Mat. 6:9 - Ebaibul

⁹ “Itemokino kilipeneneete ikona: ‘Papa kosi ŋolo iyai nakuj; Ekonikiro tokeritetei,

Mat. 6:9 Iomraidhean Croise

2 Sam. 7:26

ikotere nai itopolooryo ekiro kon ŋikaru ka ŋikaru. Etemarete ŋituŋa, ‘Erae Ekapolon ŋolo a ŋajoresyo Akuj ŋina ipukat Isirael.’ Iturubakini iyoŋ ŋituŋa a ekal a Daudi a eketiyan kon erae ŋikepukak ŋikaru ka ŋikaru.

1 Ŋirw. 8:43

ekelipit kiira anakuj aneni erae akibois ŋina iboiyo iyoŋ, ido kitiya lopite daadaŋ ŋolo ikinyaritor iyoŋ igelaanot ŋin, ikotere ŋituŋa daadaŋ anakwap eyenunete ekiro kon ka ikikerete iyoŋ, lopite ŋolo ikikeritotor ŋituŋa kon Ŋisirael. Ŋakiro ŋun nai ikes iteyenikinete ŋituŋa atemar adaun akituruwor Akai na ŋina adau ayoŋ akiduk ŋinakilipet neni kon.

1 Ŋakiro a ŋirwa 17:24

ikotere nai itopolooryo ekiro kon ŋikaru ka ŋikaru anakiro a ŋuna ebasi, ‘Erae Ekapolon ŋolo a ŋajoresyo, Akuj ŋina ipukat Isirael, ŋina erae Akuj a Isirael ka erubakinete ŋiletok a Daudi a eketiyan kon erae ŋikepukak ŋikaru ka ŋikaru.’

2 Ŋakiro a ŋirwa 20:6

kilip tema, “Okoe Ekapolon Akuj atapapaa kosi, meere mono iyoŋ Akuj ŋina iyai nakuj a? Meere mono iyoŋ ipukat ŋapukasinei daadaŋ a ŋakwapin a? Eyakasi nakan kon apedor ka agogoŋu, iŋes nai emamukar ituŋanan ikitepegi iyoŋ.

Neem. 9:5

Kirworikis nai ŋilepi Yesua, Kadimel, Bani, Asabineia, Serabia, Odia, Sebania ka Pesaia temasi, “Tonyoutu, kipuro Ekapolon Akuj kus ŋikaru ka ŋikaru. Kipuroe ekiro kon ŋolo itopolooritae, ŋolo itopolooritae alokidiama akilo akitopoloorit daadaŋ ka akipuro daadaŋ.”

Ŋikiru. 111:9

Abu Ekapolon tolaku ŋituŋa keŋ; kiwuak acamunet ŋina a ŋikaru ka ŋikaru ka ikes. Erae iŋes ŋolo eseg ka ŋolo ekerer.

Ŋikiru. 115:3

Eyai Akuj yok nakuj; itiyae daadaŋ ŋuna italakarito iŋes.

Ŋikiru. 72:18

Akipuro toyai neni ke Ekapolon Akuj, Akuj ŋina a Isirael, iŋes bon itiyae ŋiticisyo ŋulu ka aumokin.

Isa. 37:20

Aŋun, tokona okoe Ekapolon Akuj kosi, toiunae isua anapedor a Senakerib, ikotere eyenunete ŋituŋa a ŋapukasinei a daadaŋ anakwap atemar iyoŋ bon irae Ekapolon.”

Isa. 57:15

Alimu Ekapolon ŋolo iboi alokidiama nooi, ŋolo iboi ŋikaru ka ŋikaru ŋolo erae ekiro keŋ ŋolo asegan ebe, “Eboi ayoŋ alokidiama ka anakibois a ŋina asegan, kaapei ka ŋituŋa ŋulu itiditeuna ka iapara alotai kec, ikotere ainakini ikes nabo ŋitai ŋulu itiditeuna ka oinak ikes nabo ŋitai ŋulu iapara.

Isa. 6:3

Anyarasi ŋisubuna ŋul ebasi, “Eseg, eseg eseg Ekapolon ŋolo a ŋajoresyo, ileleba apolou keŋ akwap daadaŋ.”

