Mat. 6:13 - Ebaibul

¹³ Nyikiya isua nakitemyet, nai toiunae isua aneni aronon. [Anerae apukan ka apedor ka apolou erae ŋuna kon, ŋikaru ka ŋikaru. Amen.]’

Mat. 6:13 Iomraidhean Croise

Akisy. 22:1

Kelunyar ŋakiro ŋun daadaŋ, kikatak Akuj Aburaam tonyara iŋes tema, “Aburaam,” Tema Aburaam, “Ayai.”

1 Ŋirw. 1:36

Toboŋok Benaia ŋolo arae lokoku a Yekoiyada erwosit Daudi tema, “Amen! Elipi Ekapolon Akuj a ekapolon kaŋ a erwosit kitiyak ŋakiro ŋun.

1 Ŋakiro a ŋirwa 16:36

Akipuro toyai neni ke Ekapolon, Akuj ŋina a Isirael, ameun tokona tari ŋikaru ka ŋikaru.” Apotu nai ŋituŋa daadaŋ temasi, “Amen,” ido apotu kipuro Ekapolon.

1 Ŋakiro a ŋirwa 29:11

Okoe Ekapolon, irae iyoŋ ŋolo ipol nooi, iyakar apedor, apolou, akiloun ka ailiil; anerae ibore daadaŋ ŋini eyai nakuj ka kwap; erae ŋini kon; okoe Ekapolon, erae apukan ŋina kon; ikitopolooritae iyoŋ irae Ekapolon a daadaŋ.

1 Ŋakiro a ŋirwa 4:10

Abu Yabes kilip neni ka Akuj a Ŋisirael tema, “Okoe kiterereŋoe ayoŋ Akuj, inakinae ayoŋ akwap ŋina alalan. Oruko ka ayoŋ, ido kiuryarae ayoŋ anibore a ŋini aronon a daadaŋ a ŋini eyauni aryeba neni kaŋ.” Abu nai Akuj inak iŋes ŋakiro ŋuna elipa.

Ŋikiru. 10:16

Erae Ekapolon erwosit ŋolo a ŋikaru ka ŋikaru, isunyarosi ŋituŋa a ŋakwapin anakwap keŋ alo Isirael.

Ŋikiru. 106:48

Akipuro toyai neni ke Ekapolon, Akuj ŋina a Isirael, ameun tokona tari ŋikaru ka ŋikaru. Emaikina ŋituŋa daadaŋ temasi, “Amen.” Kipuroe Ekapolon!

Ŋikiru. 22:28

anerae erae Ekapolon erwosit, ipukat iŋes ŋakwapin.

Ŋikiru. 41:13

Akipuro toyai neni ke Ekapolon, Akuj ŋina a Isirael, akipuro toyai neni keŋ tokona ka ŋikaru ka ŋikaru. Amen! Amen!

Ŋikiru. 47:2

anerae Ekapolon ŋolo alokidiama nooi iŋes emaikina kitopolooroe, Erae iŋes Erwosit ŋolo apolon nooi, ŋolo ipukat ŋakwapin daadaŋ.

Ŋikiru. 47:7

Akuj iŋes erae Erwosit ŋolo ka akwap daadaŋ; toeikisi ŋieosyo ŋulukipuret iŋes.

Ŋikiru. 72:19

Akipuro toyai neni ka Akuj aŋina eyakar apolou ŋikaru ka ŋikaru; elipi kilelebun apolou keŋ nakwap daadaŋ. Amen! Amen!

Ŋikiru. 89:52

Akipuro toyai neni ke Ekapolon ŋikaru ka ŋikaru. Amen! Amen!

Awos. 15:18

Iyoŋ Ekapolon irubakini irae ekepukan ŋolo a ŋikaru ka ŋikaru.”

Ŋakit. 30:8

kiuryarae ayoŋ nyaruwor ŋini alyokono, ido nyikituruwo ayoŋ ŋini akulyakana, kori ŋini abarit nai inakinae ayoŋ akimuj ŋina eitanit a ŋinakoloŋit.

Yer. 15:21

Akalakuni ayoŋ iyoŋ anapedor a ŋulu aronok, akalakuni ayoŋ iyoŋ anagogoŋ a ŋulu aryenyaanak.”

Yer. 28:6

Kirwor ekadwaran Yeremia tema, “Amen! Elipi kitiya Ekapolon ŋun, elipi kisiyook Ekapolon ŋakiro ŋuna idwar iyoŋ, ido kinyaku nakibois na alo Babilon ŋiboro ŋulu ka Akai ka Akuj ka ŋituŋa daadaŋ ŋulu aponi torikoroe.

