Mat. 7:2 - Ebaibul

² anerae ikitubonokinio iyes ikwaŋinapei itubonokiniata iyes ŋuluce ka etyae ŋolo iinakinete iyes, iŋes ikiinakinio iyes.

Mat. 7:2 Iomraidhean Croise

2 Sam. 21:5

Temasi ikes neni a erwosit, “Ani ca eruwor Saul ŋolo abu kikatak akirikar isua ka ŋolo abu toye amunyar isua, ikitiditeu isua todaunor isua neni erae neni kosi anakwap a Isirael a daadaŋ,

Ŋikiru. 109:17

Amina iŋes akicen, emaikina ŋicen ŋul pena neni keŋ pe; pa acamit iŋes akiterereŋ; emaikina ŋarereŋisyo toekasi aneni keŋ.

Awos. 21:24

akoŋu aŋuna ka akoŋu, ekelae aŋuna ke ekelae, akan aŋuna ka akan, akeju aŋuna ka akeju,

Isa. 33:1

Ekaŋ iyoŋ ekenyasan, iyoŋ ŋolo emam ituŋanan abu ikimunya iyoŋ ŋolo emam ituŋanan abu itoluk! Ani ijoŋoe iyoŋ akinyas, ikinyasunio iyoŋ; ido ani ijoŋoe iyoŋ araakau ŋolo alukinon, ikilukinio iyoŋ.

Yer. 34:17

Aŋun, alimu ayoŋ Ekapolon atemar, nyiwuapa iyes ŋakiro kaŋ, nyelacakina ŋikidunyet ka ŋikonei kus, emyekini ayoŋ ikilacakin iyes, alacakinio ŋina ikiyai iyes lokileŋ, lodeke ka loron. Eketuruwori ayoŋ iyes ŋulu inyasuna aneni a ŋituŋa a ŋakwapin a daadaŋ anakwap.

Yer. 51:24

“Alimu Ekapolon atemar isicani iŋes Babilon ka ŋituŋa ŋulu iboiyete alo Babilon iteete iyes, esicani ayoŋ ikes aŋuna ka aronis a ŋina apotu ikes kitiyata Sion.

Obad. 1:15

“Eapi akoloŋit ŋina ke Ekapolon, aŋuna a ŋakwapin a daadaŋ. Epite ŋolo itiya iyoŋ Edom, itiyakinio neni kon daŋ ikwaŋinapei. Ikiboŋokinete iyoŋ ŋiticisyo kon a alope.

Mat. 6:14

“Anerae ani kisyonioto iyes ŋulu eseceneneete neni kus, Papa kus daŋ ŋolo anakuj, ikisyoni iyes.

Mar. 4:24

Tolimok nabo tema, “Tocoikisi ŋuna iiranarete iyes. Etyae daadaŋ ŋolo iinakiniata iyes ŋuluce, ikiinakinio iyes daŋ etya nenipei ka iyatakinio.

Luk. 6:38

Kipotonorete neni a ŋuluce, ikiinakini Akuj iyes etyae ŋolo ajokan idicakinitae, ŋolo iyaŋiyaŋakinitae ka ŋolo ilapanar; iŋes iwuakini Akuj locwee kon. Etyae ŋolo iinakinete iyes, iŋes ikiinakinio iyes daŋ.”

2 Ŋikor. 9:6

Toyenete nu: ituŋanan ŋini eekini ŋikinyom ŋulu ekudyoko, elemuni ŋidikudyo; ituŋanan ŋini eekini ŋikinyom ŋulu elalak, elemuni ŋulu elalak.

Yak. 2:13

Anerae emam akisyon anatubokino a ŋina a ituŋanan a ŋini nyisyoniyenene ŋituŋa ŋuluce, nai ŋulu isyoniyete ŋuluce, nyikerito ikes atubokino.

Akis. 18:6

Kitiyata neni keŋ lopite ŋolopei abunio iŋes kitiyaa neni kus. Totaca iŋes ŋatacet ŋaarei aŋuna ke etic a daadaŋ a ŋolo etiya iŋes. Kitemokisi epiini ŋolo adwaran lokopo keŋ ŋarwa ŋaarei ikwa epiini ŋolo abu iŋes kitemok aŋuna kus.

Ŋikat. 1:7

Kirworik ekapolon a Besek tema, “Ayakar koloŋ ayoŋ ŋirwosi ŋatomonikanikaarei ŋulu atubonorosi ŋimoyo a ŋakan kec ŋulu apolok ka ŋimoyo a ŋakejen kec ŋulu apolok, ido edepete ŋirwosi ŋul ŋarare alokwap emesa kaŋ. Etiya Akuj neni kaŋ ŋuna abu ayoŋ etiya neni a ŋuluce.” Aponi nai yaarae ekapolon a Besek Yerusalem, ido totwan a nen.

Ŋikat. 5:27

Toryedik Sesira anakejen a Yael, toramakin kwap, toper anakejen a Yael ilesiyara. toryedik Sesira anakejen a Yael, toramakin kwap totwan a nen.

1 Sam. 15:33

Nai tema Samuel, “Ikwapei eturuworya ekileŋ kon ŋaberu ŋuna emam ŋidwe, toto kon daŋ emamukaunor ŋidwe.” Abu Samuel toar Agag alokiŋaren Ekapolon alo Giligal.