Mika 2:12 - Ebaibul

¹² “Okoe iyes ŋituŋa a Yakob, kire jik, akacunakini ayoŋ iyes daadaŋ iwapei, acunakini ayoŋ ŋipiya a Ŋisirael; acunakini ayoŋ ikes kaapei ikwa iudere ŋamesekin nanok, acununi ayoŋ ikes ikwa ecunere esipan a ŋamesekin anadakar; ilelebun ŋituŋa nakibois kus nooi.

Mika 2:12 Iomraidhean Croise

Akisy. 36:33

Ani etwani Bela, toruwor Yobab lokoku a Sera a ŋolo alo Bosira erwosit ke Edom.

1 Ŋakiro a ŋirwa 1:44

Ani etwani Bela, toruwor Yobab lokoku a Sera ŋolo abunit alo Bosira erwosit ke Edom.

Isa. 11:11

Akoloŋit ŋin, isitiyae nabo Ekapolon apedor keŋ kinyaku ŋipiya a ŋituŋa keŋ alo Asiriya, alo Ijipit, alo Pasiros, alo Esiopia, alo Elam, alo Sinar, alo Amas ka anakwapin a ŋuna idunyito anam.

Isa. 27:12

Akoloŋit ŋin, ecununi Ekapolon ŋituŋa keŋ ameun anakitelosit a aŋolol Eupurate tari nayonae ŋina alokukoru a Ijipit, okoe Ŋisirael, ikicununio iyes a ŋipeipei.

Isa. 34:6

Eyakar Ekapolon ekileŋ, ileleba ŋaokot lokileŋ ŋol, erapit arurak ekileŋ ŋol, ileleba ŋaokot a ŋikaalei a ŋulumesekin ka ŋuna a ŋamee lokileŋ ŋol, ileleba ŋaruraka a ŋiŋalur a ŋimeesekin lokileŋ ŋol, anerae eyakar Ekapolon amuronot Bosira, eari Ekapolon ŋituŋa ŋulu alalak alo Edom.

Isa. 5:17

Epote nai ŋikaalei ŋulumesekin adaka lopite ŋolo edakatar neni sek emaikina edakasi ka edakasi ŋikaalei ŋulu itumitae ka ŋulumee loreŋoroto.

Yer. 23:3

Tosodi ayoŋ elope acununi ŋipiya a ŋituŋa kaŋ anakwapin a daadaŋ a ŋuna abu ayoŋ erita ikes, enyakuni ayoŋ ikes nakwap kec ka epitunete ikes tolalata.

Yer. 3:18

Alorwa a ŋul, imorikinosi ŋituŋa a Isirael ka ŋituŋa a Yudaya, epote ikes kaapei anakwap a ŋina alo Kuju a ŋina arikoritae ikes, epote nai ikes nakwap ŋina abu ayoŋ oinak atapapaa kec toruwor ŋina kec.

Esek. 34:11

Ŋakiro ŋuna irworo Ekapolon Akuj ikes nu ebe, “Ayoŋ elope ewarari ŋamesekin kaŋ, ido eyok ikes.

Esek. 34:13

Ayauni ayoŋ ikes alotuŋa a ŋakwapin, acununi ayoŋ ikes anakiboisyo, oyau tooma nakwap kec, eyok ikes alokidiama ŋikamukumukui a Isirael, alodiyete ŋayona ŋuna eya ŋakipi ka aneni daadaŋ iboikinosi ikes alo Isirael.

Esek. 34:22

Aiuni ayoŋ ŋamesekin kaŋ, nyetiŋio nabo ikes neni aronon, atubokini ayoŋ ŋinamesek anamesekin kaŋ.

Esek. 34:31

Iraakasi iyes ŋamesekin kaŋ, ŋamesekin ŋuna eyoki ayoŋ ka arae ayoŋ Akuj Kus.”