Isa. 63:16

Irae iyoŋ papa kosi, tari pa kikiyeni Aburaam isua ka pa kikicamit Yakob isua, okoe Ekapolon, irae iyoŋ papa kosi, erae ekiro kon ekalakunan kosi ŋinapei koloŋ.

Isa. 64:8

Kikote neni daŋ okoe Ekapolon, irae iyoŋ papa kosi. Ikirae isua ecoto ka iyoŋ ekayeunan isua; ikirae isua daadaŋ ŋisubuna kon.

Isa. 66:1

Ŋakiro ŋuna irworo Ekapolon ikes nu, “Erae nakuj neni epukator ayoŋ ka erae akwap neni ecakit ayoŋ; Akai ŋina ikoni ai ikidukokinete iyes ayoŋ, ai eyai neni kieŋunet kaŋ?

Esek. 36:23

Etoodiuni ayoŋ asegis ŋina a ekiro kaŋ a ŋolo apolon nooi, a ŋolo ajamuwasi ŋakwapin ka a ŋolo ijamuwasi iyes alotuŋa a ŋakwapin. Eyenunete nai ŋituŋa a ŋakwapin atemar arae ayoŋ Ekapolon apaki ŋina etoodiunor ayoŋ aneni kus neni kec arae ŋolo aseg.

Esek. 38:23

Alopite a ŋol, etoodikini ayoŋ ŋituŋa a ŋakwapin daadaŋ apolou kaŋ ka atemar apol ayoŋ nooi ka arae ayoŋ Akuj ŋina asegan. Eyenunete nai ikes atemar arae ayoŋ Ekapolon.”

Ŋilep. 10:3

Tema nai Moses neni ka Aron, “Arae ŋakiro ŋun ŋuna esileereunit Ekapolon ŋinibore abaakar ebe, ‘Itoodiun asegis kaŋ aneni, a ŋulu eketopoloorito ayoŋ ka eketopoloorete ayoŋ ŋituŋa daadaŋ.’”

Abak. 2:14

Nai ilelebun nakwap aosou ŋina ka apolou ke Ekapolon, lopite ŋolo ilelebakatar ŋakipi anam.

Sakar 14:9

Akoloŋit ŋin, Ekapolon iŋes eruwor erwosit ŋolo ka akwap a daadaŋ, eruwor Ekapolon epei bon ka eruwor ekiro keŋ bon eyai.

Mal. 1:11

Itopoloorete ŋituŋa a ŋakwapin ekiro kaŋ taparacu ka eboŋ. Alotooma ŋinakibois daadaŋ, eyaunete ŋituŋa ekinyate ka ŋainakineta ŋuna ajokak neni kaŋ, anerae epol ekiro kaŋ anakwapin.

Mat. 10:29

Nyegyelyo atadiidi ŋiarei a ikaput a? Emam tari ipei alokidiŋ kec ŋini ecakakin kwap pa eyeni Papa kus.

Mat. 23:9

Nabo daŋ nyibasi idiotuŋanan anakwap a na ‘Papa,’ anerae eyai iyes Papa kus epei bon ŋolo eyai nakuj.

Mat. 26:29

Akalimokini ayoŋ iyes atemar, nyamasi nabo ŋuna ke epiini, mati kedol akoloŋit ŋina ikimasya iwon a Napukan a Papa kaŋ.”

Mat. 26:42

Toboŋo nabo iŋes akilip tema, “Okoe! Papa, ani pa kitemokino alemar ekopo ŋolo a ŋican lo aneni kaŋ, alemar mati kamat iŋes, kitiyakin ŋuna icamit iyoŋ.”

Mat. 5:16

Ikwaŋinapei, itemokino akica kus tocai kileere alotuŋa, ikotere ikes eanyuwarete ŋiticisyo kus ŋulu ajokak, kipuro Papa kus ŋolo eyai nakuj.

Mat. 5:48

Itemokino iyes tojokak nooi, ikwaŋinapei eraakar Papa kus ŋolo anakuj ŋolo ajokan nooi!

Mat. 6:14

“Anerae ani kisyonioto iyes ŋulu eseceneneete neni kus, Papa kus daŋ ŋolo anakuj, ikisyoni iyes.

