Mika 2:2 - Ebaibul

² Iŋobelete ikes ŋimanikorin, ido kikamanasi. Iŋobelete ikes ŋirerya a ŋituŋa, ido todemasi. Edemanarete ŋituŋa ŋiboro kec.

Mika 2:2 Iomraidhean Croise

1 Ŋirw. 21:1

Ekaku ŋun, totakanut ŋakiro nu: Ayakar Eyesirelait ŋolo anyaritae Nabos emanikor ŋolo ke epiini Yesireel, diyete akai ka apukan ŋina ke erwosit ka Aab a ŋolo a Samaria.

2 Ŋirw. 9:26

‘Eŋolik bien ayoŋ Nabos ka ŋidwe keŋ ŋulusapa earyo. Nai kire jik, akaari ayoŋ iyoŋ daŋ Yoram alomanikor alopei a lo.’ Todakutu tokona akuwan keŋ kiŋa, kimasakis lomanikor, lopite ŋolo erworitor Ekapolon.”

Yob 31:38

“Ani kademarit ayoŋ ituŋanan amana ŋina etae ayoŋ, ani kademunit ayoŋ amana ŋin aneni a ŋikulepek.

Awos. 20:17

“Nyiŋobel ŋinituŋanan akai a ikidunyet keŋ, nyiŋobel aberu a ekidunyet keŋ, kori eketiyan ka aketiyan a ikidunyet keŋ, kori emoŋ, kori esigirya, kori ibore ca daadaŋ ŋini erae ŋini a ikidunyet keŋ.”

Isa. 3:14

Egeiyari Ekapolon atubokin ŋikarikok ka ŋikapolok a ŋituŋa keŋ, itoroniyarit ikes a ŋakiro a nu, “Imunaasi iyes emanikor a ŋikito a epiini, eya nakais kus ŋiboro ŋulu eŋatununuyo aneni a ŋikulyak.

Isa. 5:8

Ekaŋ iyes ŋulu iasete ŋakais nakais kus, ŋulu iasete ŋimanikorin lomanikorin kus, akitodol ŋina eruworor iyes make iboiyete anakwap a ŋin, ikimyekin iyes make iboiyete a nen!

Yer. 22:17

Nai eyenete ŋakonyen kon ka etau kon epite ŋolo ebarere anamodiyo bon; ido iari iyoŋ ŋulu emam asecit itiyato ka itiyae ŋuna ka aryenyeo ka akisicanit ŋulucetuŋa.

Esek. 18:12

kedemanari ŋikulyak ka ŋulu eyakatar akiitanit ŋiboro kec, kori kekokoi ka pa kinyakanakini ŋituŋa ibore ŋini ideniyorit iŋes, kori kemitakinit iŋes nooi ŋuna a ŋakujo, kitiyae asiilyo,

Esek. 22:12

Eyakasi tooma kon ŋikilyok ŋulu ecamununuyete ŋakaluŋuluŋui aŋuna ka aarya ŋuluce; ijaanarete ikes ŋisiliŋa, ido kiyatakis ŋice neni a ŋulu idenikinitoe sek ituŋanan kec pei Esiraelit, ido abarakis ikes namodyanakin ŋikidunyet kec. Nyeriŋa ikes akamisito ayoŋ.

Esek. 22:13

“‘Kiirasi, ebapibapakini ayoŋ ŋakan kaŋ aŋuna iryamununiata iyes ŋiboro alopite a ŋolo nyiyookino ka aŋuna iaryata iyes ŋituŋa ŋuluce alokidiŋ kus.

Esek. 33:26

Ikinyomito iyes nooi ŋileŋia kus ŋulujiet, itiyaete ŋuna ka asiilyo, ŋinituŋanan aneni kus, emunanari aberu a ekidunyet keŋ, ipedorete kire iyes aryamun akwap ŋina eruwor ŋina kus a?’

