Mika 1:6 - Ebaibul

⁶ Aŋun, eturuwori ayoŋ Samaria ereŋorot ŋolo etukotor ŋamoru anariet, akibois ŋina edupyo ŋikito ŋulu ke epiini, abukori ayoŋ ŋamoru keŋ nakadipaalat, ido emyek neni sek awuatar ŋarwatatain keŋ ileere.

Mika 1:6 Iomraidhean Croise

2 Sam. 17:13

Ani kelot iŋes lotaun, eyaunete Ŋisirael daadaŋ ŋaunoi lotaun ŋol, kibwatarae etaun nakadipaalat akitodol neni emunyumunyaaror todaun ibore ipei daŋ.’”

2 Ŋirw. 18:10

Ani elunyarosi ŋikaru ŋiuni ŋulu erikaunitere Samaria, aponi kikamarae. Alokaru a ŋolo a ŋikanikapei ipukat Esekia Yudaya, torae ŋolo ekaru ŋolo a ŋikanikaomwon ipukat Osea Isirael, aponi kikamarae Samaria.

2 Ŋirw. 18:9

Alokaru a ŋolo a ŋiomwon ipukat Esekia Yudaya, torae ŋikaru ka Osea a lokoku ke Ela ŋikanikaarei ipukat Isirael, abu Salimaneser erwosit ka Asiriya torem akwap kirikau Samaria.

2 Ŋirw. 19:25

“Nyiirara iyoŋ ŋinapei kanuwan atemar ayoŋ abu etemok ŋun kitiyakin a? Aberakin koloŋ sek ayoŋ ayeun ŋun, adau tokona akisiyookin, iŋes tokona ituruworia iyoŋ ŋitaunio ŋulu adukuk ka awuatae a ŋarwatatain ŋamoru ŋuna etukosi koŋin.

Isa. 17:1

Ŋakiro ŋuna adwarit Ekapolon aŋuna a Damasko ikes nu, “Kiirasi, ejoŋoe Damasko araakau etaun, ido eruwor iŋes ŋatukon a ŋamoru ka ŋamatapali ŋuna adukitere.

Isa. 25:12

Eritakinio kwap ŋarwatatain kec ŋuna aoyak ŋuna eya ŋaduketa ŋunajiet, ituuruwuanunio ikes toritakinae kwap, toruwor ŋalup.”

Isa. 25:2

Ituruwo iyoŋ etaun neni etukotor ŋamoru, ituruwo iyoŋ etaun ŋolo a ŋaduketa aŋunajiet ŋolo emunaara, nyeriŋa eyakasi lotaun ŋakais ŋuna eiunotor ŋigelaanotin, nyedukokin nabo etaun ŋol.

Yer. 31:5

Idupakinete nabo iyes ŋikito a epiini lomoru a Samaria, ŋulu edupakinete ŋikito a epiini, enyamete elelyanete ŋaraito a epiini a ŋolo adupakinete ikes.

Yer. 51:25

Okoe iyes ŋituŋa a Babilon, ikwaan iyes ka emoru ŋolo ikimunyari, emoru ŋolo emunyari akwap daadaŋ. Eopeuni ayoŋ akan kaŋ ekemanit iyes, ekeriu iyes anaŋici a ŋatabab, ekesikwaanik ka emoru ŋolo anomiya akim.

Yer. 51:37

ido eruwor Babilon ŋatukon a ŋamoru a ŋuna eritakinitae kwap ka neni iboiyoto ŋikweei, akibois ŋina ikitubuli iŋolikini ka ŋina ejutuwanaryo, ŋina emam ŋituŋa iboikin tooma keŋ.

Yer. 9:11

Eturuwori ayoŋ Yerusalem neni etukotor ŋamoru ŋuna eritakinitae kwap, eturuwori iŋes neni eperyoto ŋikweei; ka eturuwori ŋitaunio a Yudaya ŋireŋoroto, neni emam ŋituŋa iboiyete alotooma kec.”

Aum. 4:1

Ekwaanikin tokona ŋituŋa kosi ka egolid ŋolo aaŋoryan. Ekwaanikin ŋituŋa kosi ielara ka ŋamoru ŋuna ka Akai ka Akuj ŋuna tokona ielakina lorotin ŋulu ke etaun.

Esek. 13:14

Aritakini ayoŋ arwatata ŋina ibasi iyes egogoŋ ŋin, eperikini kwap, todaun ibore ewoi anakisyakinet keŋ apaki ŋina eritaror iŋes, itwanikinete iyes tooma keŋ, ido iyenunete atemar arae ayoŋ Ekapolon.

Osea 13:16

Isicanio ŋituŋa a Samaria aŋuna ka asecit kec anerae aŋero ikes Akuj kec, earyo ikes a ekileŋ, enyilinyiliyaryo ŋawat a ŋidwe kec ka epunonoryo ŋakookyes a ŋaberu kec a ŋuna epotiyete.

Amos 5:11

aŋuna isicaniata iyes ŋikulyak, ido ilemanerete aneni kec ŋikinyom ka agogoŋu, tari kidukito iyes ŋakais kus a ŋamoru a ŋuna icietae ejok, nyiboikinosi iyes nakais ŋun; tari kidupito iyes epiini namanat ŋuna ajokak a ŋalup, nyimasete iyes epiini a ŋikito a ŋul.

Amos 6:8

Adau Ekapolon Akuj alope akikoŋ nu ebe, ‘Nyacamit ayoŋ akituro a Ŋisirael, aŋerit daŋ ŋaduketa kec ŋunajiet, ido ainakini ayoŋ etaun a Ŋisirael ŋolo apolon ka ŋinibore daadaŋ eyai tooma keŋ nakan a ŋimoe kec.’

Mika 3:12

Aŋuna a ŋakiro kus, itao Sion toruwor emanikor; eruwor Yerusalem ereŋorot ŋolo etukotor ŋamoru, ido elomuni amoni alomukura a ŋolo ka Akai ka Akuj.

Abak. 3:13

Ibu iyoŋ toloma kiŋa aiun ŋituŋa kon, aiun erwosit kon ŋolo iseunit iyoŋ. Ibu iyoŋ toar ekarikon a apukan a ŋina aronon, ido ibu tomunya apukan ŋin.

Mat. 24:2

Nai tolimok Yesu ikes tema, “Iteete iyes ŋiboro lu daadaŋ a? Akalimokini ayoŋ iyes kire atemar, nyidoŋi nege tari amoru apei daŋ ŋina nyeukoryo.”