Mika 2:4 - Ebaibul

⁴ Ŋina edolunio apaki ŋin, isitiyate ŋituŋa ŋatyokisyo ŋuna ipotu iyes toryamut, ikikyenatar iyes eosi, etemarete, ‘Ikimunaar isua jik, alema Ekapolon akwap kosi, ainaki neni a ŋulu apotu itorikosi isua ikirae ŋirikon.’ ”

Mika 2:4 Iomraidhean Croise

2 Sam. 1:17

Kigwor nai Daudi eeo ete lo aŋuna a Saul ka Yonasan lokoku a Saul.

2 Ŋakiro a ŋirwa 35:25

Abu Yeremia toe ŋieosyo ŋulu kigworet aŋuna a Yosia ka akitodol akoloŋit na, eosi ŋikilyok ka ŋaberu ŋulu eyenete aeo ŋieosyo ŋul etamunito Yosia, apotu kituruwosi ŋun etal alo Isirael ka igiritae lokitaabo ŋolo a ŋieosyo a ŋulu ka akiwolol.

Yob 27:1

Kiyatak Yob erwor keŋ tema,

Isa. 14:4

irworotor iyes erwosit a Babilon ijamuwarito ibasi, “Eloun erwosit ŋolo sek ikisicanit, adaun aryenyeo keŋ.

Isa. 24:3

Inyasunio akwap nooi ka emunaaryo nooi; anerae adau Ekapolon alimun ŋakiro ŋun.

Isa. 6:11

Abu nai ayoŋ eŋit iŋes otema, “Okoe Ekapolon, tari ori itiyasi ŋun?” Okoboŋok iŋes ayoŋ tema, “Tari ŋina eruworotor ŋitaunio kec ŋireŋoroto, todaun ŋituŋa iboiyete alotooma kec ka tooma ŋakais kec daŋ, tomamukaun ŋituŋa iboiyete, ido toruwor akwap kec ekasile nooi.

Yer. 14:18

Ani alosi lomanikorin, eŋolik ŋulu kearyo a ekileŋ, ani alomari lotaun, eŋolik ŋulu iridete aŋuna ka akoro, anerae erubakinito ŋikadwarak ka ŋisacaradotin itiyaete etic kec anakwap a daadaŋ, nai nyeyenete ŋuna itiyaete.”

Yer. 4:13

Topupokisi! Ebunit Ekapolon lopite ŋolo eponiata ŋidouwon, eponito ŋagaari keŋ ekerete ikwa ekuwuam ŋolo ipiripiri ekusi, epiraka ŋaŋolei keŋ akilo ŋigolei. Utukui iwon! Enyasunoi iwon!

Yer. 6:12

Eruworosi ŋakais kec ŋuna a ŋituŋa a ŋice, ŋimanikorin kec daŋ eruworosi ŋulu a ŋituŋa a ŋice, ŋaberu kec daŋ eruworosi ŋuna a ŋituŋa a ŋice, anerae esicani ayoŋ ŋituŋa ŋulu ka akwap a Isirael.

Yer. 8:10

Aŋun, ainakini ayoŋ ŋaberu kec neni a ŋituŋa a ŋice ka ainakini ŋimanikorin kec neni a ŋulu ilounete ikes alojie, anerae itiyaete ŋituŋa daadaŋ ŋuna nyiyookino, ŋulu apolok ka ŋulucaryo, ameun alokadwarak tari losacaradotin itiyaete daadaŋ ŋuna ka alyokonu.

Yer. 9:10

“Tema Yeremia, Egworo ka ewololoe ayoŋ aŋuna a ŋimoru ka ewololoe aŋuna a ŋinya a ŋulu ka aloŋisat, anerae aruwor ŋikoŋinae, emam ibore itorenene nen, nyeriŋa epupyo ŋaatuk erwosi a nen, aekasi ŋikeny ka ŋityaŋ a nen.

Yer. 9:16

Ealari ayoŋ ikes nakwapin ŋuna nyeyenete ikes, kori ŋuna pa ayenete atapapaa kec, ido eyakikini ayoŋ ikes ŋimoe ŋulu epote akitijiore ikes tari ŋina amunyarya ayoŋ ikes daadaŋ.”

Esek. 16:44

Kiira tokona iyoŋ, ituŋanan daadaŋ ŋini elimuni akitadapet, elimuni ikirworor iyoŋ akitadapet na, ŋuna itiyae toto, itiyae ikoku ŋinipese daŋ ŋunapei.

