Mat. 5:4 - Ebaibul

⁴ Erereŋ ŋulu iyaloloŋete; ebuni Akuj akisirworiun ikes.

Mat. 5:4 Iomraidhean Croise

Isa. 12:1

Ebuni akoloŋit ŋina eokinioto ŋituŋa ebasi, “Okoe Ekapolon, alakar ayoŋ neni kon, anerae tari ŋina iŋoitor iyoŋ aŋuna kaŋ, ibu iyoŋ tojoŋo aŋoit aŋuna kaŋ ka ibu iyoŋ ikisirworiu ayoŋ.

Isa. 25:8

Emyetari nai Ekapolon Akuj ŋakiyo anakonyen a ŋituŋa a daadaŋ, elemari iŋes akadakinit aneni a ŋituŋa keŋ anakwap a daadaŋ. Ekapolon elope alimu ŋun.

Isa. 30:19

Kire jik, okoe ŋituŋa a Sion, ŋituŋa ŋulu iboiyete alo Yerusalem, nyigworete iyes nabo jik. Itiyae iŋes ajokis neni kus apaki ŋina iirarya akigworo kus, ani iirari iŋes akigworo kus, ikiboŋokini iŋes iyes.

Isa. 35:10

Eboŋunete ŋituŋa ŋulu adau Ekapolon alakun, eboŋunete ikes Sion eosi, eryamunete ikes alakara ŋina a ŋikaru ka ŋikaru; eryamunete ikes alelyanu ka alakara, edaun akiyaloloŋ ka akisuta aneni kec.

Isa. 57:18

Eŋolik ayoŋ ŋuna ewuapito ikes, nai etaŋaleuni ayoŋ ikes. Ariki ayoŋ ikes enyakak neni kec akiboi ka alakara, ainakini ŋulu igworosi aŋuna kec toeoto.

Isa. 66:10

Tolelyana ka Yerusalem ka tolakaros aŋuna keŋ, iyes daadaŋ ŋulu iminasi iŋes, Tolelyana ka iŋes analelyanu keŋ iyes daadaŋ ŋulu iyaloloŋete aŋuna keŋ,

Isa. 66:2

Ŋakan kaŋ etiyaunete ŋiboro lu daadaŋ, ido erae ŋiboro lu daadaŋ ŋulu kaŋ. Nai ituŋanan ŋini ikoni ne iŋes alakaror ayoŋ: Ituŋanan ŋini itiditeuna bon ŋini ekiit alotau keŋ, ŋini itopoloorit akirot kaŋ.

Esek. 7:16

Ani keyakaun ŋulu ebucarosi tosiwa, eryamunio ikes alokidiama ŋimoru ikwa ŋakuryo ŋuna a ŋakadipaalae, eryamunio ŋinituŋanan igworo aŋuna a ŋasecisya keŋ.

Esek. 9:4

tema neni keŋ, “Ape kirimok Yerusalem daadaŋ, kiwuanak emacar loreetin a ŋituŋa a ŋulu iyaloloŋete ka ŋulu igworosi aŋuna ka asiilyo a daadaŋ a ŋina itiyao alo Yerusalem.”

Sakar 12:10

“Elelebikini ayoŋ neni a ŋipapae a Daudi ka ŋituŋa ŋuluce ŋulu a Yerusalem etau ŋolo ka akisyon ka ŋolo ka akilip. Iŋoliunete ikes neni kaŋ a ŋolo apotu ikes kicuma, igworete ikes aŋuna kaŋ lopite ŋolo igworor ituŋanan aŋuna a ikoku a ŋini sek arae ipei bon. Iyaloloŋete ikes aŋuna keŋ nooi, lopite ŋolo iyaloloŋio ituŋanan ikoku ŋini erae ikiyae.

Luk. 16:25

“Nai abu Aburaam tolimok iŋes tema, ‘Lokoku, toyeni atemar anakiyar kon, iboi iyoŋ neni ajokan, kiboiye Lasaro neni aronon; nai tokona eyai iŋes nege nalakara ka iyai iyoŋ napipilu.

Luk. 6:21

“Irereŋ iyes ŋulu ikinyamit akoro tokona; ikisimwokyo iyes rwanu! “Irereŋ iyes ŋulu igworosi tokona; ikyeniyete iyes rwanu!

Luk. 6:25

“Ekaŋ iyes ŋulu imwokito tokona; anerae ikinyami iyes akoro! “Ekaŋ iyes ŋulu ikyenasi tokona; iyaloloŋete ka igworete daŋ!

Luk. 7:38

Min iŋes kaku nakejen a Yesu igworo, kitapapal ŋakejen a Yesu a ŋakiyo keŋ, toninaiya nai iŋes ŋakejen a ŋitim keŋ, tonu, kiwosak akimyet.

Luk. 7:50

Tolimok Yesu aberu tema, “Ikiteyar iyoŋ anupit kon, tolot ke ekisil.”

Yak. 1:12

Erereŋ ituŋanan ŋini etitinyikini ŋakikatakineta, anerae kedau iŋes akikatakino, eryamuni ikwa ebokot akiyar ŋina iikinit Akuj ŋituŋa ŋulu eminasi iŋes.

Akis. 21:4

Emyetari iŋes ŋakiyo daadaŋ anakonyen kec, nyeyakaun nabo atwanare, nyeyakaun nabo akiyaloloŋ kori akigworo kori aryeba. Aŋopiyasi ŋiboro ŋulu ŋorok.”