Mat. 6:5 - Ebaibul

⁵ “Ani ilipete iyes, nyikokis ŋikaŋisoswae, anerae eminasi ikes akilip ewuasi alosinagogae ka alorotin; ikotere eanyuwaryata ŋituŋa ikes. Akalimokini ayoŋ iyes kire atemar, adaut ikes aryamun eropit kec.

Mat. 6:5 Iomraidhean Croise

Ŋikiru. 5:2

Erwosit kaŋ ka Akuj kaŋ, kiira akigworo kaŋ aŋuna ka akiŋarakino, anerae elipi ayoŋ neni kon.

Ŋikiru. 55:17

Egworo ayoŋ anaryeba eboŋ ka taparacu ta kidiŋ apaaran, ido iirari Akuj ŋakiro kaŋ.

Ŋakit. 15:8

Erae ŋamuronisya a ŋulu aronok asiilyo aneni a Ekapolon, nai elakara Ekapolon aŋuna ka akilip a ituŋanan a ŋini iyookino.

Ŋakit. 16:5

Esiilyaka aneni a Ekapolon ŋituŋa daadaŋ ŋulu erae ŋiketurok, ŋituŋa, toyenete atemar nyebucarosi ŋulu aronok anakisicanio.

Isa. 1:15

Ani ikyaarete iyes ŋakan kus ilipete, nyeŋoliuni ayoŋ neni kus, tari daŋ kilipa iyes ŋakilipasinei ŋuna alalak, nyapupokini ayoŋ, anerae itereŋa iyes ŋakan kus anakiar ŋituŋa.

Yer. 29:12

Tosodi, ani ikinyaraete iyes ayoŋ, ido potu akilip neni kaŋ, ekeirari ayoŋ iyes.

Dan. 6:10

Ani tari keyenu Daniel atemar ewuak erwosit akan keŋ akitogogoŋio ekisil ŋolo aponi totubunoe, abu torubak elosenene lore keŋ ŋolo aya ŋidirisae nagule ŋina alokidiama, eŋoliyarito ŋidirisae ŋul lowae ŋolo ayai Yerusalem. Abu iŋes torubak elosenene nen toryedik kilip ka kipur Akuj keŋ ŋarwa ŋauni a ŋinakoloŋit, lopite ŋolopei sek etiyaa iŋes.

Mat. 21:22

Ŋuna daadaŋ iŋitasi iyes anakilip iryamunete, erae kiyakatar iyes anupit.”

Mat. 23:13

“Nai ekaŋ iyes ŋiketatamak a Ŋikisila ka Ŋiparisayon! Ŋikaŋisoswae! Igolokis iyes ekek ŋolo ka Apukan a ŋina anakuj alokiŋaren ŋituŋa, anerae nyilomarete iyes ŋilopeyek ka iretakis ŋulu acamito alomar tooma. [

Mat. 23:5

Itiyaete ikes ŋakiro daadaŋ ecamito atemar kiŋolikis ŋituŋa ekecetic. Itopoloto ikes ŋakebei ŋuna iŋadatae ŋakiro ŋuna ka Akuj, ŋuna etorito ikes loreetin, tonapito alokeperin daŋ. Nabo isanisanito ŋilowi kec ŋulu aoyak.

Mat. 23:6

Eminasi ikes akiboyonokin lokicoloŋo ŋulu ebusak anasuban ka alosinagogae.

Mat. 6:1

“Tocoito nyitiyaete ŋiticisyo ŋulu ke edin alokiŋaren ŋituŋa, icamito atemar ikianyuwasi ikes iyes, anerae ani kitiyata iyes ikoŋina, nyiryamunete edioropit aneni a Papa kus a ŋolo eyai nakuj.

Mat. 6:16

“Ani ikanyi iyoŋ, nyitasyono ikwa itasyonotor ŋikaŋisoswae. Elosete ikes esecec ŋireetin, ikotere eanyuniata ŋituŋa atemar ikanyete ikes. Akalimokini ayoŋ iyes kire atemar, adaut ikes aryamun eropit kec.

Mat. 6:2

“Ani iinakini iyoŋ akiŋarakinet neni a ituŋanan a ŋini a ŋican, nyejok akidelar alotuŋa ikwaŋina itiyaata ŋikaŋisoswae alosinagogae ka alorotin. Itiyaete ikes ŋun, ikotere kipuro ŋituŋa ikes. Akalimokini ayoŋ iyes kire atemar, adaut ikes aryamun eropit kec.

Mat. 9:38

Aŋun, kilipa elope ŋolo ka akilem kiyakiya ŋikalemak ŋulu alalak nakilem keŋ.”

Mar. 11:25

Apaki daadaŋ ŋina ilipyata iyes, kisyonioto ŋini daadaŋ itiyat aronis neni kus, ikotere Papa kus daŋ ŋolo eyai nakuj ikisyoni iyes. [

Mar. 12:38

Anakitatam keŋ, tema Yesu, “Tocoito ŋiketatamak a Ŋikisila, ŋulu eminasi akirimit enapito ŋikaasoi ŋulu aoyak, nabo ecamito kimalae ikwa ŋikapolok alomaket.

Luk. 11:43

“Ekaŋ iyes Ŋiparisayon! Iminasi iyes akiboyonokin lokicoloŋo ŋulu ajokak alosinagogae ka akimalao alomaketa ikitopolooritae.

Luk. 18:1

Tosodi Yesu tolimok ŋikeekasyomak akitadapet aŋuna ka akitatamya ikes atemar itemokino ikes akilipenen jwi jwi tomam akiup.

Luk. 18:13

“Towo ekeriran ocur aneni alwana, nyireo ŋakeekonyen tari nakuj, toram etau keŋ tema, ‘Akuj, kisyoni ayoŋ ekasecan!’

Luk. 20:47

Edemete ikes ŋapuseru ŋiboro kec ka daŋ ilipete ekaoyan iwogasi neni erae koŋin! Eryamunete ikes atubokino ŋina aronon nooi!”

Luk. 6:24

“Ekaŋ iyes ŋulu ibarito; idaut iyes aryamun alakara kus!

Yoa. 16:24

Akitodol tokona nyiŋita iyes idiobore alokiro kaŋ; kiŋita iryamunete, ikotere alelyan kus ilelebikin.

Ŋiep. 6:18

Kitiyata ŋun daadaŋ alotooma akilip, iŋitasi akiŋarakino aneni ka Akuj. Kilipeneneete ŋapakio daadaŋ anapedor a ŋina ke Etau a ŋolo ka Akuj. Totenito, nyijamakis akilipanakin jwi jwi ŋituŋa ŋulu ka Akuj daadaŋ.

1 Ŋites. 5:17

kilipeneneete jwi jwi,

Yak. 4:6

Nai einanakini iŋes ajokis ŋina alalan; aŋun, elimunit Akigiret ebe, “Itepegi Akuj ŋiketurok, nai einanakini ajokis neni a ŋulu itiditeuna.”