Mat. 6:10 - Ebaibul

¹⁰ Akonipukan bu. Kitiyae acamit kon alokwap, ikwaŋina itiyaere anakuj.

Mat. 6:10 Iomraidhean Croise

Neem. 9:6

Tolimu nai Esira tema, “Iyoŋ bon irae Ekapolon, iyoŋ isubuni kidiama, iyoŋ isubuni nakuj ka ŋasuban daadaŋ ŋulu eya kidiama, iyoŋ isubuni akwap ka ŋiboro daadaŋ ŋulu eyakasi nakwap, ŋanamyo ka ŋisubuna daadaŋ ŋulu eya tooma kec. Iyoŋ iinakini akiyar neni kec a daadaŋ, ido ilipete neni kon ŋisubuna ŋulu eya kidiama.

Ŋikiru. 2:6

“Ewuak ayoŋ erwosit kaŋ Sion, lomukura kaŋ ŋolo asegan.”

Ŋikiru. 40:8

‘Alakara ayoŋ akitiya ŋuna icamit iyoŋ, okoe Akuj kaŋ, ewuakinit ayoŋ ŋikisila kon lotau kaŋ.’”

Isa. 2:2

Alorwa a ŋulu eponito, ituruworyo ekamukumukut ŋolo ka Akai ke Ekapolon ŋolo eoya nooi akilo ŋimoru, itooyaaryo kileŋ ŋikamukumukui. Ilelebikinosi ŋituŋa a ŋakwapin neni keŋ.

Yer. 23:5

Alimu Ekapolon ebe, “Kire jik, eponito ŋirwa ŋulu aseunia ayoŋ aŋuna a Daudi eletonit ŋolo iyookino, ipukae iŋes ikwapei erwosit ka itiyae ka aosou ka akiyookino anakwap.

Dan. 2:44

Alorwa a ŋirwosi a ŋul, iwuakini Akuj ŋina anakuj apukan ŋina nyepedoryo alemar, kori nyeinakinio apukan ŋin neni a ŋituŋa a ŋice. Emunyari apukan ŋin ŋapukasinei ŋunace daadaŋ kitasalu, ido erubakini iŋes ŋikaru ka ŋikaru.

Dan. 4:35

Erae ŋituŋa daadaŋ ŋulu ka akwap ŋicaryo, itiyae iŋes ŋuna ecamit neni a ŋisubuna a ŋulu eya kidiama ka neni a ŋulu iboiyete anakwap. Mam ituŋanan epedori akiretakin ŋuna ecamit iŋes akitiya, kori epedori akiŋit ebe, “Nyo itiyae iyoŋ?”

Dan. 7:13

Ani ete ayoŋ ŋakisileerekineta ŋun nakwaare, abu ayoŋ eŋolik ibore ŋini ekwaan ka ituŋanan ebunit eyai kidiŋ ŋidouwon. Abu iŋes tolot neni a ŋolo iboi ŋikaru ka ŋikaru ka aponi yaarae iŋes neni ayai ŋolo iboi ŋikaru ka ŋikaru.

Dan. 7:27

Einakinio nakan a ŋituŋa a ŋulu ka Akuj a ŋina alokidiama nooi arwosiyo ka apukan ta apolou nooi a ŋakwapin a daadaŋ anakwap. Eruwor apukan kec ŋina a ŋikaru ka ŋikaru, tosodi itiyanakinete ka iwuapete ŋituŋa a ŋapukasinei a daadaŋ ŋakiro kec.”

Sakar 9:9

“Tolelyana nooi iyes ŋituŋa a Sion! Tocelutu nooi aŋuna ka alelyanu, iyes ŋituŋa a Yerusalem! Kiŋolikisi ebunit erwosit kus neni kus; Erae iŋes ŋolo iyookino ka ŋolo adau akiloun, erae iŋes ŋolo itiditeuna ka edokit isigirya, itaok ŋini ka asigirya.”

Mat. 12:50

Anerae ituŋanan daadaŋ ŋini itiyae ŋuna ecamit Papa kaŋ ŋolo eyai nakuj, iŋes erae lokaato kaŋ, nakaato kaŋ ka toto kaŋ.”

Mat. 16:28

Akalimokini ayoŋ iyes kire atemar, eya nege ŋice ŋulu nyetwakete nyeanyuwara Lokoku a Ituŋanan ebuni anapolou keŋ.”