Mat. 6:6

Nai ani ilipi iyoŋ, itemokino toloma nagule kon, togolok ekek, tosodi kilip neni a Papa kon a ŋolo nyetakani. Ido Papa kon ŋolo ite ŋuna itiyae iyoŋ anakimunono, iŋes ikiropi iyoŋ.

Mat. 7:11

Ani kipedorete nai iyes ŋulu iroko ainakin ŋidwe kus ŋiboro ŋulu ajokak, nyepedori nai Papa kus ŋolo anakuj ŋolo ejok ainakin ŋiboro ŋulu ajokak neni a ŋulu iŋitasi a?

Luk. 15:18

Anyouni ayoŋ oboŋo neni a papa kaŋ, olimok iŋes otema, “Papa, asec ayoŋ alokiŋaren Akuj ka alokiŋaren kon;

Luk. 15:21

Tolimok edya ŋol papa keŋ tema, ‘Papa, asec ayoŋ alokiŋaren Akuj ka alokiŋaren kon; nyitemokino nabo ayoŋ okanyarae lokoku kon.’

Luk. 2:14

“Akipuro toyai kidiama neni ka Akuj, ka ekisil nakwap neni a ŋituŋa a ŋulu italakarito Akuj!”

Yoa. 20:17

Tolimok Yesu iŋes tema, “Nyikitap ayoŋ, anerae eriŋa ayoŋ nyeboŋoro neni a Papa kaŋ; nai tolot, tolimok ŋikaitotoi kaŋ atemar alosi ayoŋ neni a Papa kaŋ, a ŋolo erae Papa kus daŋ; neni ka Akuj kaŋ, a ŋina erae Akuj kus daŋ.”

Ŋirom. 1:7

Aŋun, ekegirakinit ayoŋ iyes daadaŋ alo Roma, iyes ŋulu ikimina ka ikinyar Akuj aruwor ŋulu keŋ. Toyai neni kus ajokis ka ekisil aneni ka Akuj Papa yok ka aneni ke Ekapolon Yesu Kristo.

Ŋirom. 8:15

Anerae abu Akuj nyikiinak Etau ŋolo abu ikituruwo iyes ŋipi keŋ, ido tokuryaketa nabo. Nai ikiinak iŋes iyes Etau ŋolo ikituruwo ŋidwe keŋ ka anapedor a ŋina ke Etau, ikiworouni neni ka Akuj otemasi, “Papa! Apa kaŋ!”

Ŋigal. 1:1

Ayoŋ Paulo ekiyakia egirit abaruwa na. Meere ŋituŋa ekeyakito ayoŋ kori meere lotuŋa itorunit anyarao kaŋ, nai itorunit neni a Yesu Kristo ka neni ka Akuj Papa, ŋolo abu kiteyaru Yesu alokatwak.

Ŋigal. 4:6

Aŋuna ka akitoodiun atemar iraakasi iyes ŋidwe keŋ, abu Akuj kiyaku Etau ŋolo a Lokoku keŋ tooma yok, Etau ŋolo iworoe ebala, “Papa! Apa kaŋ!”

1 Tim. 6:16

Iŋes bon erae ŋolo nyetwani jik; iboi iŋes anakica a ŋina emam ituŋanan eapikini. Emam ituŋanan aanyuwa iŋes; emam ŋini epedori aanyuwar iŋes. Toyai neni keŋ akerit ka apedor ŋina nyedaun! Amen.

1 Pet. 1:17

Inyarito iyes iŋes Papa, apaki ŋina ilipyata iyes neni ka Akuj, a ŋina etubonokini ŋituŋa daadaŋ emam atyakatyak, alopite a ŋolo itiyator ŋinituŋanan. Aŋun, kiboiyoto anakiyar kus a daadaŋ alokwap a ne ikerito iŋes.

Akis. 4:11

“Ekapolon ka Akuj kosi! Emaikina iyoŋ toryamu apolou, akerit, ka apedor, anerae ibu iyoŋ tosub ŋiboro daadaŋ, ka aŋuna ka acamit kon ibu tosub ikes inak akiyar.”

Akis. 5:12

abasi a etoil a ŋolo apolon: “Emaikina Imesek ŋini aaritae eryamuni apedor, ebari, aosou, agogoŋu, akerit, apolou ka akipuro!”