Mat. 5:7 - Ebaibul

⁷ Erereŋ ŋulu isyoniyeneneete ŋuluce; isyoniyo ikes.

Mat. 5:7 Iomraidhean Croise

2 Sam. 17:28

yaut neni keŋ ŋiboro ŋuluperyet ka ŋabapwa ta ŋiboro ŋulukimujet ŋulu etiyaunitae ke elupe. Apotu daŋ ikes yaut ŋaganoi, ŋikinyom ŋulu ikwaan ka erau, ŋakirya, ŋikinyom ŋulu iwowatae ka ŋimare ta emaret ŋolo enyaritae ekao.

2 Sam. 22:26

Ikinyomit iyoŋ ŋulu ikikinyomito iyoŋ, itiyae iyoŋ ŋuna ajokak neni a ŋulu emam aronis,

Ŋikiru. 112:4

Ileereunete ŋiticisyo kec ikwapei akica neni a ŋulu iyookino; eruwor ikes ŋulu ajokak, ŋulu esyonok ka ŋulu iyookino.

Ŋikiru. 112:9

Adaut ikes akoranar ŋiboro kec emam akitac, adaut ikes ainakin ŋiboro kec neni a ŋikulyak; erubakini akiyookino kec ŋikaru ka ŋikaru; itopolooritae nooi apedor kec.

Ŋikiru. 18:25

Isiyoonokini iyoŋ ŋakiikinet kon neni a ŋulu ikikinyomito iyoŋ; itiyae iyoŋ ŋuna ajokak neni a ŋulu emam aronis;

Ŋikiru. 37:26

Ipotonokinete ka idenionokinete ŋuluce ŋiboro kec jwi jwi, eruwor ŋidwe arereŋu kec.

Ŋakit. 11:17

Ituŋanan ŋini erimaana, eryamuni ŋuna ajokak nai eaunete ŋiryenyaanotin ŋican nawat kec.

Ŋakit. 11:25

Itabaryo nooi ituŋanan ŋini einanakini ŋuluce ibore ŋini eyakar iŋes, iŋes ŋini iŋaranakini ŋuluce a ibore a ŋini eyakar, iŋarakinio.

Ŋakit. 14:21

Erae ŋikasecak ŋituŋa ŋulu ejamuwarito ŋikidunyet kec, nai erereŋ ŋituŋa ŋulu itoodiunito arimao neni a ŋikulyak.

Ŋakit. 19:17

Ituŋanan ŋini erimaana aneni a ŋikulyak, einanakini ŋiboro keŋ neni a Ekapolon tari kerae ŋikulyak ijanarete, ido einakinio nabo ituŋanan ŋin eropit ŋolo alalan.

Isa. 57:1

Ani etwakete ŋituŋa ŋulu iyookino, emam ituŋanan emisit atamatam alotau keŋ. Ani earyo ŋituŋa ŋulu enupito nooi, emam ituŋanan eyeni ŋakiro ŋuna aarere ikes. Elemanaryo ŋituŋa ŋulu iyookino, anerae nyecamitae ikes toryamut ŋican,

Dan. 4:27

Aŋun, okoe erwosit, kiwuap ŋuna akalimok ayoŋ iyoŋ; toŋer ŋasecisya kon, kitiya ŋuna iyookino ka toŋer aronis kon, kitiya irimaana aneni a ŋulu iteryamunitae ŋican. Ani kitiya iyoŋ ŋun, acepaki irubakini iyoŋ itiyae ŋinibore ejok.

Osea 1:6

Abu Gomer topoti nabo, kidou ikoku ŋinipese. Tolimok Ekapolon Osea tema, “Tolimok ikoku ŋin ekiro Lo-ruama, anerae nyeriŋa ayoŋ esyoni ŋituŋa a Isirael, kori etoodikini ikes amina kaŋ.

Osea 2:1

Aŋun, tolimok ŋituŋa kon Ŋisirael ebe erae ikes, “Ŋituŋa ŋulu ka Akuj” ka “Ŋiminan ŋulu ke Ekapolon.”

Osea 2:23

Tosodi ewuakini ayoŋ ŋituŋa kaŋ nakwap ka ainakini ayoŋ ikes arereŋu. Etoodikini ayoŋ amina kaŋ neni a ŋini sek anyaritae ebe, ‘Lo-Ruami,’ ido atemari neni a ŋini sek anyaritae ‘Lo-ami’ ebe, ‘Irae iyoŋ ŋini kaŋ’. Etemari iŋes ‘Irae iyoŋ Akuj kaŋ.’”