Esek. 2:10

Abu ŋini erworo neni kaŋ toŋaa ekitaabo ŋol alokiŋaren kaŋ, eŋolik ayoŋ igiritae ŋakiro kaku ka kiŋaren a ekitaabo a ŋol. Arae ŋakiro ŋuna egiritae nen ŋuna ka akiolol ka akigworo ta ŋuna abasi ekaŋ iyes.

Yoel 1:13

Tonapa ŋiguniyae, iyes ŋisacaradotin, ido kgiworo; kiwololoto, iyes ŋulu itiyaete Namuroet. Potu, tonapa ŋiguniyae akuwar kya, iyes ŋulu irae ŋiketiyak ŋulu ka Akuj; anerae alemar alo Kai ka Akuj kus ŋainakineta ŋuna a ŋikinyom ka ŋimaten.

Yoel 1:8

Kigworo inapito ŋiguniyae, ikwa igworor apese ekile keŋ ŋolo ariŋa iitari iŋes.

Amos 5:1

Tema Amos, “Okoe Ŋisirael, kiirasi ŋakiro nu ŋuna egworor ayoŋ aŋuna kus,

Amos 5:17

Eyakaun akiwolol lomanikorin ŋulu ke epiini daadaŋ, anerae abuni ayoŋ akisican iyes.’ ”

Mika 1:15

Iyes ŋituŋa a Maresas, ikipotokini iyes Ekapolon neni a ŋimoe kus, a ŋulu ikamarete etaun kus. Eemete ŋikarikok a Ŋisirael akiŋop naturukan ŋina eyai Adulam.

Mika 1:8

Tolimu nai Maika atemar, aŋakiro a nu, egwori ka eololoe; arotokini emam ŋamuk ka aleri. Arui ikwa ekwee, arui ikwa etula.

Mika 2:10

Tonyoutu, toloto, meere akibois na ŋina emaikina iyes kiboiyoto, anerae adaun amunaar, adau asecit kus akinyasun akibois na jik, mam ibore ipei daŋ epedori akitojokun iŋes jik.

Abak. 2:6

Eŋoikinete ŋituŋa ŋulu aponi toreunae ŋulu apotu kikamasi ŋakwapin kec, ido ejamuarete temasi, “Ipotu iyes yaasi ibore ŋini pa arae ŋini kus, aŋun, ikisicani Akuj iyes!” Irubakinete iyes tari ori itukete ebari anareikinit ŋulu ideniyorito ŋiboro kus akitac ikes?

Sepan. 1:2

Tema Ekapolon, “Amunyari ayoŋ ibore daadaŋ ŋini eyai nakwap.

Ekim. 23:18

Kirwor Balaam ŋakiro keŋ nu tema, “Bua Balak, ido kiira, topupokinae ayoŋ, okoe lokoku a Sipor.

Ekim. 23:7

Tosodi kirwor Balaam ŋakiro ŋuna kebu Akuj tolimok iŋes tema, “Akayau ayoŋ Balak alo Aram, akayau ayoŋ erwosit a Moab alomoru a ŋulu alo Kide ebala, ‘Bua, kicen ŋituŋa a Yakob aŋuna kaŋ, bua, kisitak Ŋisirael.’

Ekim. 24:15

Tolimu nai Balaam ŋakiro tema, “Ŋakiro a Balaam alokoku a Beor, ŋakiro a ituŋanan a ŋini ite ejok,

Ekim. 24:3

tosodi kirwor Balaam ŋakiro nu tema, “Ŋakiro a Balaam a lokoku a Beor, ŋakiro a ituŋanan a ŋini ite ejok,

Mar. 12:12

Kiwara ŋikapolok a Ŋiyudayan akikamun Yesu, anerae apotu ikes toyenut atemar arae ikes erworor Yesu anakitadapet keŋ, nai tokera ŋikapolok a Ŋiyudayan asepic, kimyekis Yesu tolot.

Ŋikis. 28:29

imudumudosi iyes naparan lopite ŋolo imudumudotor ŋimudukanotin, nai nyipedorete iyes aryamun neni kitoro, ido erubakinete ŋituŋa ikibolyatar iyes ka ikikokoyete, emam ituŋanan ŋini ikiŋarakini iyes.