Mat. 26:42

Toboŋo nabo iŋes akilip tema, “Okoe! Papa, ani pa kitemokino alemar ekopo ŋolo a ŋican lo aneni kaŋ, alemar mati kamat iŋes, kitiyakin ŋuna icamit iyoŋ.”

Mat. 3:2

ebala, “Kibelekinos anasecisya kus, anerae aapuu Apukan ŋina anakuj!”

Mat. 4:17

Ŋinapei ŋina, kisyak Yesu alimonokin ebala, “Kibelekinos anasecisya kus, anerae aapuu Apukan ŋina anakuj.”

Mat. 7:21

“Meere ŋinituŋanan ebala ayoŋ ‘Ekapolon, Ekapolon,’ elomari Napukan ŋina anakuj, nai ŋini itiyae ŋuna ecamit Papa kaŋ ŋolo anakuj iŋes kitiya.

Mar. 11:10

Erereŋ apukan ŋina a Papa yok a Daudi ŋina ebunit! Osanna toyai kidiama nooi!”

Mar. 3:35

Aŋun, ŋini itiyae ŋuna ecamit Akuj, iŋes erae lokaato kaŋ, nakaato kaŋ ka toto kaŋ.”

Luk. 19:11

Ani eriŋa ŋituŋa epupete ŋuna erworo Yesu, tolimok iŋes ŋituŋa akitadapet, anerae aapiyarito ikes Yerusalem, nabo totamakinito ŋituŋa atemar kori eapi atipei Apukan ka Akuj atakanun.

Luk. 19:38

“Erereŋ erwosit ŋolo ebunit alokiro ke Ekapolon! Toyai ekisil nakuj ka akipuro neni ka Akuj alokidiama nooi!”

Luk. 22:42

Tema, “Papa, ani kicamit iyoŋ, tolema ekopo lo ŋolo a ŋican aneni kaŋ! Nai meere aŋuna ka acamit kaŋ, nai kitiyakin acamit kon.” [

Yoa. 4:34

Tolimok Yesu ikes tema, “Akaakimuj iŋes akitiya ŋuna ecamit Akuj ŋina ekeyakuunit ayoŋ ka akirikakin ekeetic.

Yoa. 6:40

Ŋuna ecamit Papa kaŋ ikes nu: ŋini eanyuni ka tonup Lokoku, eryamuni akiyar ŋina nyedaun. Eteyaruni ayoŋ iŋes Akoloŋit ŋina esidyon.”

Yoa. 7:17

Ani keseu idiotuŋanan ŋuna ecamit Akuj, eyenuni iŋes erae kebunit akitatam na aneni ka Akuj, kori erae kerworo ayoŋ aŋuna ka apedor kaŋ bon.

Ŋitic. 13:22

Ani kelema Akuj Saulo, kilunyok Daudi aruwor erwosit kec. Kiteyenu Akuj nu aŋuna a Daudi: ‘Aanyu ayoŋ atemar erae Daudi, lokoku a Yese ekile ŋolo elelyania etau kaŋ; itiyakini iŋes ŋuna daadaŋ acamit ayoŋ iŋes kitiya.’

Ŋitic. 21:14

Ani ewouni Paulo akiirar ŋakiro kosi, toesikinae isua erwor, ido temarae, “Kitiyakin ŋuna ecamit Ekapolon.”

Ŋitic. 22:14

Tema nai iŋes, ‘Ikiseu iyoŋ Akuj ŋina atapapaa yok ayenun acamit keŋ, aanyun Eketiyan keŋ ŋolo iyookino ka akiirar iŋes irworo a etoil keŋ ke elope.

Ŋirom. 12:2

Nyirubakis itiyaete ŋuna itiyaete ŋituŋa ŋulu anakwap a na, nai tocamakisi Akuj kibelek ŋitai kus, ikiinak iyes ŋatameta ŋuna kitet. Ikotere nai iyes iyenunete acamit ŋina ka Akuj--ayenut ibore ŋini ejok ka ŋini italakarit iŋes ka ŋini iyookino.

Ŋiep. 6:6

Kitiyata ŋun, meere apaki ŋina ikiteoto ikes iyes bon, anerae icamito iyes ikitojaka ikes iyes, nai kitiyata ka agogoŋu kus a daadaŋ, ŋuna ecamit Akuj ikwa ŋipi ŋulu a Kristo.