Esek. 36:37

“Alimu Ekapolon Akuj atemar, acamakini daŋ ayoŋ Ŋisirael ekeŋita ayoŋ etiya nu aŋuna kec; akiyatakin ekimar kec tolalaar nooi ikwa esipan a ŋamesekin.

Esek. 37:21

ido tolimok ŋituŋa atemar, alimu Ekapolon Akuj ŋakiro nu ebe, ‘Enyakuni ayoŋ Ŋisirael anakwapin aŋuna apotu ikes toloto, acununi ayoŋ ikes anakiboisyo a daadaŋ aŋuna apotu ikes toloto, enyaku ikes nakwap kec.

Osea 1:11

Imorikinosi nabo ŋituŋa a Yudaya ka ŋulu a Isirael, eseunete nai ikes ekarikon kec epei, ikamarete ikes akwap kituruwosi ŋina kec. Kire, eruwor akoloŋit ŋina itiyakinotor ŋakiro ŋun alo Yesireel akoloŋit ŋina apolon nooi.

Amos 1:12

Aŋun, emyekini ayoŋ akim tonom etaun Teman, enomiyari akim ŋaduketa a Bosira ŋunajiet.”

Mika 2:13

Eŋaari Akuj erot aŋuna kec, ido toriku ikes anakwapin a ŋuna eya ikes erae ŋirikon, elomarete ikes alopukei a ŋitaunio a ŋulu eya erae ŋirikon, toloto emam ituŋanan iretakinit. Erikori ikes Ekapolon Erwosit kec apaki ŋina elomaryata.”

Mika 4:8

Ani eruwor iyoŋ Yerusalem, neni iyokiyo Akuj ŋituŋa keŋ ikwa ekeyokon, iruwor iyoŋ nabo etaun ŋolo apolon anapukan a ŋina sek erae ŋina kon.

Mika 5:7

Epote nai ŋituŋa a Yakob ŋulu apiyanun akiboiyor nakwapin ŋuna alalak, ikwaanikin ikes a nen ka ŋakopi ŋuna eyaunit Ekapolon, ŋuna itojokete akwap, ikwaanikin ikes a nen ka akiru ŋina itilibuni ŋinya. Eruwor Akuj iyoki ikes, meere ituŋanan.

Mika 5:8

Alokidiŋ ŋakwapin eyakaun ŋipiya a Yakob, eyakaun ikes kidiŋ ŋituŋa ŋulu alalak, ededeŋiata ikwa eŋatuny alokidiŋ ŋityaŋ ŋulu ka amoni, ikwaanikin ka iŋatuny ŋini eyai kidiŋ esipan a ŋamesekin, ŋini ani eporokini amesek, iimakini kwap toryeta ka tonyilinyiliya, todaun ikaiunan amesek.

Mika 7:14

Ekapolon kiyok ŋituŋa kon, ŋulu ibu iyoŋ toseu aruwor ŋulu kon, tari daŋ kiboiyete make anamoni, eyakasi ikes nalup ŋuna ajokak, kimyek ikes toryamut ibore ŋini enyamete alo Basan ka alo Gilead, lopite ŋolopei koloŋ aryamununiata.

Mika 7:18

Okoe Akuj, anikuj ikwaan ka iyoŋ! Irae iyoŋ Akuj ŋina isyoniyenene asecit ka ŋadyakanareta a ŋipiya a ŋituŋa kon. Nyirubakini iyoŋ iŋoit ŋikaru ka ŋikaru, nai imina iyoŋ akitoodiunun akisyon.

Sepan. 3:20

Apaki ŋin, akayauni ayoŋ iyes lore, akacunakini ayoŋ iyes kaapei; eketuruwori ayoŋ iyes ŋulu ikiyenio ka ikipuroi alotuŋa a daadaŋ a ŋulu ka akwap; ekenyakakinia ayoŋ iyes ŋarereŋisyo kus iteete iyes.” Ayoŋ Ekapolon alimu ŋun.