Mat. 8:4 - Ebaibul

⁴ Kicik Yesu iŋes tema, “Nyilimok idiotuŋanan, nai tolot kitoodiyar neni ka esacaradoti, ikisyem iŋes iyoŋ, ido tolemu ainakinet ikwaŋina icikakinitor Moses, ikotere toanyunia ŋinituŋanan atemar isegu iyoŋ.”

Mat. 8:4 Iomraidhean Croise

Isa. 42:21

Abu Ekapolon tolakar aŋuna a ŋituŋa keŋ a ŋulu eyookino, abu iŋes kitopoloo nooi ŋikisila keŋ ka ŋakitatameta keŋ.

Ŋilep. 13:49

ido ani kelibiyarit, kori kereŋiyarit ibore ŋin alolou a ŋolo imanyumanyunitae, kori a ŋolo edonyunitoe, kori alojamu, kori anibore ca a daadaŋ a ŋini itiyaunitae alolou a ibarasit, erae edeke ŋol ŋolo etapaana, ido emaikina kitoodiyarae neni ke esacaradoti.

Mat. 10:18

Ikirikoryo iyes kiŋaren ŋikepukak ka ŋirwosi aŋuna kaŋ, ikotere toruworos iyes ŋisuudae kaŋ alokiŋaren kec ka alokiŋaren ŋituŋa ŋulu nyerae Ŋiyudayan.

Mat. 16:20

Kicik nai iŋes ŋikeekasyomak nyelimokis ituŋanan ice atemar erae iŋes Kristo.

Mat. 17:9

Ŋolopite adokuniata ikes alomoru, kicik Yesu ikes tema, “Nyilimokis idiotuŋanan atakanikinet ŋin akitodol apaki ŋina iteyarunere Lokoku a Ituŋanan alokatwak.”

Mat. 3:15

Nai toboŋok Yesu iŋes tema, “Kimyek kitiyakin ikona tokona. Anerae erae epite lo iŋes ikisiyookinio iwon ŋuna ecamit Akuj daadaŋ.” Kimyek nai iŋes kitiyakin.

Mat. 5:17

“Nyitamete atemar kori abunit ayoŋ alemar Ŋikisila a Moses ka ŋakiro ŋuna etatamete ŋikadwarak. Nyabunit ayoŋ akikisar ikes, nai akisiyookin.

Mat. 6:1

“Tocoito nyitiyaete ŋiticisyo ŋulu ke edin alokiŋaren ŋituŋa, icamito atemar ikianyuwasi ikes iyes, anerae ani kitiyata iyes ikoŋina, nyiryamunete edioropit aneni a Papa kus a ŋolo eyai nakuj.

Mat. 9:30

Toŋaleut ŋakecekonyen. Kicik nai Yesu ikes nooi tema, “Nyilimokis idiotuŋanan nu.”

Mar. 13:9

“Tocoito iyes, anerae epote ikes arikor iyes loikiikoe ka ikibuŋaete alosinagogae. Ikitowuoyo iyes alokiŋaren ŋikepukak ka ŋikapolok ŋice daŋ aŋuna kaŋ. Apaki ŋin, iŋes iruworotor iyes ŋisuudae kaŋ.

Mar. 3:12

Tolimok Yesu ikes tema, “Nyikiteyan ayoŋ ŋituŋa!”

Mar. 5:43

Kicikak Yesu ikes ka agogoŋu tema, “Nyeyenu idiotuŋanan ŋakiro ŋun.” Tolimok ikes ainakin iŋes adiokimuj.

Mar. 6:11

Akibois daadaŋ ŋina nyikijauniata iyes ŋituŋa, kori ewouniata akiirar iyes, totwakisi apuwa ŋina a ŋakejen kus nen, kitoodiu nen atemar esecito ikes.”

Mar. 7:36

Kicik Yesu ikes nyelimokis idiotuŋanan, nai ani tari kicik iŋes ikes nooi, kielasi ikes ŋakiro ŋuna ecikit iŋes ikes atemar nyilimosi.

Mar. 8:30

Kicik Yesu ikes nyiteyenut iŋes idiotuŋanan.

Mar. 9:9

Ani edokunete ikes alomoru, kicik Yesu ikes nyelimokis idiotuŋanan ŋuna apotu ikes toanyut, akitodol ŋina eyarunia Lokoku a Ituŋanan alokatwak.

Luk. 17:14

Kiŋolik Yesu ikes tolimok tema, “Toloto neni a ŋisacaradotin ikisyemeto ikes iyes.” Ani elosete ikes alorot, toŋaleut ikes tosegut.

Luk. 21:13

Apaki ŋin, iŋes iruworotor iyes ŋisuudae kaŋ.

Luk. 4:41

Tari ŋipyan apotu tolomut alotuŋa iworoete ebasi, “Irae iyoŋ Lokoku ka Akuj!” Nai kikilyanak Yesu ikes nyecamak tari epei akirworikin, anerae ayenete ikes atemar Yesu erae Kristo.

Luk. 5:14

Kicik Yesu iŋes tema, “Nyilimok idiotuŋanan ŋakiro nu, nai tolot kitoodiyar neni ka esacaradoti, ikisyem iŋes iyoŋ; ido tolemu ainakinet aŋuna ka asegun kon, ikwaŋina icikakinitor Moses; ikotere toanyunia ŋinituŋanan atemar isegu iyoŋ.”

Luk. 8:56

Toumokis ŋikauruunak ka apese nooi, todaun ŋuna elimunete, nai kicik Yesu ikes tema, “Nyilimokis tari ipeituŋanan daŋ ŋuna etiyakinosi.”

Luk. 9:21

Kicik nai Yesu ikes nyelimokis ŋun idiotuŋanan.

Yoa. 5:41

“Nyewarit ayoŋ akitopolooro alotuŋa,

Yoa. 7:18

Ŋini irworo aŋuna ka apedor keŋ bon, iwarit akitopolooro; nai ŋini iitanit apolou a ŋolo iyakit iŋes, irworo ŋuna a kire, emam adiolyokonu eyai neni keŋ.

Yoa. 8:50

Nyewarit ayoŋ bon akitopolooro; nai eyai epei ŋolo iwarit apolou kaŋ, iŋes etubi aŋuna kaŋ.