Mat. 5:37 - Ebaibul

³⁷ Tolimu atemar ‘Ee’ kori ‘Mam’ -- ŋuna daadaŋ iyatakini iyoŋ, eponito aneni a ŋolo Aronon.

Mat. 5:37 Iomraidhean Croise

Mat. 13:19

Ŋituŋa ŋulu iirarete akirot ŋina ka Apukan ka nyeyenut, ikote ikes ŋikinyom ŋulu adoete lorot. Ani ebuni Satan, tolema alotai kec ŋuna sek aekinitae.

Mat. 13:38

Emanikor iŋes akwap. Ŋikinyom ŋulu ajokak ikes ŋidwe ŋulu ka Apukan ka Akuj. Etirwae iŋes ŋidwe a Satan.

Mat. 15:19

anerae lotau elomununiata ŋakiro ŋuna aronok, ikwa: akiar, elomi, amalao, akoko, alyokonu ka akiyany.

Mat. 5:36

Nabo ani ikoŋi, nyilimu tari akonikou, anerae nyipedori iyoŋ akitokwaŋun kori akisiryonun tari epeitimat.

Mat. 6:13

Nyikiya isua nakitemyet, nai toiunae isua aneni aronon. [Anerae apukan ka apedor ka apolou erae ŋuna kon, ŋikaru ka ŋikaru. Amen.]’

Yoa. 17:15

Nyekelipit ayoŋ iyoŋ atemar tolema ikes anakwap, nai ekelipit ayoŋ iyoŋ atemar, kiyok iyoŋ ikes aneni a ŋolo Aronon.

Yoa. 8:44

Irae iyes ŋidwe a papa kus a Satan ka icamito iyes akiwuap ŋuna ecamit iŋes. Arae iŋes ekaaran ŋinapei anakisyakinet, ka nyikamunito iŋes ŋuna a kire, anerae emam ŋuna a kire aneni keŋ. Ani elimuni iŋes alyokonu, itiyae ŋuna erae ekeepite, anerae erae ekalyokonon ka erae papa ka alyokonu.

Ŋiep. 4:25

Tojoŋoto amodyanakin! Itemokino ŋinituŋanan kirwor ŋuna a kire neni ke ekanupan a ŋoloce, anerae ikirae iwon daadaŋ ŋipei alotooma Kristo ikwapei ikiraakar iwon ŋinerin ŋulu ka apeikuwan.

Ŋiep. 6:16

Ŋapakio daadaŋ, totiŋito anupit ikwa aupal; anerae iŋes ipedoryata iyes akituduŋeo ŋimalyo ŋulu eriraete ŋulu egumunit ŋolo Aronon--Satan.

Ŋikol. 3:9

Nyimodyanakinosi make, ikwapei idauniata alemar ekuwane ŋoloŋorot kaapei ka ŋipitesyo keŋ

Ŋikol. 4:6

Itemokino erwor kus jwi jwi tojok ka tobob ka itemokino iyes toyenete epite ŋolo emaikina toboŋonokinioto ŋinituŋanan ejok.

2 Ŋites. 3:3

Nai ikinyoma Ekapolon; ikitogogoŋi ka ikiyoki iŋes iyes aneni a ŋolo Aronon--Satan.

Yak. 5:12

Nai ŋuna apolok nooi, ŋikaitotoi, ani iikinete iyes ibore idio, nyikoŋ nakuj kori akwap kori nyilimu akikoŋiet ace. Temasi iyes “Ee,” torae kire ee ka “Mam,” torae kire mam, ikotere nyilomasi natubokino ŋina ka Akuj.

1 Yoa. 2:13

Atapapa, ekegirakinit ayoŋ iyes, anerae iyenete iyes ŋolo eyai ameun anakisyakinet. Ŋisorok, ekegirakinit ayoŋ iyes, anerae igogoŋ iyes ka iboi akirot ŋina ka Akuj alotooma kus ka idaut iyes akiloun ŋolo Aronon.

1 Yoa. 3:12

Nyikikwaanikin ka Kain ŋolo ariit neni a ŋolo Aronon, ŋolo abu toar lokaato keŋ Abel. Kaanukiro aarya iŋes lokaato keŋ? Anerae aroko ŋiticisyo keŋ ka kiyookino ŋulu a lokaato keŋ.

1 Yoa. 5:18

Ikiyeni iwon atemar ituŋanan daadaŋ ŋini erae ikoku ŋini ka Akuj nyesecenene, anerae iyoki Lokoku ka Akuj iŋes, ka nyepedori ŋolo Aronon akiwan iŋes.