Mika 1:1 - Ebaibul

¹ Alorwa a ŋulu araakatar Yosam ka Aas ta Esekia ŋirwosi ŋulu a Yudaya, abu Ekapolon tolimok ŋakiro nu neni a Maika. Arae Maika ŋolo abunit alotaun a ŋolo a Moreses. Abu Ekapolon kisileerek Maika ŋakiro nu daadaŋ aŋuna a Samaria ka Yerusalem.

Mika 1:1 Iomraidhean Croise

2 Ŋirw. 15:32

Alokaru a ŋolo a ŋiarei ipukat Peka lokoku a Remalia Isirael, kisyak Yosam lokoku a Usia akipuka Yudaya.

2 Ŋirw. 15:5

Abu Ekapolon kisican erwosit Asaria, inak adyak atapon anakiyar keŋ a daadaŋ, kiboiye epakara kai keŋ bon. Arae Yosam lokoku keŋ iŋes apolokinit akai ŋina ke erwosit ka daŋ kipukate ŋituŋa.

2 Ŋirw. 16:1

Alokaru a ŋolo a ŋitomon ka ŋikanikaarei ipukat Peka lokoku a Remalia Isirael, kisyak Aas lokoku keŋ a Yosam akipuka Yudaya.

2 Ŋirw. 18:1

Alokaru a ŋolo a ŋiuni ipukat Osea lokoku ke Ela Isirael, kisyak Esekia lokoku ka Aas akipuka Yudaya.

2 Ŋakiro a ŋirwa 28:1

Arae ŋikaru ka Aas ŋatomoniarei isyakini akipuka Yudaya. Abu iŋes kipuka Yudaya alo Yerusalem ŋikaru ŋitomon ka ŋikanikapei. Pa etiyae iŋes ŋuna etalakarito Ekapolon lopite ŋolo etiyator Daudi ŋolo arae papaa keŋ;

2 Ŋakiro a ŋirwa 29:1

Esyakini Esekia akipuka Yudaya erae ŋikaru keŋ ŋatomoniarei ka ŋikan. Kipuka iŋes Yudaya alo Yerusalem ŋikaru ŋatomoniarei ka ŋikanikaomwon. Arae ekiro a toto keŋ Abi nakoku a Sakariya.

Isa. 1:1

Erae nu ŋakiro ŋuna abu Akuj kisileerek Isaya lokoku ka Amos aŋuna a ŋituŋa a Yudaya ka Yerusalem alorwa a ŋulu epukatotor Usia, Yosan, Aas ka Esekia ŋulu arae ŋirwosi a Yudaya.

Isa. 1:2

Kirwor Ekapolon tema, “Kiirasi okoe nakuj ka akwap! Anerae adau Ekapolon alimun ŋakiro nu, ‘Abu ayoŋ etan ŋidwe ka abu etopolou ikes, nai akaŋero ikes ayoŋ.

Isa. 7:1

Alorwa a ŋulu epukator Aas lokoku a Yosam a ŋolo arae lokoku a Usia ŋina araakar iŋes erwosit a Yudaya, apotu erwosit Resin ŋolo ka Aram ka erwosit Peka lokoku a Remalia ŋolo anakwap a Isirael toloto akirem Yerusalem, nai apotu nyepedosi akitijiore ŋituŋa a Yerusalem.

Isa. 7:9

Etaun a Epuraim ŋolo apolon iŋes Samaria ka ekapolon ŋolo a Samaria iŋes lokoku a Remalia. Ani pa kigogoŋior iyoŋ ananupit, nyirubakini idaŋidaŋi jik.”

Yer. 26:18

“Abu koloŋ Mika ŋolo abunit alo Moreses, ŋolo adwarenene alorwa a ŋulu epukator erwosit Esekia ŋolo a Yudaya, tolimok ŋituŋa a Yudaya daadaŋ tema, ‘Ŋakiro ŋuna irworo Ekapolon ŋolo a ŋajoresyo ikes nu: Eruwor Sion neni itao ikwa emanikor, eruwor Yerusalem neni etukotor ŋamoru ŋuna eritakina kwap ka eruwor emukura ŋolo ka Akai ka Akuj amoni.’

Osea 1:1

Erae nu ŋakiro ŋuna ka Akuj ŋuna abu Ekapolon tolimok Osea lokoku a Beeri, alorwa a ŋulu a ŋirwosi a Yudaya a lu: Usia, Yasam, Aas ka Esekia ka alorwa a ŋulu a Yeroboam a ŋolo a Isirael a ŋolo arae lokoku a Yoas.

Osea 4:15

“Okoe Ŋisirael, tari pa kimalaaniarito iyes aneni kaŋ, nyiinakis ŋituŋa a Yudaya ekaile ŋolo ka asecit. Nyilomasi Gilgal, kori nyitipeiyosi Bes-Apen ka nyikoŋo ibasi, ‘Ikwapei eyarya Ekapolon.’

Osea 8:14

Emuryak ŋituŋa a Isirael ekasubunan kec, adukokis ikes ŋakais a ŋapukasinei kec, alalata ŋitaunio a Yudaya ŋulu eyakatar ŋaduketa ŋunajiet, nai ecunyari ayoŋ a akim ŋitaunio ŋul daadaŋ, enomiyari akim ŋaduketa ŋunajiet ŋun.

Amos 1:1

Erae nu ŋakiro ka Amos a ŋolo arae epei a ŋikeyokok alotaun a ŋolo anyaritae Tekoa. Abu Akuj kisileerek Amos aŋuna a Isirael alorwa a ŋulu epukator Usia Yudaya, kipukate Yeroboam lokoku a Yoas Isirael. Esileerekini Akuj Amos ŋakiro nu ŋikaru ŋiarei eriŋa nyeyakauna amaranikinet ka akwap.

Amos 6:1

“Ekaŋ iyes ŋulu iboiyete emam ŋace alo Sion ka iyes ŋulu iboiyete isilito ŋitai alomoru Samaria, iyes ŋarwonita ka akwap, iyes ŋulu eloseneneete Ŋisirael aryamun akiŋarakino!

Mika 1:5

itiyakinosi ŋakiro ŋun daadaŋ, anerae adaut ŋituŋa a Yakob akibil ŋikisila, adaut ŋituŋa a Isirael akisec. Ai mono abilyata ŋituŋa a Yakob ŋikisila? Meere mono Samaria a? Ai mono aseciata ŋituŋa a Yudaya? Meere mono Yerusalem a?

Mika 3:9

Kiirasi ŋakiro nu, iyes ŋikarikok a ŋituŋa a Yakob, iyes ŋikepukak a ŋituŋa a Isirael, iyes ŋulu ijamuwarito akiyookino, ido kiloco ŋuna iyookino;

Abak. 1:1

Ŋakiro nu ikes abu ekadwaran Abakuk toryamu aneni ke Ekapolon.

2 Pet. 1:21

Anerae emam ŋakiro ŋuna edwaritae ŋuna eponito anacamit a ituŋanan, nai arae Etau ŋolo Asegan esirwori ŋituŋa ŋakiro ŋuna aponito aneni ka Akuj.