Mat. 7:7 - Ebaibul

⁷ “Kiŋita, ikiinakinio; kiwara, iryamunete; kikoŋikoŋo, ikiŋaaryo;

Mat. 7:7 Iomraidhean Croise

Akisy. 26:32

Akoloŋit ŋin, apotu ŋiketiyak a Isaka tolimokis Isaka ŋakiro a akare a ŋina kepotu ikes tobokut, temasi, “Aryamuni isua ŋakipi!”

1 Ŋirw. 3:5

Ani eriŋa iŋes eyai Gibeon, totakanu Ekapolon nakwaare neni keŋ anakiruja. Tema Akuj neni keŋ, “Kiŋitae ayoŋ ibore ŋini icamit iyoŋ okoinak ayoŋ iyoŋ.”

Ŋikiru. 10:17

Okoe Ekapolon, iira iyoŋ akiitanit a ŋituŋa kon a ŋulu itiditeuna make. Isimukekini iyoŋ ŋitai kec, ipupokini iyoŋ ŋakiro kec.

Ŋikiru. 10:4

Iturosi ŋulu aronok, mam ŋuna ke Ekapolon ŋuna iwarito ikes; emam ŋadi daŋ ŋuna ka Akuj anatameta kec a daadaŋ.

Ŋikiru. 119:12

Akipuro toyai neni kon, okoe Ekapolon; kitatamae ayoŋ ŋakiro ŋuna itubunit iyoŋ.

Ŋikiru. 27:8

Ebala etau kaŋ neni kaŋ, “Bua, kilip neni ke Ekapolon!” Okoe Ekapolon elipi ayoŋ neni kon.

Ŋikiru. 34:4

Abu ayoŋ elip neni a Ekapolon, ido abu okoboŋok ayoŋ; abu Ekapolon okolaku ayoŋ, aneni a ŋulu acamito akiteryamun ayoŋ ŋican.

Ŋikiru. 37:4

Kikinyoma Ekapolon, ido ikiinakini iŋes iyes ŋuna iitanito ŋitai kus.

Ŋikiru. 50:15

Tonyarae ayoŋ anapakio a ŋuna a ŋican; akaiuni ayoŋ iyes, ido ikitopoloorete iyes ayoŋ.”

Ŋikiru. 69:32

Kimyek ŋulu a ŋican kiŋolikis ŋun, ido tolakaros; iyes ŋulu iwarito Akuj, kimyekisi ŋitai kus tomukyaketa,

Ŋikiru. 70:4

Nai kimyek daadaŋ ŋulu ikiwarito iyoŋ tolelyana ka tolakaros aneni kon, kimyek ŋulu elakara aŋuna ka aiuno kec tobaakasi jwi jwi, “Epol Akuj nooi!”

Ŋikiru. 86:5

Irimaana ka isyoniono iyoŋ, okoe Ekapolon, elal amina kon ŋina nyiryaŋiryaŋa aŋuna a daadaŋ a ŋulu ilipete neni kon.

Ŋakit. 8:17

Amina ayoŋ ŋulu akaminasi ayoŋ, akaryamunete ayoŋ ŋulu ekewarito elelakinito.

Eete a Ŋie. 3:2

Abu otamu ebe, “Anyouni ayoŋ tokona olot erimo lotaun, olot lorotin ŋulu ke etaun, ewari ayoŋ iŋes ŋolo emina etau kaŋ,” Aŋun, abu ayoŋ ewar iŋes nai abu nyaryamu.

Isa. 30:19

Kire jik, okoe ŋituŋa a Sion, ŋituŋa ŋulu iboiyete alo Yerusalem, nyigworete iyes nabo jik. Itiyae iŋes ajokis neni kus apaki ŋina iirarya akigworo kus, ani iirari iŋes akigworo kus, ikiboŋokini iŋes iyes.

Yer. 33:3

“Tonyarae ayoŋ, akaboŋokini ayoŋ iyoŋ, akalimokini ayoŋ iyoŋ ŋakiro ŋuna apolok, ŋuna imunonitae, ŋakiro ŋuna nyeyenuna iyoŋ.

