Mika 2:1 - Ebaibul

¹ Ekaŋ iyes ŋulu itukete akitiya ŋuna aronok, iyes ŋulu iyeete akitiya aronis apaki ŋina iperyoto! Ani iwalari akwap itiyakinete ikes ŋuna apotu totukut nakwaare akitiya, anerae ebasi ikes eya ŋakiro daadaŋ napedor kec.

Mika 2:1 Iomraidhean Croise

Akisy. 31:29

Ayakar ayoŋ apedor akiwan iyoŋ; nai abu Akuj a papa kon kirwor neni kaŋ bien nakwaare tema, ‘Tocoite ilimokini Yakob ŋakiro ŋadi, ŋuna ajokak, kori ŋuna aronok.’

1 Ŋirw. 21:7

Tema Yesebel aberu ka Aab neni alokile keŋ, “Meere mono iyoŋ ipukat Isirael a? Tonyou kimuj akimuj adio, tolakar; akainakini ayoŋ iyoŋ emanikor a Nabos a Eyesirelait ŋolo ke epiini.”

Esta 3:8

Tolimok nai Aman erwosit Ausero tema, “Eya ne ŋituŋa ŋice ŋulu ielakina ka etyakara make aneni a ŋituŋa a ŋakwapin a ŋuna ipukat ioŋ. Egelaaka ŋikisila a ŋituŋa a ŋul aneni a ŋulu a ŋituŋa a ŋuluce a daadaŋ, ido nyiwuapito ikes ŋikisila a erwosit. Aŋun, nyemaikina erwosit kimyek ikes.

Esta 5:14

Temasi nai Seres aberu ka Aman ka ŋikonei ka Aman daadaŋ, “Kitudukok ŋituŋa ŋipirin ŋiarei ŋulu edoli aoyau kec alokidiama ŋimitae ŋatomoniarei ka ŋiuni, kiriwokinae apeeta alokidiama. Ani moi taparacu tolimok erwosit kinenekinoe Moridekai napeeta a ŋipirin a ŋul; toloto nai iyoŋ ka erwosit nasuban elakara etau.” Tolakar Aman a ŋakiro a ŋun, kitudukok ŋituŋa ŋakito ŋun.

Esta 9:25

Nai ani irari erwosit ŋakiro ŋuna ka atuko ka Aman, abu tolimu anakiro a ŋuna egiri iŋes atemar kisicanae Aman aŋuna ka aronis a ŋina atuku iŋes akitiya neni a Ŋiyudayan. Tolimu iŋes atemar kinenekinoe Aman ka ŋidwe keŋ ŋulusapa nakito.

Yob 15:35

Erae ŋul ŋituŋa ŋulu eyeete ŋican aŋuna a ŋuluce, ido kitiyata aronis ka itemonokinete ikes amodiyo lotai kec.”

Yob 24:14

Enyoununeete ŋikaarak apaki ŋina iryonunia akwap daadaŋ aŋuna ka akiar ikulyakit ka ŋini a ŋican, elosete ikes nakwaare ikwapei ŋikokolak.

Ŋikiru. 36:4

Etuki iŋes eriŋa eperi akitiya ŋuna aronok; ŋuna aronok bon emina iŋes akitiya nyeŋerit iŋes akitiya ŋuna aronok.

Ŋikiru. 36:5

Okoe Ekapolon, eyai amina kon ŋina nyiryaŋiryaŋa, eyai akikinyoma kon kidiama.

Ŋikiru. 58:3

Ibatanarosi ŋulu aronok eriŋa epotiyo edyakanarete ikes ŋinapei idounere, elyokoko.

Ŋakit. 12:2

Eryamununui ituŋanan ŋini ajokan ajokis aneni a Ekapolon, nai etubonokini Ekapolon ŋini eyeununui akitiya aronis.

Ŋakit. 14:22

Nyecakanar mono ŋituŋa ŋulu eyeete akitiya aronis a? Nai ŋulu eyeete akitiya ŋuna ajokak, eryamunete amina ka akikinyoma.

Ŋakit. 3:27

Nyiŋer alimokin ŋuna ajokak neni a ŋulu iitanito akiirar ŋuna ajokak, kitiya ŋun neni kec erae kiyakar iyoŋ apedor alimokin ikes.

Ŋakit. 4:16

Nyejotoonor ŋulu itiyaete aronis mati kitiyata ibore idio ŋini aronon; ekyenyete ikes jik eperete mati kewana ituŋanan ice.

Isa. 29:20

anerae edaun eryenyaanot, eŋopiyari ŋini ejamuwarit ŋuluce, emunyaryo daadaŋ ŋulu iitanito akitiya aronis.

Isa. 3:14

Egeiyari Ekapolon atubokin ŋikarikok ka ŋikapolok a ŋituŋa keŋ, itoroniyarit ikes a ŋakiro a nu, “Imunaasi iyes emanikor a ŋikito a epiini, eya nakais kus ŋiboro ŋulu eŋatununuyo aneni a ŋikulyak.

