Mat. 6:31 - Ebaibul

³¹ Aŋun, nyiyaloloŋete ibasi, ‘Okoe nyo ikimuji, nyo ikimasi’ kori ‘Nyo ikinapi?’

Mat. 6:31 Iomraidhean Croise

2 Ŋakiro a ŋirwa 25:9

Kiŋit Amasia ituŋanan ŋini ka Akuj ŋin tema, “Alipite emaikina isua kisitiyaere ŋitalentae amiat ŋulu adau ayoŋ ainakin ŋasigarya ŋuna ka apukan a ŋina alo Kuju a ŋina a Isirael?” Toboŋok ituŋanan ŋini ka Akuj ŋin iŋes tema, “Epedori Ekapolon ainakin iyoŋ ŋitalentae ŋulu alalak akilo ŋul.”

Ŋikiru. 111:5

Einanakini akimuj neni a ŋulu itopoloorito iŋes; etamunit iŋes jik acamunet keŋ.

Ŋikiru. 37:3

Kikinyoma Ekapolon ka kitiyata ŋuna ajokak; ikotere iboiyete iyes anakwap ka emam ŋace.

Ŋikiru. 55:22

Tolimok ŋican kon neni ke Ekapolon. ikiyoki iŋes iyoŋ; nyimyekini iŋes ŋulu iyookino kilounae.

Mat. 15:33

Kiŋita ŋikasyomak iŋes temasi, “Ai nai ikiryamunia iwon akimuj ŋina itemokin ŋituŋa ŋulu etya lu analoŋisat a na?”

Mat. 4:4

Toboŋok Yesu iŋes tema, “Igiritae Nakigireta ebe, ‘Nyeyari ituŋanan ka akimuj bon, nai ka akirot a daadaŋ a ŋina elomunit anakituk ka Akuj.’ ”

Mat. 6:25

“Aŋun, akalimokini ayoŋ iyes atemar, nyiyaloloŋete aŋuna ka akiyar kus; aŋuna a ibore a ŋini nyamat kori a ŋini matat. Nyiyaloloŋete tari aŋuna a ŋilowi a ŋulu napan. Meere mono akiyar iloit akimuj ka akuwan iloit ŋilowi a?

Mat. 6:27

Ŋae alokidiŋ kus alotooma akiyaloloŋ epedori akitooya akiyar keŋ?

Luk. 10:41

Tolimok Yesu iŋes tema, “Marita, Marita! Iyaloloŋi iyoŋ ka ituupa ŋakiro ŋuna alalak akidiŋ;

Luk. 12:11

“Ani ikiyaunete ikes iyes losinagogae kori kiŋaren ŋikepukak kec, nyitemokino iyes kiyaloloŋo ŋuna iboŋokinete kori ŋuna ilimunete;

Luk. 12:22

Tolimok Yesu ŋikeekasyomak tema, “Aŋun, akalimokini ayoŋ iyes atemar, nyiyaloloŋete aŋuna ka akimuj a ŋina iitanito iyes ayarya, kori aŋuna a ŋilowi a ŋulu iitanito a ŋulu napan.

Luk. 12:29

“Nyiyaloloŋete tokona ibasi, ‘Okoe, nyo ikinyami kori nyo ikimasi?’

Ŋipil. 4:6

Nyiyaloloŋete aŋuna a idiobore, nai anakiro a daadaŋ, kimaimaa ka tolimokisi Akuj ibore ŋini iitanito iyes, tolimonokinete iŋes a ŋitai a ŋulu elakara neni keŋ.

1 Pet. 5:7

Yaasi ŋatyokisyo kus daadaŋ neni keŋ, anerae ikiyoki iŋes iyes.