Mika 1:2 - Ebaibul

² Kiirasi ŋakiro nu iyes ŋituŋa daadaŋ; topupokisi ŋakiro nu, iyes ŋulu iboiyete anakwap a daadaŋ. Elimori Ekapolon ŋolo Etiron ŋuna ikisitakinitor iyes. Irworo iŋes alo Kai keŋ anakuj.

Mika 1:2 Iomraidhean Croise

1 Ŋirw. 22:28

Tolimok Mikaia iŋes tema, “Ani kire kiboŋu iyoŋ alojie emam ŋace, iŋes atemar nyirworo Ekapolon neni kon aneni kaŋ.” Toropak iŋes erwor keŋ tema, “Kiirasi ŋituŋa daadaŋ ŋakiro ŋuna adau ayoŋ alimun!”

2 Ŋakiro a ŋirwa 18:27

Tolimok Mikaia iŋes tema, “Ani kire kiboŋu iyoŋ alojie emam ŋace, iŋes atemar nyirworo Ekapolon neni kon aneni kaŋ.” Toropak iŋes erwor keŋ tema, “Kiirasi ŋituŋa daadaŋ ŋakiro ŋuna adau ayoŋ alimun!”

Ŋikiru. 11:4

Eyai Ekapolon kai keŋ ŋina asegan, ipukat Ekapolon anakuj. Ite iŋes ŋituŋa aneni daadaŋ eya, eyeni ŋakiro ŋuna itiyaete ikes.

Ŋikiru. 24:1

Erae akwap daadaŋ ka ibore daadaŋ ŋini eyai nakwap ŋulu ke Ekapolon, akwap ka ŋituŋa daadaŋ ŋulu eyakasi nen erae ŋulu ke Ekapolon;

Ŋikiru. 28:2

Kiira ŋakiro ŋuna ka akilip kaŋ, apaki ŋina egworor ayoŋ neni kon akiŋarakino, apaki ŋina ekeyaaritor ayoŋ ŋakan kaŋ elipi neni kon eteorit nakibois kon ŋina asegan nooi.

Ŋikiru. 50:1

Akuj Ekapolon ŋolo etiron, iŋes irworo enyarit akwap daadaŋ ŋinapei alo Kide tari To.

Ŋikiru. 50:12

Ani kerae okonyamite ayoŋ akoro, pa kekeŋit ayoŋ iyes ainakin ayoŋ akimuj; anerae erae akwap ŋina kaŋ ka ibore daadaŋ ŋini eyai nakwap erae ŋini kaŋ.

Ŋikiru. 50:7

“Topupokisi, okoe ŋituŋa kaŋ, ido erworikini ayoŋ. Okoe Ŋisirael, alimuni ayoŋ ŋakiro ŋuna eketoroniyaritor iyes. Arae ayoŋ Akuj, Akuj kus.

Ŋakit. 8:4

“Okoe ŋituŋa, akanyarit ayoŋ iyes, anyarit ayoŋ ŋituŋa a akwap a daadaŋ a etoil a ŋolo apolon.

Isa. 1:2

Kirwor Ekapolon tema, “Kiirasi okoe nakuj ka akwap! Anerae adau Ekapolon alimun ŋakiro nu, ‘Abu ayoŋ etan ŋidwe ka abu etopolou ikes, nai akaŋero ikes ayoŋ.

Isa. 18:3

Iyes ŋituŋa daadaŋ ŋulu iyakasi nakwap, iyes ŋulu iboiyete anakwap, ani ikyaaryo abendera alokidiama emoru, emaikina iyes kiŋolikis ani ekutakinio amomwara a emesek, emaikina iyes topupokis!

Isa. 50:7

Ekeŋarakinit Ekapolon Akuj ayoŋ; aŋun, emam ajokis alemar aneni kaŋ, aŋun, emam akuryanu eyai loreet kaŋ, ido ayeni ayoŋ atemar nyekesurumyo ayoŋ ŋileec,

Yer. 22:29

Okoe akwap, akwap, akwap, kiira ŋakiro a Ekapolon.

Yer. 29:23

anerae etiyata ikes ŋuna aronok nooi alo Isirael, apotu toloma ŋaberu a ŋikidunyet kec, erworo alokiro kaŋ ŋakiro ŋuna ka alyokonu, ŋakiro ŋuna nyelimokina ayoŋ ikes, ayoŋ ayeni ka arae esuuda a ŋakiro kec.”