Amos 5:4

Alimu daŋ Ekapolon ebe, ‘Toboŋutu neni kaŋ ikotere toyara,

Mat. 18:19

“Nabo akalimokini ayoŋ iyes atemar, ani kecamunosi ŋiarei alokidiŋ kus anakwap, aŋuna a ibore a ŋini ilipasi ikes, itiyakini Papa kaŋ ŋolo anakuj neni kec.

Mat. 21:22

Ŋuna daadaŋ iŋitasi iyes anakilip iryamunete, erae kiyakatar iyes anupit.”

Mat. 6:33

Nai kiwara mono Apukan ŋina anakuj ka akiyookino ŋina ka Akuj, toruworos nai ŋiboro ŋul daadaŋ ŋulu kus.

Mat. 7:11

Ani kipedorete nai iyes ŋulu iroko ainakin ŋidwe kus ŋiboro ŋulu ajokak, nyepedori nai Papa kus ŋolo anakuj ŋolo ejok ainakin ŋiboro ŋulu ajokak neni a ŋulu iŋitasi a?

Mat. 7:8

anerae ŋinituŋanan iŋita, einakinio; ŋini iwarit, eryamuni ka ŋini ikoŋikoŋi, eŋaaryo.

Mar. 11:24

Aŋun, akalimokini ayoŋ iyes atemar, ŋinibore iŋitasi iyes ilipete ka tonupito atemar idaut aryamun, iryamunete iyes.

Luk. 13:25

Kedau elope ŋolo ke ekal anyoun togol ekek, iwuoyete iyes alokiŋa, kisyakis akikoŋikoŋ ekek ibasi, ‘Ekapolon, toŋaarae isua olomutu!’ Eboŋokini iŋes tema, ‘Nyayeni ayoŋ neni iponitotor iyes!’

Luk. 18:1

Tosodi Yesu tolimok ŋikeekasyomak akitadapet aŋuna ka akitatamya ikes atemar itemokino ikes akilipenen jwi jwi tomam akiup.

Yoa. 15:16

Nyeseuna iyes ayoŋ; nai akaseu ka akatyaku ayoŋ iyes, toloto toraa ŋaraito ŋuna alalak ŋuna nyedaun, ikotere ani ŋinibore daadaŋ iŋitasi aneni a Papa alokiro kaŋ, ikiinakini.

Yoa. 15:7

Ani kiboiyoto iyes alotooma kaŋ, nabo kiboiyoto ŋakiro kaŋ alotooma kus, kiŋita ibore daadaŋ ŋini icamito, ikiinakinio.

Yoa. 4:10

Toboŋok Yesu tema, “Kerae toyeni iyoŋ ainakinet ŋina ecamit Akuj ainakin iyoŋ ka ŋolo ebala iyoŋ ‘Kitamatae,’ kiŋisit iyoŋ iŋes ka kikiinakinit ŋakipi ŋuna eteyarak.”

Ŋirom. 2:7

Einakini Akuj akiyar ŋina nyedaun neni a ŋulu erubakinete itiyaete ŋuna ajokak, kiwarito akitopolooro ka akitojokyo aneni ka Akuj ka kiwarito akiyar ŋina nyedaun.

Ŋirom. 3:11

emam idio daŋ eyeni ŋuna iyookino kori ŋini iwarit akimorikin ka Akuj.

Ŋibur. 11:6

Emam ituŋanan italakari Akuj mati eyakar anupit; anerae ŋini ebuni neni ka Akuj, itemokino tonupite atemar eyai Akuj, nabo einanakini Akuj eropit neni a ŋulu enupito iŋes.

Yak. 5:15

Akilip ŋin ŋina ka anupit, itaŋaleuni ituŋanan ŋini edyak; itojokuni Ekapolon iŋes ka isyoniyo ŋasecisya ŋuna itiyat iŋes.

1 Yoa. 3:22

Ikiryamuni iwon ŋinibore daadaŋ ikiŋisi iŋes, anerae ikiricakinit iwon Ŋakiciketa keŋ ka ikitiyae ŋuna italakarito iŋes.