Esek. 45:9

“Alimu Ekapolon Akuj atemar, okoe ŋikepukak a Isirael, itiyata iyes akisec ŋinapei paaran, toesikisi aryenyeo ka akisicanit ŋuluce, kitiyata ŋuna ajokak ka ŋuna iyookino, tojoŋoto akirisit ŋituŋa kaŋ anakwap kec, ayoŋ Ekapolon Akuj akalimokinit iyes.”

Esek. 46:18

Nyemaikina ekepukan todemana ŋituŋa ibore ŋini erae ŋini kec, emaikina iŋes inak ŋidwe keŋ ŋulusapa ibore ŋini eruwor ŋini kec aloboro keŋ a elope, ikotere nai nyedemar idio alotuŋa kaŋ ibore ŋini erae ŋini kec.”

Esek. 8:17

Tema nai Akuj neni kaŋ, “Lokoku a ituŋanan, iŋolik iyoŋ ŋakiro nu a? Nyerae mono ibore ŋini aronon nooi akiŋolikin asiilyo ŋina itiyaete ŋituŋa a Yudaya a ne a? Emaikina mono ikes kilelebikis tari aryenyeo nakwap ka torubakis eketoŋoito ayoŋ a? Kiŋolik iyoŋ epite ŋolo iasyata ikes akitoŋo ayoŋ nooi alopite a daadaŋ a ŋolo ecamito ikes!

Amos 2:7

iimakinito ikes ŋituŋa kec ŋulu a ŋican, nyecamito ikes akiŋarakin ŋulu eyakatar akiitanit. Ituruworito lokoku ka papa keŋ apese apei aberu kec, aŋun, enyasut ikes ekiro kaŋ ŋolo asegan;

Amos 4:1

Torubak Amos irworo tema, “Kiirasi ŋakiro nu iyes ŋaberu ŋuna iboiyete alo Samaria, iyes ŋuna itumito ikwa ŋaatuk ŋuna edakasi Basan, iyes ŋuna isicanito ŋikulyak ka iimakinito ŋulu eyakatar akiitanit, iyes ŋuna ilimonokinete ŋikilyok kus atemar inakinae isua ikotere ikimasi!

Amos 8:4

Kiirasi ŋakiro nu iyes ŋulu iimakinito ŋulu eyakatar akiitanit, ido icamito akitasalun ŋikulyak anakwap,

Mika 3:9

Kiirasi ŋakiro nu, iyes ŋikarikok a ŋituŋa a Yakob, iyes ŋikepukak a ŋituŋa a Isirael, iyes ŋulu ijamuwarito akiyookino, ido kiloco ŋuna iyookino;

Mika 6:12

Eryenyaaka ŋikabarak kon, irworosi ŋituŋa ŋulu iboiyete alotooma kon alyokonu, erae daadaŋ ŋuna irworosi ikes alyokonu.

Mal. 3:5

Ebala Ekapolon ŋolo Etiron, “Abuni ayoŋ neni kus atubokin iyes, ido alimuni ayoŋ atipei ŋakiro ŋuna etoroniyaritor ŋikekukujak, ŋikalomak, ŋikalyokonok, ŋiketunak ŋulu itunaete ŋiropito a ŋiketiyak kec, ŋikamodyanakinak ŋulu emodiyanarete ŋiboro anapuseru, alokokyok ka alotuŋa a ŋulugelae. Alimuni ayoŋ atipei ŋakiro ŋuna etoroniyaritor daadaŋ ŋulu nyakakerito ayoŋ.

Mat. 23:13

“Nai ekaŋ iyes ŋiketatamak a Ŋikisila ka Ŋiparisayon! Ŋikaŋisoswae! Igolokis iyes ekek ŋolo ka Apukan a ŋina anakuj alokiŋaren ŋituŋa, anerae nyilomarete iyes ŋilopeyek ka iretakis ŋulu acamito alomar tooma. [

1 Tim. 6:10

Anerae amina ŋisiliŋa iŋes erae akisyakinet ŋina a ŋakiro a ŋuna aronok a daadaŋ. Erae ekibure ŋol iŋes etooliyo ŋice ananupit kec ka etalalata ŋican ŋulu ka akiyaloloŋ alotai kec.