenekin ŋanaŋgae loemae kosi,

Esek. 39:21

Abu Ekapolon tema, “Esiŋolikini ayoŋ ŋituŋa a ŋakwapin apolou kaŋ ka epite ŋolo atubokinia ayoŋ ŋituŋa ta epite ŋolo esicania ayoŋ ikes a apedori kaŋ.

Yoel 3:6

Igyelasi iyes ŋituŋa a Yudaya ka ŋulu a Yerusalem neni a Ŋigirik, iteakasi ikes anakwap kec.

Amos 2:7

iimakinito ikes ŋituŋa kec ŋulu a ŋican, nyecamito ikes akiŋarakin ŋulu eyakatar akiitanit. Ituruworito lokoku ka papa keŋ apese apei aberu kec, aŋun, enyasut ikes ekiro kaŋ ŋolo asegan;

Mika 2:2

Iŋobelete ikes ŋimanikorin, ido kikamanasi. Iŋobelete ikes ŋirerya a ŋituŋa, ido todemasi. Edemanarete ŋituŋa ŋiboro kec.

Abak. 2:14

Nai ilelebun nakwap aosou ŋina ka apolou ke Ekapolon, lopite ŋolo ilelebakatar ŋakipi anam.

Sakar 2:5

Ayoŋ elope aruwor arwatata ŋina ikwaan ka akim, arwatata ŋina irimokinit Yerusalem kidiŋ, ido ayoŋ elope apolokini.’ ”

Mat. 23:13

“Nai ekaŋ iyes ŋiketatamak a Ŋikisila ka Ŋiparisayon! Ŋikaŋisoswae! Igolokis iyes ekek ŋolo ka Apukan a ŋina anakuj alokiŋaren ŋituŋa, anerae nyilomarete iyes ŋilopeyek ka iretakis ŋulu acamito alomar tooma. [

Mar. 12:40

Emodiyanarete ŋiboro anakais a ŋapuseru ka itoodiuna ikes anakilipeta kec a ŋuna aoyak. Eryamunete ikes atubokino ŋina apolon nooi.”

Luk. 20:47

Edemete ikes ŋapuseru ŋiboro kec ka daŋ ilipete ekaoyan iwogasi neni erae koŋin! Eryamunete ikes atubokino ŋina aronon nooi!”

2 Ŋikor. 3:18

Ikitoodiunit iwon daadaŋ akica ŋina ke Ekapolon a ŋireetin yok a ŋulu nyerapap ka akitambara. Ikiloconokinio iwon iwadio akitodol ŋina ikikwaanikinor ka iŋes ka erae lo etic ŋolo ke Ekapolon a ŋolo erae Etau ŋolo ka Akuj.

2 Ŋikor. 4:6

Arae Akuj abu tema, “Tocau akica anakiryonut”, Akuj ŋinapei ŋin etacau akica keŋ alotai yok, ainakinia iwon akica ŋina ka ayenut ka apolou ŋina ka Akuj ŋina etacaun aloreet a Kristo.

1 Sam. 26:19

Ekemaimai tokona ayoŋ iyoŋ ekapolon kaŋ kiira ŋakiro kaŋ a eketiyan kon. Ani kerae Ekapolon ikiinakinit iyoŋ aremokin ayoŋ, emaimai ayoŋ iŋes tocamu ainakinet. Nai ani kerae ŋituŋa, elipit ayoŋ toruwor ikes ŋulu icenen alokiŋaren Ekapolon, anerae ekeritasi ikes ayoŋ anibore a ŋini etemokino ayoŋ oryamu aneni Ekapolon. Adaut ikes alimun ebe, ‘Ape, kitiyanak ŋacekujo.’