Mika 2:7 - Ebaibul

⁷ Itami iyoŋ icenen Ŋisirael a? Adaun mono atitinyikinit aneni ke Ekapolon a? Epedori mono iŋes kire akitiya ŋakiro ŋuna ikote ŋun a? Nyirworo mono iŋes alotooma arimao neni a ŋulu itiyaete ŋuna iyookino a?”

Mika 2:7 Iomraidhean Croise

Ŋikiru. 119:65

Okoe Ekapolon, itiya iyoŋ ejok neni ke eketiyan kon alotooma akirot kon.

Ŋikiru. 119:68

Ijok iyoŋ, ido ejokak ŋuna itiyae iyoŋ; kitatamae ayoŋ ŋakiro ŋuna itubunit iyoŋ.

Ŋikiru. 15:2

Erae ŋulu iboiyete pa itoronitae, ido kitiyaete ŋuna iyookino, ka kirworos ŋuna a kire alotai kec;

Ŋikiru. 18:26

Itoodiunun iyoŋ ijok aneni a ŋulu emam asecit; ido iryenyaanikinit iyoŋ ŋulu isyaaka.

Ŋikiru. 84:11

anerae Ekapolon Akuj iŋes ikitacaikini iwon erot ikwa akoloŋ ka ikiuryari ikwa aupal; ikiinanakini Ekapolon arimao ka apolou; mam ibore ŋini ajokan ŋini ewouni iŋes ainakin ŋulu iboiyete iyookino.

Ŋakit. 10:29

Erae agogoŋu aneni a ŋulu iyookino akiwuapit ŋuna a Ekapolon, nai erae amunyaro ŋina a ŋulu itiyaete ŋuna aronok.

Ŋakit. 10:9

Eyari ituŋanan ŋini iyookino erae ŋini eiuna, nai ituŋanan ŋini itiyae ŋuna nyiyookino, eripunio.

Ŋakit. 14:2

Ituŋanan ŋini elosi erae ŋini iyookino, itopoloorit Ekapolon, nai ituŋanan ŋini nyitiyae ŋuna a kire, ejamuwarit Ekapolon.

Ŋakit. 2:7

Eyakar Ekapolon aosou ŋina iloit daadaŋ aŋuna a ŋulu iyookino. Erae Ekapolon aupal a ŋulu iboiyete emam ŋuna itoroniyaritere.

Ŋakit. 28:18

Eiuna bon ituŋanan ŋini elosi anakiyookino, nai elomari locan ituŋanan ŋini iwuapit ŋipitesyo ŋulu aronok.

Isa. 50:2

Kaanukiro amamukar idiotuŋanan apaki ŋina abunio ayoŋ? Kaanukiro pa aboŋokinio ayoŋ ituŋanan apaki ŋina anyarar ayoŋ? Emam mono ayoŋ apedor ŋina akalakunia iyes a? Kori emam mono ayoŋ apedor ŋina akaiunia iyes a? Kalimu ayoŋ akirot eoni anam, eturuwori ayoŋ ŋaŋololin aonite; etobosuni ayoŋ ŋikolya ŋulu eya tooma kec aŋuna icanakinotor ŋakipi idio totwaka aŋuna ka akure.

Isa. 58:1

Alimu Ekapolon ebe, “Tocelutu nooi, nyililiŋiyasi! Tocelutu a ŋitoilon a ŋulu apolok esibit arupepe erwo. Tolimokisi ŋituŋa kaŋ ŋakiro ŋuna akaŋeryoto ayoŋ, tolimokisi ŋiletok a Yakob ŋasecisya kec.

Yer. 15:16

Ibu iyoŋ kirwor ka abu ayoŋ opupok ŋakiro kon, apotu ŋakiro kon okoinakis ayoŋ alelyanu ka apotu toruwor ŋuna etalakarito etau kaŋ; anerae akanyaritae ayoŋ a ekiro kon, okoe Ekapolon Akuj ŋina a ŋajoresyo.

Yer. 2:4

Kiirasi ŋakiro a Ekapolon, iyes ŋituŋa a ekal a Yakob ka iyes ŋituŋa a ŋikalya a daadaŋ a Ŋisirael.

Osea 14:9

Emaikina ŋituŋa ŋulu aosok toyenut ŋakiro nu, emaikina ŋituŋa ŋulu epiiryaka toyenut ŋakiro nu, anerae iyookino ŋirotin ŋulu ke Ekapolon, iwuapito ŋulu iyookino ŋirotin ŋul, nai ibusonokinosi ŋulu nyitiyaete ŋuna iyookino alorotin a ŋulu ke Ekapolon.

Mika 3:9

Kiirasi ŋakiro nu, iyes ŋikarikok a ŋituŋa a Yakob, iyes ŋikepukak a ŋituŋa a Isirael, iyes ŋulu ijamuwarito akiyookino, ido kiloco ŋuna iyookino;

Sakar 4:6

Aŋun, abu iŋes tema neni kaŋ, “Erae ŋin akirot ke Ekapolon neni a Serubabel. Ebala Ekapolon ŋolo Etiron, nyilouni iŋes alotooma agogoŋu, kori apedor, nai alotooma Etau kaŋ.

Ekim. 11:23

Toboŋok Ekapolon Moses tema, “Edit mono apedor ke Ekapolon a? Iŋolikini iyoŋ tokona, kiyookin ŋakiro kaŋ, kori pa kiyookin.”

Mat. 3:8

Kitiyata ŋiticisyo ŋulu itoodiunete atemar ikiwa iyes kire ŋasecisya kus.

Yoa. 8:39

Toboŋokis ikes Yesu temasi, “Ikirae isua ŋidwe ka Aburaam!” Tolimok Yesu ikes tema, “Kerae kire toraakas iyes ŋidwe ka Aburaam, kitiyato iyes daŋ ŋiticisyo ŋulu etiyae iŋes.

Ŋirom. 7:13

Akeepolou mono atemar ŋuna ajokak ŋuna erae Ŋikisila, ikes apotu yaut atwanare neni kaŋ a? Mam jik! Arae asecit abu kitiya ŋun. Abu asecit yau atwanare alotooma akisitiya ŋuna ajokak, ikotere eyenunere ibore ŋini kire erae asecit. Aŋun, alotooma akiciket, itoodiunitae asecit esecana nooi tari adepar.

2 Ŋikor. 6:12

Meere isua ikigol ŋitai kosi aneni kus, nai iyes igol ŋitai kus aneni kosi.

2 Tim. 3:5

ŋulu esibito iricito ŋakiro ŋuna ke edin, nai kitoodiunite akiyar kec atemar emam apedor ŋina ka Akuj alotooma kec. Toŋer ŋituŋa ŋulu ikote ŋul.