Mat. 6:2 - Ebaibul

² “Ani iinakini iyoŋ akiŋarakinet neni a ituŋanan a ŋini a ŋican, nyejok akidelar alotuŋa ikwaŋina itiyaata ŋikaŋisoswae alosinagogae ka alorotin. Itiyaete ikes ŋun, ikotere kipuro ŋituŋa ikes. Akalimokini ayoŋ iyes kire atemar, adaut ikes aryamun eropit kec.

Mat. 6:2 Iomraidhean Croise

Ŋikiru. 112:9

Adaut ikes akoranar ŋiboro kec emam akitac, adaut ikes ainakin ŋiboro kec neni a ŋikulyak; erubakini akiyookino kec ŋikaru ka ŋikaru; itopolooritae nooi apedor kec.

Ŋikiru. 37:21

Eminasi ŋulu aronok akiden, ido nyetaceneneete, nai ipotonorete ŋulu iyookino ŋiboro kec, ido erubakinito ipotonorete;

Ŋakit. 19:17

Ituŋanan ŋini erimaana aneni a ŋikulyak, einanakini ŋiboro keŋ neni a Ekapolon tari kerae ŋikulyak ijanarete, ido einakinio nabo ituŋanan ŋin eropit ŋolo alalan.

Ŋakit. 20:6

Iseraete ŋikalalak atemar ikiyakar amina, nai ŋae epedori aryamun ituŋanan ŋini kire ikinyoma?

Ekal. 11:2

Totyakatyakata ibore ŋini iyakatar iyes kijokonokis ŋituŋa ŋikanikaarei, kori ŋikanikauni, anerae nyiyenete iyes ŋican ŋulu ipedorete iyes aryamun anakwap a na.

Isa. 10:6

Eyakiyari ayoŋ ŋituŋa ka Asiriya akirem ŋituŋa ŋulu nyiwuapito ŋakiro ŋuna ka Akuj. Alimokini ayoŋ ikes toremo ŋituŋa ŋulu anyunyurikina ayoŋ, kiwoko ŋiboro kec ka toŋatasi ŋiboro kec ka kipudata ikes lopite ŋolo ipudaere aoret alorotin a etaun.

Isa. 58:7

Aronenen ŋina acamit ayoŋ iŋes akimor akimuj kus ka ŋulu enyamit akoro, akijaun ŋulu a ŋican ŋulu emam ŋakais nakais kus, iŋes akitanap ŋulu iŋolikinete iyes emam ŋilowi ka alemar aŋopenen iŋolikinete ŋiyeneta kus.

Isa. 9:17

Ŋakiro ŋun abunio Ekapolon nyisyon ŋisorok kec, kori nyisyonik ŋikokyok ka ŋapesur alotuŋa a ŋul, anerae pa ewuapito ŋituŋa daadaŋ ŋuna ka Akuj ka arae ŋulu etiyaete ŋuna aronok, erworosi ŋituŋa daadaŋ ŋakiro ŋuna ka abaŋao. Tari kitiyakina ŋun, eriŋa Ekapolon eŋoikinit Ŋisirael, eriŋa iŋes erubakinit isicani ikes.

Osea 8:1

Iyes ŋulu iyokiyete ŋituŋa a Ekapolon, tokutakisi ŋabureryaŋae. Abu emoit lotuŋa ŋulu ke Ekapolon iuwuauna esibit egole, anerae nyiwuapa ikes Acamunet kaŋ ka ikes, ka abila ŋikisila kaŋ.

Mat. 15:7

Iyes ŋikaŋisoswae! Eyookinit kire koloŋ Isaya edwari aŋuna kus ebala,

Mat. 16:3

Ani ereŋ adis taparacu, itemarete iyes, ‘Elosi akiru akilim, anerae ereŋ adis ka idisit neni ikitubuli.’ Iyenete iyes apolou ke epite ŋolo eyakar adis, nai ikipiyorit ayenun apolou a ŋakiro a ŋuna itiyasi ŋirwa lu!

Mat. 22:18

Nai aŋuna ayenia Yesu akeceronis, tolimok ikes tema, “Iyes ŋikaŋisoswae! Kaanukiro ikilokitotor iyes ayoŋ?

Mat. 23:5

Itiyaete ikes ŋakiro daadaŋ ecamito atemar kiŋolikis ŋituŋa ekecetic. Itopoloto ikes ŋakebei ŋuna iŋadatae ŋakiro ŋuna ka Akuj, ŋuna etorito ikes loreetin, tonapito alokeperin daŋ. Nabo isanisanito ŋilowi kec ŋulu aoyak.

Mat. 23:6

Eminasi ikes akiboyonokin lokicoloŋo ŋulu ebusak anasuban ka alosinagogae.