Isa. 32:7

Ŋakiro ŋuna itiyaete ŋasyanisya, erae ŋuna aronok; eyeete akitiya ŋakiro ŋuna aronok ka irworosi alyokonu amunyarya ŋikulyak, tari kiyookino ŋakiro ŋuna edyakanarotor ŋituŋa ŋulu eyakatar akiitanit.

Isa. 5:8

Ekaŋ iyes ŋulu iasete ŋakais nakais kus, ŋulu iasete ŋimanikorin lomanikorin kus, akitodol ŋina eruworor iyes make iboiyete anakwap a ŋin, ikimyekin iyes make iboiyete a nen!

Isa. 59:3

Nyesegak ŋakan kus, anerae iara iyes ŋituŋa, itiyaete iyes asecit a ŋimoyo kus ka irworosi iyes ŋuna ka alyokonu, ileleba ŋakiro ŋuna aronok naŋajepa kus.

Yer. 18:18

Apotu nai ikes temasi, “Potu, oyeutu ŋarurumae emana Yeremia, anerae nyedaunun ŋakitatameta aneni a esacaradoti, kori ŋakiro ŋuna ajokak aneni a ŋikaosok, kori akirot aneni a ekadwaran. Potu esitakisi iŋes a ŋakiro a ŋadi, nyikiwuap ŋakiro keŋ ŋadi daŋ.”

Esek. 11:2

Tema Ekapolon neni kaŋ, “Lokoku a ituŋanan, ŋikilyok lu ikes eyeete aronis ka elimonokinete ŋituŋa akitiya ŋuna aronok alotaun a lo;

Esek. 33:26

Ikinyomito iyes nooi ŋileŋia kus ŋulujiet, itiyaete ŋuna ka asiilyo, ŋinituŋanan aneni kus, emunanari aberu a ekidunyet keŋ, ipedorete kire iyes aryamun akwap ŋina eruwor ŋina kus a?’

Esek. 38:10

“Alimu Ekapolon Akuj atemar, akoloŋit ŋina ilosyoto iyes, epote ŋatameta nakyes kus, ido igeunete iyes akituk akitiya ŋuna aronok.

Esek. 46:18

Nyemaikina ekepukan todemana ŋituŋa ibore ŋini erae ŋini kec, emaikina iŋes inak ŋidwe keŋ ŋulusapa ibore ŋini eruwor ŋini kec aloboro keŋ a elope, ikotere nai nyedemar idio alotuŋa kaŋ ibore ŋini erae ŋini kec.”

Mika 6:12

Eryenyaaka ŋikabarak kon, irworosi ŋituŋa ŋulu iboiyete alotooma kon alyokonu, erae daadaŋ ŋuna irworosi ikes alyokonu.

Naum 1:11

Abu aneni kon Ninepe ekile ŋolo etuki akitiya ŋuna aronok neni a Ekapolon, ekile ŋolo itatami ŋituŋa ŋuluce akitiya ŋuna aronok.

Sakar 7:10

Nyisicanito ŋapuseru, ŋikokyok, ŋigyelaanotin, kori ŋikulyak. Nyitamatamaete alotai kus akitiya ŋuna aronok neni a ŋuluce.’

Mar. 15:1

Taparacu sek, totukokinos ŋisacaradotin ŋulu apolok ka ŋikatukok ka ŋiketatamak ŋulu a Ŋikisila ta Atukot daadaŋ. Toena ikes Yesu torikosi inakis Pilato.

Luk. 20:19

Acamito ŋiketatamak a Ŋikisila ka ŋisacaradotin ŋulu apolok akikamun Yesu apaki ŋin, anerae ayenete atemar arae ikes alimunitor Yesu akitadapet ŋin. Nai tokera akikamun iŋes aŋuna a ŋituŋa.

Yoa. 19:11

Toboŋok Yesu tema, “Kemam iyoŋ apedor aneni kaŋ, kerae nyikiinakinit Akuj. Aŋun, ituŋanan ŋini ekepotokini ayoŋ neni kon, iŋes eyakar asecit ŋina epol akilo ŋina kon.”

Ŋitic. 23:12

Ani taparacu, kiryamiryama Ŋiyudayan ŋice. Kikoŋo atemar nyikimuji kori nyikimasi idiobore akitodol ŋina earyata Paulo.

Ŋitic. 23:15

Tokona nai, kiyakiyasi iyes a Natukot akirot neni ke ekapolokiniton ŋisigarya a Roma ayaun Paulo neni kus, esibit icamito iyes akiŋitiŋit iŋes nabo. Nai etenio isua akiar iŋes eriŋa nyedoluno ne.”

Ŋirom. 1:30

Itoroniarito ŋuluce alorworisya kec make, eŋerito Akuj, itoŋoyeneneete ŋuluce, isupaka, ituroko, etamete ŋarwa ŋuna alalak akitiya aronis, nyekerito ikes ŋikecekauruunak.

Ŋikis. 28:32

Einakinio ŋidwe kus ŋulupesur ka ŋulusapa neni a ŋituŋa a ŋice, iteete iyes, iteonorete iyes a ŋinakoloŋit, eyaanaryo nai nyipedorete akiretakin