Mika 2:3 - Ebaibul

³ Aŋun, ebala Ekapolon ebe, “Aye ayoŋ ayaun ŋican lotuŋa ŋul; ido nyibucarosi iyes alocan a ŋul. Nyirubakinete iyes ilosete iturosi, anerae eruwor apaki ŋin ŋina aronon.

Mika 2:3 Iomraidhean Croise

Isa. 29:20

anerae edaun eryenyaanot, eŋopiyari ŋini ejamuwarit ŋuluce, emunyaryo daadaŋ ŋulu iitanito akitiya aronis.

Isa. 3:16

Ebala Ekapolon, “Aŋuna iturotor ŋaberu a Sion, tolosete itenarito ŋimosiriŋin, eŋoleŋoleete ka ikinikinasi, ituruyete ŋitworoi ŋulu cicik ŋulu enapito ikes anakejen,

Isa. 5:19

iyes ŋulu ibasi, “Kimyekisi Ekapolon kiburuburak akitiya etic keŋ, ikotere isua ikiŋolikini, kimyekisi ŋakiro ŋuna eye Ekapolon Akuj ŋina Asegan ŋina a Isirael kitiyakin atipei, ikotere isua ikiyenuni!”

Yer. 18:11

Aŋun tokona, tolimok ŋituŋa a Yudaya ka ŋulu iboiyete alo Yerusalem ebe, ‘Alimu Ekapolon atemar, kiirasi, ikikwaan ayoŋ ka ekayan ŋamoti, aye ayoŋ akisicanet aŋuna kus ka etemonokini ŋuna ekemania iyes. Tokona kilocokisi iyes daadaŋ ŋipitesyo kus ŋulu aronok ka kitojokutu ŋipitesyo kus ka ŋiticisyo kus.’ ”

Yer. 27:12

Abu ayoŋ erwor ŋakiro ŋunapei ŋun neni a erwosit Sedekia a ŋolo a Yudaya, olimok iŋes ebe, “Kitopoloosi erwosit a Babilon, kitiyanakisi iŋes ka ŋituŋa keŋ, irubakinete iyarete.

Yer. 34:17

Aŋun, alimu ayoŋ Ekapolon atemar, nyiwuapa iyes ŋakiro kaŋ, nyelacakina ŋikidunyet ka ŋikonei kus, emyekini ayoŋ ikilacakin iyes, alacakinio ŋina ikiyai iyes lokileŋ, lodeke ka loron. Eketuruwori ayoŋ iyes ŋulu inyasuna aneni a ŋituŋa a ŋakwapin a daadaŋ anakwap.

Yer. 36:23

Ani esyomi Yeudi ekitaabo edoli ŋilaino ŋiuni, kori ŋiomwon, togeu erwosit aduŋonor a ekileŋ keŋ neni edaunio akisyom kimasak nakim nibore ŋini enokakinitae akim akitodol ŋina ecunyarya iŋes ekitaabo daadaŋ anakim.

Yer. 43:2

toloto Asaria lokoku a Osaia ka Yoanan lokoku a Karea ta ŋituŋa ŋulu aosok daadaŋ tolimokis Yeremia temasi, “Irworo iyoŋ alyokonu. Nyiyakuuna Ekapolon iyoŋ alimokin isua ebe, ‘Nyiloto Ijipit kiboiyoto a ina;’

Yer. 8:3

Iitanete anakiboisyo a daadaŋ a ŋuna erita ayoŋ ikes ŋipiya a ŋituŋa a ŋulu aronok a lu atwanare, akilo akiyar.”

Aum. 1:14

“Abu Ekapolon kiŋolik ŋasecisya kosi daadaŋ, tocunak ŋasecisya ŋun daadaŋ iwapei, kituruwo egogos aneni kosi, apotu ŋasecisya ŋun ikinuwasi isua. Abu Ekapolon ikipotok isua napedor a ŋimoe kosi a ŋulu pa ikipedorit awoikin.”

Aum. 2:17

Etiya tokona Ekapolon ŋuna sek acamit akitiya; esiyook ŋakiro keŋ ŋunakoloŋ aris kitemok atemar kitiyakin. Ikimunya iŋes iwon emam akisyon, ainaki ŋimoe alelyan aŋuna ka akiloun iyes, ainaki agogoŋu neni a ŋimoe kus.

Aum. 5:5

Ikimetae ka aryenyeo lopite ŋolo emetere ŋisigirya, kori ŋikaala, ikiup isua, nai nyikicamakinitae isua eeŋutu.

Dan. 4:37

Ayoŋ Nebukadinesar epuro ka etopoloorit erwosit ŋolo eyai nakuj, anerae erae ŋiticisyo keŋ daadaŋ ŋulu a kire ka iyookino ŋuna itiyae iŋes, tosodi epedori iŋes akitiditeun ŋulu iturosi.

Amos 2:14

Nyeiunosi tari ŋituŋa ŋulu sek apiranak ekerete, epalagunete ŋituŋa ŋulu sek agogoŋok, nyepedorete tari ŋituŋa ŋulu ajiok nooi aiun akiyar kec;

Amos 3:1

Tema Amos, “Kiirasi ŋakiro nu ŋuna irworo Ekapolon neni kus ikitoroniyarit iyes ŋituŋa a Isirael, iyes ŋituŋa daadaŋ ŋulu abu Ekapolon ikiyau anakwap a ŋina a Ijipit.

Amos 3:2

Alimu Ekapolon ŋakiro nu ebe, ‘Iyes bon abu ayoŋ okoyenu ka ekeric alokidiŋ ŋituŋa a ŋakwapin a daadaŋ, aŋun, ekesicani ayoŋ iyes aŋuna a ŋasecisya kus.’

Amos 5:13

Ŋakiro ŋun iŋes ililiŋiata ŋituŋa ŋulu aosok, ŋulu itidiŋito iyes, anerae erae apaki na ŋina ka aronis.

Mika 2:1

Ekaŋ iyes ŋulu itukete akitiya ŋuna aronok, iyes ŋulu iyeete akitiya aronis apaki ŋina iperyoto! Ani iwalari akwap itiyakinete ikes ŋuna apotu totukut nakwaare akitiya, anerae ebasi ikes eya ŋakiro daadaŋ napedor kec.

Ŋirom. 16:4

ajalito ikes akiyar kec aŋuna kaŋ. Alakara ayoŋ nooi neni kec--meere nai ayoŋ bon, elakara tari Ŋikristo daadaŋ ŋulu nyerae Ŋiyudayan.

Ŋiep. 5:16

Kisitiyata ejok apaki daadaŋ ŋina iyakatar iyes, anerae erae ŋirwa lu ŋulu aronok.

Ŋikis. 28:48

a ŋakiro a ŋun, ipote iyes akitiyanakin ŋimoe kus ŋulu ebuni Ekapolon ikiyakuun akitijikin iyes, itiyanakinete iyes ikes ikinyamit akoro ka akure, ilerete ka imamukatar ibore idio. Ikisicani iyes Ekapolon tari ŋina ikimunyarya.

Yak. 2:13

Anerae emam akisyon anatubokino a ŋina a ituŋanan a ŋini nyisyoniyenene ŋituŋa ŋuluce, nai ŋulu isyoniyete ŋuluce, nyikerito ikes atubokino.