Mat. 24:51

Isicani ekapolon iŋes nooi, kimorik ka ŋikaŋisoswae; kigwor aina tokonyanak ŋikyal.

Mat. 5:18

Akalimokini ayoŋ iyes kire atemar, mati kesalu nakuj ka akwap, emam enyukuta kori akirot adio cici ŋina ikisaryo a Lokisila, mati kirikakin ŋakiro daadaŋ.

Mat. 6:16

“Ani ikanyi iyoŋ, nyitasyono ikwa itasyonotor ŋikaŋisoswae. Elosete ikes esecec ŋireetin, ikotere eanyuniata ŋituŋa atemar ikanyete ikes. Akalimokini ayoŋ iyes kire atemar, adaut ikes aryamun eropit kec.

Mat. 6:3

Ani ilemikini iyoŋ ituŋanan ŋini a ŋican akiŋarakinet kon, nyiteyenu tari idiotuŋanan;

Mat. 6:5

“Ani ilipete iyes, nyikokis ŋikaŋisoswae, anerae eminasi ikes akilip ewuasi alosinagogae ka alorotin; ikotere eanyuwaryata ŋituŋa ikes. Akalimokini ayoŋ iyes kire atemar, adaut ikes aryamun eropit kec.

Mat. 7:5

Iyoŋ ekaŋisoswae! Tolema mono akitoe anakoŋu kon, topedo nai akiŋolikin ejok epite ŋolo lemaret imilot anakoŋu a lokaato kon.

Mar. 12:39

Eseete ŋikicoloŋo ŋulu ebusak akiboikin alosinagogae ka anasuban.

Mar. 7:6

Toboŋok Yesu ikes tema, “Abu Isaya todwar ŋuna a ŋisoswae kus, ikwa igiritere Nakigireta atemar, ebala Akuj, ‘Eketopoloorito ayoŋ ŋituŋa lu alorwor kec, nai elwaka ŋikecetai aneni kaŋ;

Luk. 11:41

Nai inakisi ŋiboro ŋulu eya tooma kus lokulyak, ikotere tosegyar ibore daadaŋ aneni kus.

Luk. 11:43

“Ekaŋ iyes Ŋiparisayon! Iminasi iyes akiboyonokin lokicoloŋo ŋulu ajokak alosinagogae ka akimalao alomaketa ikitopolooritae.

Luk. 12:33

Togyelasi ŋikusiboro daadaŋ, inakis ŋisiliŋa lokulyak. Kitiyautu ŋicweei ŋulu emam nyenyamunosi. Kiwuaa ekusibari anakuj, aneni nyediteunia tari iwadio cici, anerae emam ekokolan eapiyari nen, nabo emam esipiran ŋolo inyasuni iŋes.

Luk. 12:56

Iyes ŋikaŋisoswae! Iŋolikinete iyes epite ŋolo eyakatar akwap ka adis, ido toyenut apolou kec; nyo bo pa iyenuniata iyes apolou ŋina a ŋirwa a lu?

Luk. 13:15

Tolimok Ekapolon iŋes tema, “Iyes ŋikaŋisoswae! Nyelacanakini idiotuŋanan alokidiŋ kus ekeemoŋ kori ekeesigirya ananok, ido tomia nakipi akoloŋit ŋina a Sabato a?

Luk. 20:46

“Tocoikinito ŋiketatamak a Ŋikisila; eminasi ikes akirimit enapito ŋikaasoi ŋulu aoyak, nabo ecamito kimalae ikwa ŋikapolok alomaket. Eseete ikes ŋikicoloŋo ŋulu ebusak alosinagogae ka anasuban.

Luk. 6:24

“Ekaŋ iyes ŋulu ibarito; idaut iyes aryamun alakara kus!

Luk. 6:42

Nabo ikokini iyoŋ ilimokini lokaato kon ebe, ‘Lokaato kaŋ, kimyek olema imilot ŋini eyai nakoŋu kon,’ nyite iyoŋ akitoe ŋina eyai nakoŋu kon ai? Iyoŋ ekaŋisoswae! Tolema mono akitoe anakoŋu kon, topedo nai akiŋolikin ejok epite ŋolo lemaret imilot anakoŋu a lokaato kon.

Yoa. 13:29

Atamete ŋice atemar kori aŋina eŋadaa Yuda ecwee ŋolo a ŋisiliŋa, alimokinit Yesu iŋes alosit agyelun ŋiboro ŋulu eitanitae aŋuna a ŋasuban. Abasi ŋice kori kelimokini Yesu iŋes ainar ŋikulyak idiobore.

Yoa. 5:41

“Nyewarit ayoŋ akitopolooro alotuŋa,

Yoa. 5:44

Icamito iyes ikitopoloosi ŋulucetuŋa, nai nyiwarito aryamun akitopolooro aneni a ŋolo bon erae Akuj. Ikokinete nai iyes ikinupete ayoŋ ai?