Dan. 4:25

Ikiritaryo iyoŋ alotuŋa a ŋuluce, eruwor neni iboiyoto ŋityaŋ ŋulu ka ariet iboiyo iyoŋ. Inyami iyoŋ ŋinya ikwa enyamyata ŋaatuk, ikitopalalete iyoŋ ŋakopi ŋuna alokidiama, irubakini iyoŋ ikoni nen ŋikaru ŋikanikaarei akitodol ŋina iyenunia iyoŋ atemar Akuj ŋina alokidiama nooi iŋes ipukat ŋakwapin ŋuna ipukato ŋituŋa ka einakini iŋes apukan neni a ŋini ecamit iŋes ainakin.

Dan. 7:18

Nai ijaarete ŋituŋa ŋulu ka Akuj a ŋina alokidiama nooi apukan kituruwosi ŋina kec ŋikaru ka ŋikaru, kire jik eruwor apukan ŋina kec ŋikaru ka ŋikaru.’

Ekim. 5:22

Agasi tolomasi ŋakipi nu ŋuna eyaunete ŋilam neni a ituŋanan nakook kon, kiturubak ŋaokot eponito anaperyet a akook kon ka torinyiyo aperyet a akook kon.’ Tolimu nai aberu ŋin tema, ‘Kitiyakin ŋun, kitiyakin.’

Mat. 26:41

Tokienyete ka kilipete, ikotere nyilomasi nakitemyet. Ecamit etau, nai epalag akuwan.”

Mat. 28:20

Kitatama ikes toyenut ka kiwuapa ŋakiro daadaŋ ŋuna adau ayoŋ akicikakin iyes; ka daŋ toyenete atemar ikirukit ayoŋ ka iyes ŋirwa daadaŋ tari ŋina esalunia akwap.”

Mat. 5:37

Tolimu atemar ‘Ee’ kori ‘Mam’ -- ŋuna daadaŋ iyatakini iyoŋ, eponito aneni a ŋolo Aronon.

Mat. 6:10

Akonipukan bu. Kitiyae acamit kon alokwap, ikwaŋina itiyaere anakuj.

Yoa. 17:15

Nyekelipit ayoŋ iyoŋ atemar tolema ikes anakwap, nai ekelipit ayoŋ iyoŋ atemar, kiyok iyoŋ ikes aneni a ŋolo Aronon.

1 Ŋikor. 10:13

Emam akitemyet ŋina iryamut iyes ŋina nyitemitere ŋituŋa ŋuluce. Nai erae Akuj ŋina itiyae ŋuna adau akiikin, ka nyikicamakini iŋes iyes ikitemio tari adepar agogoŋu kus. Apaki ŋina ikitemere iyes, ikiinakini Akuj iyes erot ŋolo ibucarotor, ido topedosi atitinyikin.

1 Ŋikor. 14:16

Nai ani ilakar iyoŋ neni ka Akuj ka aŋajep a ŋina ke Etau ka Akuj, ikokini nai ituŋanan ŋini emamukar ainakinet ŋin etemari “Amen” aŋuna ka akilip a ŋina ka alakar kon neni ka Akuj ai? Emam epite ŋolo epedorya iŋes ayenun ŋuna irworo iyoŋ.

2 Ŋikor. 1:20

Anerae aryamut ŋakiikineta daadaŋ ŋuna ka Akuj “Ee” kec aneni a Yesu. Iŋes nai ikilimununuyo alotooma Yesu Kristo atemar “Amen” apaki daadaŋ ŋina ipurore Akuj.

Ŋigal. 1:4

Abu Kristo tojal akiyar keŋ, ikotere isyoniyo ŋasecisya yok, ido itolacak iwon anakwap a na a ŋina ipukat ŋolo Aronon. Arae ŋin acamit ŋina ka Akuj Papa yok.

Ŋikis. 8:16

ka ikisimuj iyes analoŋisat a akimuj a ŋina anyaritae Manna, akimuj ŋina pa ayenete atapapaa kus; abu Ekapolon kitiya ŋun akitiditeunia ka akikatakinia iyes, ikotere ekaku kitiya ŋuna ajokak neni kus.

Ŋikis. 8:2

Totamunito erot ŋolo aoyan ŋolo abu Ekapolon Akuj kus ikirikyo iyes analoŋisat ŋikaru ŋatomoniomwon lu, ikotere itiditeunosi iyes make ka ikikatanak iyes aŋuna ka ayenunia ŋakiro ŋuna aya lotai kus ka ayenunia erae kipedorete akiwuap ŋakiciketa keŋ, kori mam.