Yer. 42:5

Tolimokis daŋ ikes Yeremia temasi, “Ikilipi toruwor Ekapolon ŋolo iyookino ka esuuda ŋolo ikinyoma anakisican isua erae keŋeri akiwuap ŋuna daadaŋ ikilimokini Ekapolon Akuj kon isua aneni kon.

Yer. 6:19

Tolimu nai Ekapolon tema, ‘Okoe ŋituŋa a akwap, kiirasi, ayauni ayoŋ ŋican neni a ŋituŋa a lu, ŋakiro ŋuna a eropit aŋuna eyete ikes akitiya, anerae awout ikes akiirar ŋakiro kaŋ ka aŋero akitatam kaŋ.’”

Yona 2:7

Apaki ŋina abunio ayoŋ otamak atemar atwana, abu ayoŋ okotamu iyoŋ Ekapolon; ido ibu iyoŋ kiira akilip kaŋ alo Kai kon a ŋina Asegan.

Yona 2:8

Ŋulu ilipete neni a ŋakujo a ŋunacaryo, adaut akiŋer Akuj ŋina isyonene ikes.

Abak. 2:20

Eyai Ekapolon Kai keŋ ŋina asegan; emaikina ŋituŋa daadaŋ anakwap kililiŋa alokiŋaren keŋ.

Mal. 2:14

Nai iŋitasi iyes ibasi, ‘Kaanukiro?’ Erae aŋuna eraakar Ekapolon esuuda ŋolo eyeni atemar nyeriŋa iyoŋ ikinyomit aberu ŋina ibu iyoŋ kiit eriŋa irae esorokit. Arae sek aberu ŋin ŋina irukito ka iyoŋ ejok, ido tokona nyeriŋa iyoŋ ikinyomit iŋes tari daŋ ŋina ibunio iyoŋ kiik Akuj ekiŋaren atemar ikinyomi iŋes.

Mal. 3:5

Ebala Ekapolon ŋolo Etiron, “Abuni ayoŋ neni kus atubokin iyes, ido alimuni ayoŋ atipei ŋakiro ŋuna etoroniyaritor ŋikekukujak, ŋikalomak, ŋikalyokonok, ŋiketunak ŋulu itunaete ŋiropito a ŋiketiyak kec, ŋikamodyanakinak ŋulu emodiyanarete ŋiboro anapuseru, alokokyok ka alotuŋa a ŋulugelae. Alimuni ayoŋ atipei ŋakiro ŋuna etoroniyaritor daadaŋ ŋulu nyakakerito ayoŋ.

Ŋikis. 32:1

Okoe kidiama, topupok, ido erwor ayoŋ, okoe akwap kiira ŋakiro ŋuna erworo ayoŋ.

Akis. 2:11

“Iŋes ŋini eya ŋaki, kiira ŋuna irworo Etau natukon ŋuna a Ŋikristo! “Iŋes ŋini ilouni, nyeari atwanare ŋina a ŋaarei iŋes.

Akis. 2:17

“Iŋes ŋini eya ŋaki, kiira ŋuna irworo Etau natukon ŋuna a Ŋikristo! “Iŋes ŋini ilouni, ainakini Manna adio ŋina iwuaitae. Ainakini nabo ayoŋ iŋes amoru ŋina akwaŋan ŋina igiritae ekiro ŋolokitete, ŋolo emam ituŋanan eyeni, mati ŋini einakinio amoru ŋin.

Akis. 2:29

“Iŋes ŋini eya ŋaki, kiira ŋuna irworo Etau natukon ŋuna a Ŋikristo.

Akis. 2:7

“Iŋes ŋini eya ŋaki, kiira ŋuna irworo Etau natukon ŋuna a Ŋikristo! “Iŋes ŋini ilouni, ainakini apedor ŋinakimujet arait ŋina ke ekitoe a ŋolo ka akiyar, a ŋolo eyai lomanikor ŋolo ka Akuj.”

Akis. 3:13

“Iŋes ŋini eya ŋaki, kiira ŋuna irworo Etau natukon ŋuna a Ŋikristo.

Akis. 3:22

“Iŋes ŋini eya ŋaki, kiira ŋuna irworo Etau natukon ŋuna a Ŋikristo.”

Akis. 3:6

“Iŋes ŋini eya ŋaki, kiira ŋuna irworo Etau natukon ŋuna a Ŋikristo.

Ŋikat. 11:10

Toboŋokis nai ŋikasikou ŋulu alo Gilead Yepesa temasi, “Eruwor Ekapolon esuuda yok kire jik, ikitiyae isua ikwapei ilimunio iyoŋ.”