Mika 6:8

Iyoŋ ituŋanan, adau Ekapolon alimokin iyoŋ ŋuna ajokak; ŋuna ecamit Ekapolon aneni kon ikes nu: Akitiya ŋuna iyookino ka amina arimakinit ŋuluce ta alosit itiditeuna bon anakimorikina ka Akuj yok.

Mar. 11:25

Apaki daadaŋ ŋina ilipyata iyes, kisyonioto ŋini daadaŋ itiyat aronis neni kus, ikotere Papa kus daŋ ŋolo eyai nakuj ikisyoni iyes. [

Luk. 6:35

Nai tominas ŋikusimoe, tojokak aneni kec ka kipotonorete tomam akiitanit atacanot. Epoloor nai eropit kus ka iruworosi ŋidwe ŋulu ka Akuj a ŋina alokidiama nooi, anerae erimaana iŋes neni a ŋulu nyelakanarosi neni keŋ ka ŋulu aronok.

Ŋirom. 11:30

Nai iyes ŋituŋa ŋulu nyirae Ŋiyudayan, ipotu koloŋ iyes toŋero Akuj; nai tokona iryamut akisyon ŋina ka Akuj, anerae apotu Ŋiyudayan toŋero Akuj.

1 Ŋikor. 7:25

Egiri tokona ayoŋ ŋuna ikamunito ŋuna ipotu iyes kigira aŋuna a ŋituŋa a ŋulu nyiitara: emam ŋuna akalimoki ayoŋ Ekapolon, nai alimuni ayoŋ ŋuna atami ayoŋ elope, ikwapei araakar ayoŋ ŋolo ekinyoma aŋuna ka akisyon a ŋina ke Ekapolon.

2 Ŋikor. 4:1

Ikiinak Akuj isua anakisyon keŋ akitiya etic lo, aŋun, nyikiupi isua atitinyikinit.

Ŋiep. 4:32

Akilo, toruworos ŋulu irimaaka ka ŋulu iyapara alotai, kisyonios make ikwapei adaunia Akuj akisyon iyes alotooma Kristo.

Ŋikol. 3:12

Ikwapei tokona iraakatar iyes ŋituŋa ŋulu ka Akuj, ŋulu ikiseu ka ŋulu emina iŋes, itemokino nai iyes kitoodiut akisyon, arimao, akitiditeuna, akiyapara ka atitinyikinit.

1 Tim. 1:13

tari paaran keyanyit ayoŋ iŋes kori kesicanit kori ketoŋoit; nai aponi ekesyoni ayoŋ, anerae apaki ŋin, pa anupit ayoŋ Kristo; aŋun, pa ayeni ayoŋ ŋuna etiyae.

1 Tim. 1:16

nai aponi ekesyoni ayoŋ; ikotere nai itoodiuni Yesu Kristo akidaŋidaŋ keŋ daadaŋ alotooma ŋuna abu iŋes ekiŋaren kitiya neni kaŋ. Alopite a lo, abu eketuruwo ayoŋ akitaanyikinet neni a daadaŋ a ŋulu epote ekaku akinup Yesu, ido toryamut akiyar ŋina nyedaun.

Ŋibur. 4:16

Otitinyoto nai tokona iwon, oloto neni ka Akuj a ŋina ipukat ka ajokis, ikotere ikiryamuni akisyon ka ajokis, ikiŋarakis iwon apaki ŋina ka akiitanit.

Ŋibur. 6:10

Erae Akuj ŋina iyookino nooi, nyimuryakini iŋes etic ŋolo itiyaete iyes. Idaut iyes akiŋarakin Ŋikristo ŋuluce ka eriŋa iŋaranakinete, ido itoodiunito iyes amina kus neni keŋ alopite a ŋol.

Yak. 2:13

Anerae emam akisyon anatubokino a ŋina a ituŋanan a ŋini nyisyoniyenene ŋituŋa ŋuluce, nai ŋulu isyoniyete ŋuluce, nyikerito ikes atubokino.

Yak. 3:17

Nai aosou ŋina anakuj, ejok iŋes mono jik, nabo eyakar ekisil, iyapara, ekoneono, ileleba akisyon ka eyauni ŋiticisyo ŋulu ajokak ikwaŋina eraunia ekitoe ŋaraito; emamukar atyakatyak ka ŋisoswae.

1 Pet. 2:10

Koloŋ sek, pa irae iyes ŋituŋa ŋulu ka Akuj, nai tokona iruworosi ŋituŋa keŋ; koloŋ sek pa iyenete iyes akisyon ŋina ka Akuj, nai tokona iryamut akisyon keŋ.