Mat. 5:39 - Ebaibul

³⁹ Nai akalimokini ayoŋ iyes atemar, nyitacakis aronis ka aronis. Ani kikibap iyoŋ ituŋanan lokeli ŋolo aloteten, inak iŋes ŋoloce daŋ.

Mat. 5:39 Iomraidhean Croise

1 Ŋirw. 22:24

Tolot nia Sedekia lokoku a Kenaana neni a Mikaia, kibap iŋes lokeli, kiŋit tema, “Ai etori Etau ke Ekapolon aneni kaŋ ebuni akisirwor iyoŋ?”

Yob 16:10

Akaŋaamikin ikes ayoŋ akajutuyanarete; ekebapabapata ikes ayoŋ lokeli aŋuna akajamuwaritotor; ipopoonorosi ikes aŋuna ekemanitotor ayoŋ.

Ŋakit. 20:22

Nyitema ebe, “Etiyae ayoŋ aronis neni a ŋini etiya aronis neni kaŋ;” kikinyom Ekapolon, ikiŋarakini iŋes iyoŋ.

Ŋakit. 24:29

Nyitema ebe, “Etiyae ayoŋ neni a ŋuluce aronis ŋina etiyata ikes neni kaŋ; etiyae ayoŋ neni kec ŋuna aronok ŋuna etiyata ikes neni kaŋ.”

Isa. 50:6

Abu ayoŋ oinak akau kaŋ neni a ŋulu ekebuŋaete ayoŋ ka ŋikelyo kaŋ neni a ŋulu arusete epenek kaŋ; nyiwua ayoŋ ereet kaŋ aneni a ŋulu ekeyenyete ka ekemwaanakinete ayoŋ.

Aum. 3:30

Tari daŋ kikibuŋao ka kikiyanyo iwon, emaikina iwon edaŋidaŋa ŋun daadaŋ.

Ŋilep. 19:18

Nyiwara akinyaŋ ŋakiro, kori akimanit ŋituŋa kus, nai tomina ikonikidunyet ikwa ŋina iminar iyoŋ akonikuwan. Arae ayoŋ Ekapolon.

Mika 5:1

Ŋituŋa a Yerusalem tocunakisi ŋajorei kus! Adaut ŋimoe akirimokin iwon kidiŋ; itijiete ekarikon a Isirael.

Mat. 5:40

Ani kecamit ituŋanan akiya iyoŋ loikiiko aŋuna ka ademar ekoti kon, inak iŋes esati daŋ.

Luk. 22:64

Torapa daŋ ereet keŋ, kiŋita iŋes temasi, “Todwar! Ŋae ŋini ikirami iyoŋ?”

Luk. 6:7

Eteunito ŋiketatamak a Ŋikisila ŋice ka Ŋiparisayon, erae kitaŋaleuni Yesu ituŋanan akoloŋit ŋina a Sabato, ikotere eryamuniata ŋakiro ŋunakisitakinet iŋes.

Yoa. 18:23

Toboŋok Yesu tema, “Ani kalimunit ayoŋ ŋuna aronok, kiteyenik ŋituŋa lu daadaŋ neni abala ayoŋ. Ani kerworit ayoŋ ejok, kaanukiro bo ikibapya iyoŋ ayoŋ?”

1 Ŋikor. 6:7

Iŋes nai kire atemar itoodiunito ŋiburasyo ŋulu iyakatar iyes alokidiŋ kus atemar idaut iyes akibusokin. Akilo, kejoikinit iyes tocamut ikitunaete ŋuluce! Kejoikinit iyes tocamut ŋuluce ikidemanarete ŋiboro kus!

1 Ŋites. 5:15

Nyitemokino iyes itacakinete aronis kan aronis, nai ŋarwa daadaŋ kikatakisi akitiya ŋuna ajokak alokidiŋ kus make ka alotuŋa a daadaŋ.

Ŋibur. 12:4

Alotooma ejiye kus ka asecit, eriŋa iyes nyejiyo akitodol natwanare.

Yak. 5:6

Itubokis iyes ka iar ŋituŋa ŋulu pa asecito, ŋulu pa apedorete akitepeg iyes.

1 Pet. 3:9

Nyitacakis aronis naronis, kori ŋilam ka ŋilam; nai itemokino totacakis arereŋu, anerae erae ŋakiro ŋun aponere ikinyarae iyes, ikotere iryamunete arereŋu.