Mat. 6:24 - Ebaibul

²⁴ “Emam ituŋanan ŋini epedori akitiya ŋiticisyo ŋulu a ŋikapolok a ŋiarei, eŋeri epei tosodi tominak ŋoloce, kori imiidikin neni ke epei tosodi tojamuwa ŋoloce. Nyipedorete iyes akitiyanakin Akuj ka ebari.

Mat. 6:24 Iomraidhean Croise

Akisy. 47:17

Aŋun, apotu ikes yaut ŋibaren kec neni a Yosepu; inak Yosepu ikes akimuj kilokonyu ŋaŋolei, ŋamesekin, ŋaatuk ka ŋisigirya. Abu Yosepu inak ŋituŋa akimuj ekaru ŋol, kilokonyia ŋibaren kec daadaŋ.

1 Ŋirw. 18:21

Abu nai Eliya toapu lotuŋa tema, “Apaki ŋina etya ai iyaete iyes pa iyenete ŋuna kiwuapa anakiro a nu a ŋaarei? Ani kerae Ekapolon Akuj, kiwuapa iŋes ani robo kerae Baal akuj kiwuapa iŋes.” Mam akirot apotu ŋituŋa toboŋokis Eliya.

2 Ŋirw. 17:41

Kire elipete ŋituŋa a ŋakwapin a ŋun neni ke Ekapolon, nai elipeneneete daŋ neni a ŋitorubei a ŋulu ecyeununeete ikes. Tari tokona eriŋa ŋidwe kec ka ŋidwe a ŋikecedwe erubakinito iwuapito ŋipitesyo atapapaa kec.

Esek. 20:39

“Okoe Ŋisirael, ŋakiro ŋuna irworo Ekapolon Akuj aŋuna kus ikes nu, ‘Apesi kitiyanakisi ŋakujo kus, iyes ŋulu iya ne tokona ka ŋulu epote momit, erae pa kiwuapa ŋakiro kaŋ, nai, nyirubakinete iyes ijamuwarito ekiro kaŋ ŋolo asegan alotooma ayenen ŋainakineta kus neni a ŋakujo.

Sepan. 1:5

Amunyari ayoŋ ŋulu edokanerete nakais akilip neni a akoloŋ, a elap ta neni a ŋikacer; amunyari ayoŋ ŋulu eryedikete kikoŋo ekiro ke Ekapolon, nai kikoŋete daŋ ekiro ka akuj a ŋina enyaritae Milikom;

Mat. 4:10

Tosodi toboŋok Yesu iŋes tema, “Satan tolot! Anerae igiritae Nakigireta ebe, ‘Iryediki iyoŋ kitopoloo Ekapolon Akuj kon, kitiyanak iŋes bon!’ ”

Luk. 16:11

Ani pa kikikinyomitae iyoŋ alobari a ŋolo ka akwap a na, ŋae ikijokokini iyoŋ ebari ŋolo a kire?

Luk. 16:13

“Emam eketiyan epedori akitiya ŋiticisyo ŋulu a ŋikapolok a ŋiarei; eŋeri epei, tosodi tominak ŋoloce, kori imiidikin neni ke epei, tosodi tojamuwa ŋoloce. Nyipedorete iyes akikicarikin akitiyanakin Akuj ka ebari.”

Luk. 16:9

Tolimu nai Yesu tema, “Akalimokini ayoŋ iyes daŋ atemar kikoneutu ŋikonei ke ebari kus a ŋolo ka akwap a na. Ani edaun ebari kus anakwap a na, ikijaunete ikes iyes lore ŋolo eyai akiyar ŋina nyedaun.

Ŋigal. 1:10

Alimunit mono ayoŋ ŋun aŋuna ka akitalakar ŋituŋa a? Mam jik! Akitalakar Akuj iŋes acamit ayoŋ! Kire meere akitojoka alotuŋa acamit ayoŋ! Kerae toriŋa ayoŋ ewarit ŋun, pa karae ayoŋ eketiyan a Kristo.

1 Tim. 6:17

Tolimok ŋituŋa ŋulu ebarito a ŋiboro a ŋulu ka akiyar a na nyiturokinosi, nyiwuakis akigeno kec lobari ŋolo nyeropari, nai kigenos neni ka Akuj, a ŋina ikiinanakini iwon ibore daadaŋ anarimao, ikotere ikilakara iwon.

2 Tim. 4:10

Aminaki Demas ŋakiro ka akwap a na, ido akaesiki ayoŋ, alot Tesalonika, alot Keresike nakwap a Galatia, alot Tito nakwap a Dalamatia.

Yak. 4:4

Iyes ŋulu nyikikinyomitae alokiŋaren Akuj, ikwa ŋikalomak alokiŋaren ŋaberu kec! Nyiyenete iyes atemar akoneo ka akwap erae aruwor emoit ŋolo ka Akuj a? Ituŋanan daadaŋ ŋini ecamit aruwor ekone ŋolo ka akwap, eruwor emoit ŋolo ka Akuj.

Yos. 24:15

Nai ani pa kejok aneni kus akitiyanakin Ekapolon, toseutu nai iyes ŋilopeyek nakoloŋit na ŋini itiyanakinete; kerae ŋakujo ŋuna etiyanakinete atapapaa kus Alokekwaye Aŋolol Eupurate, kori ŋakujo a Ŋiamori a ŋulu iboiyete iyes nakwap kec. Ani ayoŋ ka ekal kaŋ, ikitiyanakini Ekapolon.”

1 Sam. 7:3

Abu nai Samuel tolimok Ŋisirael tema, “Ani kiboŋunito iyes neni ke Ekapolon a ŋitai kus a daadaŋ, tolemasi nai alokidiŋ kus ŋakujo ŋunagelae, ikwapei Asitaros. Totama alotai kus ŋuna ke Ekapolon, kitiyanakisi iŋes bon, ido ikiuni iŋes iyes anakan a Ŋipilistin.”