Mat. 9:16 - Ebaibul

¹⁶ “Emam ituŋanan ŋini epedori adapakin arac ŋina kitete lolou ŋoloŋorot, anerae kedapaki, ecilar arac ŋina kitete, kiyatakin acilat lolou ŋoloŋorot.

Mat. 9:16 Iomraidhean Croise

Akisy. 33:14

Ekelipit ayoŋ iyoŋ ekapolon kaŋ toberari kiŋaren eketiyan kon, abuni ayoŋ iwadio iwadio lopite ŋolo elosyoto ŋibaren ŋulu amyat ayoŋ ka lopite ŋolo elosyoto ŋidwe; akitodol ŋina adolunio Seir neni a ekapolon kaŋ.”

Ŋikiru. 125:3

Nyerubakinete ŋulu aronok jwi jwi ipukato akwap a ŋulu iyookino; anerae epedorete ŋulu iyookino akitiya aronis.

Isa. 40:11

Ebuni iŋes akitan ŋituŋa keŋ lopite ŋolo itania ekeyokon ŋamesekin keŋ; edaki iŋes ŋikaalei ŋulucicik anakan keŋ, kiwuak ikes natorobu keŋ; ido tomea iyaparit atatoto a ŋikaalei a ŋul.

Mat. 9:15

Toboŋok Yesu ikes tema, “Epedorete mono ŋituŋa ŋulu enyaritae lokiitanu akikany eriŋa ekeitan erukito ka ikes a? Nyepedor ŋun! Nai epote ŋirwa ŋulu elemarere ekeitan aneni kec, togeut ikes nai akikany.

Mat. 9:17

Kori emam ŋituŋa ŋulu etikakinete ewinyiwiny lotwol ŋulu eŋorotonito, ani ketikakis, ebwaŋabwaŋaari ewinyiwiny ŋitwol ŋul, tosodi tobukor ewinyiwiny daŋ. Nai etikanakinio ewinyiwiny lotwol ŋulu kitet, ikotere nyinyasunosi ikes daadaŋ.”

Mar. 2:21

“Emam ituŋanan epedori adapakin arac ŋina kitete lolou ŋoloŋorot; ani kedapaki, ecilar ŋina kitete alolou a ŋoloŋorot, kiyatakin acilat nooi.

Luk. 5:36

Tolimok nabo Yesu ikes akitadapet na tema, “Emam ituŋanan ŋini eciluni arac alolou a ŋolokitete, todapak lolou ŋoloŋorot. Ani kitiya ituŋanan ikoŋina, ecili elou ŋolokitete, nabo emam nyikwaanikin arac keŋ ka elou ŋoloŋorot.

Yoa. 16:12

“Eyakasi ŋakiro ŋuna alalak ŋuna acamit ayoŋ alimokin iyes, nai nyipedorete atitinyikin.

1 Ŋikor. 13:13

Eriŋa nai nu ŋunauni eroparito: anupit, akigeno ka amina, nai ŋina iloit ŋun daadaŋ iŋes amina.

2 Ŋikor. 9:12

Anerae etic ŋolo itiyaete iyes ŋol, nyiŋaranakinit ŋituŋa ŋulu ka Akuj bon, nai eyaunit daŋ neni ka Akuj akipuro ŋina apolon adepar.