Mat. 9:12 - Ebaibul

¹² Ani iirari Yesu ŋakiro kec, toboŋok tema, “Nyiitanito ŋituŋa ŋulu eŋaleete emuron, nai ŋulu edyakasi.

Mat. 9:12 Iomraidhean Croise

Ŋikiru. 147:3

Isimukekini ŋulu amamukaun amukeo alotai kec, imaduni ŋulu ewanan.

Ŋikiru. 41:4

Ani eruwor ayoŋ, abu otema, “Okoe ekapolon, torimakinae ayoŋ; kitaŋaleunoe ayoŋ, anerae asec ayoŋ aneni kon.”

Ŋikiru. 6:2

Okoe Ekapolon, kisyonitetei ayoŋ, anerae apalagag ayoŋ; okoe Ekapolon, kitaŋaleunoe ayoŋ, anerae emaranete ŋakoyo kaŋ, akaryebete nooi.

Yer. 17:14

Okoe Ekapolon, kitaŋaleunoe, ido aŋaleuni ayoŋ, toiunae ayoŋ, ido aiun ayoŋ; anerae irae iyoŋ akipuro kaŋ.

Yer. 30:17

Eketojokuni ayoŋ iyes nabo, ka etiiyori ayoŋ ŋajemei kus, anerae ikinyarata ŋimoe kus iyes ebe, ‘Erae ikes ŋulu ilamitae, ilamitae Sion, mam ituŋanan emisit iŋes.’ ”

Yer. 33:6

Kikote neni daŋ, enyakakini ayoŋ ajokis ka a ŋaleu lotuŋa a etaun a lo, etojokuni ayoŋ ikes, esileerek ikes abaru ŋina alalan ka akiboi ejok.

Yer. 8:22

Emam mono alo Gilead ekitoe ŋolo kitojokunet ituŋanan ŋini edyak a? Emam mono eketaŋaleunon eyai ina a? Kaanukiro nai pa ajokuniata ŋituŋa kaŋ ŋulu a ŋican anadyaka kec?

Osea 14:4

Enyakuni ayoŋ ŋituŋa neni kaŋ, aminakini ayoŋ ikes a etau kaŋ a daadaŋ, anerae nyeriŋa ayoŋ aŋoikinit ikes.

Mat. 18:11

Anerae abuni Lokoku a Ituŋanan aiun ŋulu eolito.]

Mar. 2:17

Ani iirari Yesu akiŋiset ŋin, tema, “Nyiitanito ŋituŋa ŋulu eŋaleete emuron, nai ŋulu edyakasi. Nyabunit ayoŋ anyarare ŋulu iyookino, nai ŋikasecak”.

Luk. 5:31

Toboŋok Yesu ikes tema, “Nyiitanito ŋituŋa ŋulu eŋaleete emuron, nai ŋulu edyakasi.

Luk. 8:43

Ayai nen aberu ŋina aleleete ŋaokot ŋikaru ŋitomon ka ŋiarei. Kisunyak iŋes ŋikeeboro daadaŋ lomurok, nai amam tari ipeituŋanan daŋ ŋini apedori akitaŋaleun iŋes.

Luk. 9:11

Ani iirari asepic a ŋituŋa atemar alot iŋes inaa, kiwuapak iŋes. Kijau iŋes ikes, tolimok ikes ŋakiro ŋuna ka Apukan ka Akuj, kitaŋaleu ŋulu adyakasi daŋ.

Ŋikol. 4:14

Ikimalaete iyes Demas ka Luka ŋolo minat ŋolo erae edakitar kosi.