Mat. 8:12 - Ebaibul

¹² Nai ŋituŋa ŋulu emaikina toya Napukan, ecakakinio ikes nakiryonut, kigworo toryeba ŋikyal a nen.”

Mat. 8:12 Iomraidhean Croise

Ŋikiru. 112:10

Ani iŋolikinete ŋulu aronok ŋun, toŋoa; toryenyaakyata imanito ŋulu iyookino, ido torotokis; emam ibore ipei daŋ iyookino anacamit a ŋulu aronok.

Isa. 65:14

Eokinete ŋiketiyak elakara alotai kec, nai igworete iyes aŋuna ka aryeba a ŋitai kus ka iwololoete aŋuna ka akiyaloloŋ a ŋitai kus.

Mat. 13:38

Emanikor iŋes akwap. Ŋikinyom ŋulu ajokak ikes ŋidwe ŋulu ka Apukan ka Akuj. Etirwae iŋes ŋidwe a Satan.

Mat. 13:42

tocakakinae nakim ŋina erirae. A nen, kigworo ka tokonyanakis ŋikyal.

Mat. 13:50

Ecakakinete ŋimalaikan ikes nakim ŋina erirae. Kigworo a nen ka tokonyanakis ŋikyal.”

Mat. 21:43

“Aŋun, akalimokini ayoŋ iyes atemar, elemaryo Apukan ka Akuj aneni kus, inakinae neni a ŋituŋa a ŋulu iraete ŋaraito. [

Mat. 24:51

Isicani ekapolon iŋes nooi, kimorik ka ŋikaŋisoswae; kigwor aina tokonyanak ŋikyal.

Mat. 25:30

Nai eketiyan ŋolo erae ekoŋinait lo, tocakasi iŋes kiŋa nakiryonut. Kigwor aina tokonyanak ŋikyal.’

Luk. 13:28

Ikalounete iyes nooi, ikonyanakinete ŋikusikyal apaki ŋina iŋolikiniata Aburaam ka Isaka ka Yakobo ta ŋikadwarak daadaŋ eyakasi Napukan ka Akuj, nai ani eruwor iyes itogolor kiŋa!

Ŋitic. 3:25

Erae ŋuna kus ŋakiikineta ŋuna ka Akuj ŋuna ekobunete ŋikadwarak keŋ ka imarakina iyes Nacamunet keŋ ikwaŋina alimokinia iŋes Aburaam ebe, ‘Eterereŋi ayoŋ ŋituŋa ŋulu ka akwap daadaŋ aŋuna a ŋiletok kon.’

Ŋirom. 9:4

Ikes erae ŋituŋa ŋulu a Isirael ŋulu eseunit Akuj kituruwo ŋidwe keŋ ka kitoodik apolou keŋ neni kec. Abu iŋes bu neni kec inak ikes Acamunet ka Ŋikisila daŋ. Eyenete ikes kire epite ŋolo kilipet; aryamut ikes ŋakiikineta ŋuna ka Akuj.

2 Pet. 2:17

Ikwaan ŋikilyok ŋul ka ŋilelyan ŋulu ejuwasi, ikwaan ka ŋidouwon ŋulu ekutanari ekuwuam. Adau Akuj akitemokin akibois kec tooma nenikiryonon cuc.

2 Pet. 2:4

Pa abu Akuj kimyek ŋimalaikan ŋulu apotu toseca, nai abu tocakak ikes nakiryonut ŋinakiryonon cuc, neni eenitere ikes a ŋiriko akitodol Akoloŋit ŋina ka atubokino.

Yud. 1:13

Ikote ikes ŋakipi ŋuna ka anam imorokokoete, kilepunito ekurudo ŋolo a ŋileec kec; ikote ikes ŋikacer ŋulu imasanar ŋulu adau Akuj akitemokin aŋuna kec akiryonut ŋina iryono cuc, ŋina ruba.

Akis. 22:15

Nai kiŋa etaun ŋolo apolon eyakaunosi ŋisiilyanotin, ŋikapilak, ŋimalaanotin, ŋikaarak, ŋulu ilipete neni a ŋakujo car ka daadaŋ ŋulu irworosi ka kitiyaete alyokonu.

1 Sam. 2:9

Iuryari Ekapolon akiyar a ŋituŋa keŋ a ŋulu anupak, nai itoŋopiyari iŋes ŋikasecak, itolomari nakiryonut; anerae nyiloununui ituŋanan ŋinibore aŋuna ka agogoŋu keŋ a ilope.