Yoa. 7:18

Ŋini irworo aŋuna ka apedor keŋ bon, iwarit akitopolooro; nai ŋini iitanit apolou a ŋolo iyakit iŋes, irworo ŋuna a kire, emam adiolyokonu eyai neni keŋ.

Ŋitic. 10:2

Arae iŋes ekile ŋolo ainakina neni ka Akuj, ŋolo akerit ekal keŋ daadaŋ Akuj. Epotonori iŋes lokulyak ŋainakineta ŋuna alalak, kilipenenee iŋes Akuj ŋirwa daadaŋ.

Ŋitic. 10:31

Kirworik iŋes tema, ‘Kornelio, eira Akuj akilip kon ka atamu daŋ ŋainakineta kon lokulyak.

Ŋitic. 10:4

Kitek Kornelio emalaika ekuryanit, kiŋit tema, “Ekapolon, nyo?” Toboŋok emalaika iŋes tema, “Acamu Akuj akilip kon ka ŋainakineta kon lokulyak ka ikitamu iŋes iyoŋ.

Ŋitic. 11:29

Totyakut ŋikasyomak a Yesu atemar itemokino ŋinituŋanan alokidiŋ kec tolemu alopite a ŋolo apedorya alemun idiobore ŋini kiŋarakinet ŋikanupak alo Yudaya.

Ŋitic. 24:17

“Ani kelunyar ŋikaru ŋidi, ŋulu amamukar ayoŋ anakwap akaŋ, abu oboŋu Yerusalem ayaun ŋakiŋaranakineta ka ŋainakineta lotuŋa kaŋ.

Ŋitic. 9:36

Ayai Yoppa akanupan ŋina anyaritae Tabisa. (Anyaritae ekiro keŋ a Ŋagirik Dorka, iŋes atemar “Agete.”) Etiyae iŋes ŋuna ajokak akiŋaranakin ŋikulyak.

Ŋirom. 12:8

Ani kerae akisimukekin ŋuluce, itemokino iwon esimukekisi. Ituŋanan daadaŋ ŋini ipotonori ka arimao neni a ŋuluce, itemokino kitiya ka alakara. Ituŋanan daadaŋ ŋini erae ekarikon, itemokino kitiya ka alelakinit.

1 Ŋikor. 13:3

Ani kakorak ayoŋ ŋiboro kaŋ lokulyak, ojalak daŋ ŋituŋa kicunya akuwan kaŋ, nai tomam amina aneni kaŋ, emam ibore aryamuni.

Ŋigal. 2:10

Ŋuna make apotu ikes tolimut ŋuna ka atemar itemokino isua totamunitetei ŋikulyak ŋulu anatukot kec, ibore ŋinipei sek ekeburit ayoŋ akitiya.

Ŋiep. 4:28

Tojoŋo ekademanaran ademanar, nai emaikina togeu akitiya etic, ikotere toryamu eropit aŋuna ke etic keŋ ka topedo tari akiŋarakin ŋulu iitanito akiŋarakino.

1 Ŋites. 2:6

Pa ewaritae isua arwonu alotuŋa, kerae aneni kus kori anituŋanan a idio.

1 Tim. 6:18

Tolimok ikes kitiyata ŋuna ajokak, tobarito aloticisyo a ŋulu ajokak ka totenito akimor ŋiboro kec ka ŋuluce anarimao.

Pil. 1:7

Lokaato, aryamu ayoŋ alelyan ŋina alalan ka atitinyu aŋuna ka amina kon, anerae italaka iyoŋ ŋitai a ŋituŋa a ŋulu ka Akuj.

Ŋibur. 13:16

Nyikimuryak akitiya ŋuna ajokak ka akimor ŋiboro kus, anerae ŋamuronisya ŋun ikes italakarito Akuj.

1 Pet. 4:11

Ituŋanan ŋini itatami, itemokino kitatam ŋakiro ŋuna ka Akuj; ituŋanan ŋini itiyae etic, itemokino iŋes kitiya ka agogoŋu a ŋina einanakini Akuj iŋes, ikotere ipuroe Akuj aloboro a daadaŋ, alotooma Yesu Kristo, ŋolo eyakar apolou ka apedor ŋina a ŋikaru ka ŋikaru. Amen.

1 Sam. 15:30

Toboŋok Saul tema, “Adau ayoŋ akisec, nai inakinae ayoŋ apolou tokona alokiŋaren ŋikasikou ŋulu a ŋituŋa kaŋ ka alokiŋaren Ŋisirael. Oboŋosi ka ayoŋ, ikotere ayoŋ elip neni ke Ekapolon Akuj kon.”