1 Ŋites. 1:10

nabo, irworosi epite ŋolo idaritotor iyes Lokoku keŋ bu anakuj--Yesu ŋolo abu iŋes kiteyaru alokatwak ŋolo ikiuni iwon ananyunyura a ŋina ebunit aneni ka Akuj.

2 Ŋites. 3:3

Nai ikinyoma Ekapolon; ikitogogoŋi ka ikiyoki iŋes iyes aneni a ŋolo Aronon--Satan.

1 Tim. 1:17

Toyai akerit ka apolou ŋina nyedaun neni ke Erwosit a ŋolo ipukae ŋikaru ka ŋikaru, ŋolo nyetwani, ŋolo erae iŋes bon erae Akuj! Amen.

Ŋibur. 11:36

Aponi ŋice tojamuwarae ka kibuŋae, torocae a ŋiriko, yaarae mabus.

1 Pet. 5:8

Totenito, tokienyete! Anerae irimit Satan, ŋolo erae emoit kus ikwa eŋatuny ŋolo irurumae iwarit idio ŋini nyamat.

2 Pet. 2:9

Etakani nai atemar eyeni Ekapolon epite ŋolo iunet ŋulu eyarete, epite ŋolo ecamit Akuj anakikatanakineta kec ka eyeni epite ŋolo esikinet ŋikasecak akitodol Akoloŋit ŋina ka atubokino; kisicanae.

1 Yoa. 3:8

Ituŋanan daadaŋ ŋini esecenene, iŋes erae ŋini a Satan, anerae aberakin koloŋ sek Satan asecenen ŋinapei anakisyakinet. Atakanuni Lokoku ka Akuj aŋuna ka akinyasun etic a Satan.

Akis. 1:18

Arae ayoŋ ŋolo ayari; abu ayoŋ otwana, nai tokona ayari ŋikaru ka ŋikaru! Ayoŋ epukat atwanare ka akwap ŋina a ŋikatwak.

Akis. 19:1

Kedaunosi ŋun, abu eira ebunit anakuj etoil ŋolo apol, ŋolo asibit ŋolo a ŋituŋa a ŋulu alalak ebala, “Alleluia! Aiuno, apolou ka apedor erae ŋulu ka Akuj yok!

Akis. 19:4

Apotu ŋikatukok ŋulutomoniarei ka ŋiomwon ta ŋisubuna ŋuluomwon ŋulu eyarete, toramakinos kwap, kilipa neni ka Akuj, a ŋina eboi alokicoloŋ temasi, “Amen! Alleluia!”

Akis. 2:10

Nyikuryaniar aŋuna a ŋican a ŋulu eapi iyoŋ aryamun. Topupok! Eapi Satan acunakin ŋice alokidiŋ kus mabus, ikikatak iyes, ido toryamut akisicanio ŋirwa ŋitomon. Torubak ananupit, erae kedolu atwanare daŋ, ido akainakini ayoŋ iyoŋ akiyar, toruwor eropit.

Akis. 21:4

Emyetari iŋes ŋakiyo daadaŋ anakonyen kec, nyeyakaun nabo atwanare, nyeyakaun nabo akiyaloloŋ kori akigworo kori aryeba. Aŋopiyasi ŋiboro ŋulu ŋorok.”

Akis. 3:10

Aŋuna iricakinia iyoŋ akirot kaŋ ŋina ikicikak iyoŋ atitinyu ŋina nyikirikira, ekeuryari ayoŋ iyoŋ apaki ŋina ka akikatakino ŋina ebunit nakwapin daadaŋ akikatakin ŋulu iboiyete anakwap.

Akis. 3:14

“Kigir neni ke emalaika a ŋolo ka atukot a Ŋikristo alo Laodikeya atemar: “Erae ŋakiro nu ŋuna eponito aneni a ŋolo enyaritae Amen, esuuda ŋolo ikinyomitae ka ŋolo a kire ŋolo erae akisyakinet ŋina a ŋisubuna ka Akuj.

Akis. 5:13

Abu eira ŋolosubuna anakuj, anakwap ka anakwap a ŋikatwak ka ananam ta ŋinibore daadaŋ eyai tooma kec ebasi, “Toyai akipuro, akerit, apolou ka agogoŋu neni a ŋolo iboi alokicoloŋ ka neni a Imesek, ŋikaru ka ŋikaru!”