Ŋikol. 1:13

Abu iŋes ikilaku iwon anapedor a ŋina ka akiryonut ka ikilopa iwon Napukan a Lokoku keŋ a ŋolo minat,

Ŋikol. 1:9

Aŋun, ameun anakoloŋit a ŋina eirarere isua ŋuna itiyaete iyes, ikilipanakini isua iyes jwi jwi. Ikilipi isua neni ka Akuj ikiinak iyes aosou ka ayenut daadaŋ, ŋina ebunit aneni ke Etau keŋ, ikotere nai toyenut ejok acamit keŋ.

1 Ŋites. 4:3

Ŋuna ecamit Akuj ikes nu: toruworos ŋulu isegak ŋulu itoodiuna anakiyar kus atemar irae ŋulu keŋ. Toŋero amalao;

1 Ŋites. 5:18

tolakanaros neni ka Akuj anakiro a daadaŋ; anerae erae ŋun ŋuna ecamit Akuj aneni kus alotooma Yesu Kristo.

Ŋibur. 1:14

Erae nai ŋimalaikan nyo? Erae ŋitai ŋulu itiyaete etic ŋolo ka Akuj, ŋulu iyakuunitae akiŋarakin ŋulu eiunio.

Ŋibur. 10:36

Itemokino totitinyikis, ikotere itiyaete ŋuna ecamit Akuj, ido tocamut ŋuna ikiikinit iŋes.

Ŋibur. 10:7

Abu nai ayoŋ otema, ‘Ee Akuj, ayoŋ lo, acamit akitiya ŋuna icamit iyoŋ, lopite ŋolo igiritere aŋuna kaŋ lokitaabo ŋolo a Ŋikisila.’ ”

Ŋibur. 13:21

Ikimaimai isua Akuj ŋina ikiinanakini ekisil, ikiinak iyes ibore ŋini ajokan daadaŋ ŋini iitanito iyes aŋuna ka akitiya acamit keŋ. Itiyakini iŋes aneni yok ŋuna italakarito iŋes alotooma Yesu Kristo. Toyai neni keŋ apolou ŋikaru ka ŋikaru! Amen.

1 Pet. 2:15

Anerae ecamit Akuj iyes kitiyata ŋakiro ŋuna ajokak, ikotere kisililiŋa ŋibaŋaanotin ŋulu irworosi ŋuna nyeyenete.

1 Pet. 4:2

Ameun tokona, nyeriŋa akiyar keŋ anakwap a na iwuapit ekibure ŋolo aronon, nai acamit ŋina ka Akuj.

Akis. 11:15

Abu nai emalaika ŋolo a ŋikanikaarei tokutak arupepe keŋ. Toyakaunos ŋitoilon ŋulu acelasi anakuj ebasi, “Tokona, erae apedor ŋinakipukaet akwap ŋina ke Ekapolon yok ka ŋina a Kristo keŋ, ipukae iŋes ŋikaru ka ŋikaru!”

Akis. 12:10

Abu eira etoil ŋolo apolon anakuj ebala, “Adolu tokona aiuno ŋina ka Akuj! Etoodiu tokona Akuj apedor keŋ ikwa Erwosit! Etoodiu tokona Kristo keŋ apolou! Anerae emasun anakuj ŋolo awuoi alokiŋaren Akuj yok, ŋolo sek esitakinit ŋikaitotoi yok apaaran ka akuwar.

Akis. 19:6

Abu eira etoil ŋolo asibit ŋolo a ŋituŋa a ŋulu alalak, ŋolo asibit ŋolo a ŋakipi a ŋuna eremuno anakope, ŋolo asibit ŋolo ka agirokinet a ŋina ireta. Eira ikes ebasi, “Alleluia! Anerae erae Ekapolon Akuj yok ŋina etiron, Erwosit!

Akis. 20:4

Abu oanyuwa ŋikicoloŋo ŋulu ka apolou icoloŋito ŋulu ainakinitae apedor aruwor ŋikatubok. Abu daŋ oanyuwa ŋitai a ŋituŋa a ŋulu ketubonoryo ŋakyes, aŋuna araakatar ikes ŋisuudae a Yesu ka aŋuna ka Akirot a ŋina ka Akuj. Kepotu ikes nyilipa neni ke etyaŋ kori neni ke etorube keŋ ka nyiwuakina emacar ŋolo ke etyaŋ loreetin kori nakan kec. Toyarut ikes kipukata kaapei ka Kristo ŋikaru aliput apei.