Mat. 5:3 - Ebaibul

³ “Erereŋ ŋulu eyenete atemar ekulyakaka ŋitai kec alokiŋaren Akuj; erae ajakaanut ŋina anakuj ŋina kec.

Mat. 5:3 Iomraidhean Croise

2 Ŋakiro a ŋirwa 33:12

Ani eyakaun Manase locan ŋul, abu kiwar ajokis ŋina a Ekapolon Akuj keŋ, kitiditeun bon nooi aneni ka Akuj atapapaa keŋ.

2 Ŋakiro a ŋirwa 33:19

Ŋakiro ŋuna ka akilip a Manase, epite ŋolo ainakinia Akuj Manase ŋuna ewarit Manase ka ŋuna a ŋakiboisyo a ŋuna abu iŋes toduk nenimukur, ido kiwuanak ŋitorubei a akuj a ŋina anyaritae Asera ka ŋitorubei ŋice daŋ eriŋa nyitiditeuna bon, igiritae lokitaaboi ŋulu igiritae ŋakiro a ŋiketeyenikinak.

2 Ŋakiro a ŋirwa 33:23

Abu Amon nyitiditeun bon aneni ke Ekapolon ikwa papa keŋ, abu kitalala asecit keŋ.

2 Ŋakiro a ŋirwa 34:27

‘Aŋuna ibunio iyoŋ toki alotau kon ka kitiditeun apaki ŋina iirarya ŋakiro ŋuna abu ayoŋ erwor etoroniyarit akwap na ka ŋituŋa keŋ ka aŋuna iciliciliya ŋilowi kon, ido ikikaloik ayoŋ, adau ayoŋ daŋ akiirar iyoŋ.

2 Ŋakiro a ŋirwa 7:14

ani kitiditeunosi ŋituŋa kaŋ ŋulu enyaritae a ekiro kaŋ, ido kilipa ka kiwara akiŋolikin ayoŋ, kimyekis ŋipitesyo kec ŋulu aronok, eirari nai ayoŋ anakuj ŋakiro kec, ido esyoni asecit kec ka eterereŋ akwap kec.

Yob 42:6

Aŋun, ajamuwar ayoŋ bon aŋuna a ŋakiro kaŋ, ido akii ewuakinit apuwa ka ekuron nakuwan kaŋ.”

Ŋikiru. 1:1

Elakara ŋituŋa ŋulu nyiwuapito ŋicocoi a ŋituŋa a ŋulu aronok, kori nyiwuapito ŋipitesyo a ŋikasecak, kori ŋulu nyiboiyonokin natukot a ŋulu ejamuwarito Akuj;

Ŋikiru. 112:1

Kipuroe Ekapolon! Erereŋ ŋituŋa ŋulu itopoloorito Ekapolon, ŋulu elakara anakiwuapit ŋakiciketa keŋ.

Ŋikiru. 128:1

Elakara ituŋanan daadaŋ ŋini itopoloorit Ekapolon, ŋini iwuapit ŋakiro a Ekapolon.

Ŋikiru. 146:5

Elakara ŋulu iŋarakinit Akuj a Yakob, ŋulu eyai akigeno kec neni ke Ekapolon Akuj kec,

Ŋikiru. 2:12

Toryediko, kijuuroto itopoloorito Akuj, ani pa kitiyata ŋun, eŋoi iŋes, ido imunyarosi iyes atipei; anerae etakanuni anyunyura keŋ atipei. Epol alakara a daadaŋ a ŋulu ikinyomito Akuj akiŋarakin ikes.

Ŋikiru. 34:18

Eapi ekapolon aneni a ŋulu amamukaun amukeo alotai, ido eiununui ŋulu amamukaun akigeno alotai.

Ŋikiru. 41:1

Erereŋ ŋituŋa ŋulu iŋarakinito ŋikulyak; elakuni Ekapolon ikes anapakio a ŋuna a ŋican.

Ŋikiru. 51:17

Ŋamuronisya ŋuna ecamit Akuj, ikes ŋuna a ŋituŋa a ŋulu itiditeuna alotai kec. Okoe Akuj, nyiŋeri iyoŋ ŋituŋa ŋulu itiditeuna ka ekiito alotai kec.

Ŋikiru. 84:12

Okoe Ekapolon ŋolo a ŋajoresyo, erereŋ ŋituŋa daadaŋ ŋulu ikikinyomito iyoŋ.

Ŋakit. 16:19

Ejok aruwor ituŋanan ŋini iapara alotau torukito ka ŋikulyak, akilo aryamunun aneni a ŋiketurok ibore ŋini eŋatunitae.

Ŋakit. 29:23

Epedori akituro a ituŋanan aun ŋileec neni keŋ ekaku, nai iŋes ŋini itiditeuna alotau keŋ, eryamuni akitopolooro.

Ŋakit. 8:32

“Tokona nai ŋidwe kaŋ, kiirasi ŋakiro kaŋ nu: Erereŋ ŋulu iwuapete ŋuna alimu ayoŋ.

Isa. 30:18

Kikote neni daŋ ecamit Ekapolon akitiya ajokis neni kus, aŋun ebuni iŋes akisyon iyes; anerae erae Ekapolon Akuj ŋina ka akiyookino, erereŋ daadaŋ ŋulu idarito iŋes.

Isa. 57:15

Alimu Ekapolon ŋolo iboi alokidiama nooi, ŋolo iboi ŋikaru ka ŋikaru ŋolo erae ekiro keŋ ŋolo asegan ebe, “Eboi ayoŋ alokidiama ka anakibois a ŋina asegan, kaapei ka ŋituŋa ŋulu itiditeuna ka iapara alotai kec, ikotere ainakini ikes nabo ŋitai ŋulu itiditeuna ka oinak ikes nabo ŋitai ŋulu iapara.

Isa. 61:1

Eyai etau a Ekapolon neni kaŋ, anerae ekeos iŋes ayoŋ, ekeyaki iŋes ayoŋ alimokin ŋulu isicanitae ŋakiro ŋuna ajokak, akisimukekin ŋulu ekadanakinit alotai kec, akiseraun atemar elacakinio ŋulu erikoritae, akiseraun atemar elacakinio ŋulu eenitae;

Isa. 66:2

Ŋakan kaŋ etiyaunete ŋiboro lu daadaŋ, ido erae ŋiboro lu daadaŋ ŋulu kaŋ. Nai ituŋanan ŋini ikoni ne iŋes alakaror ayoŋ: Ituŋanan ŋini itiditeuna bon ŋini ekiit alotau keŋ, ŋini itopoloorit akirot kaŋ.

Mika 6:8

Iyoŋ ituŋanan, adau Ekapolon alimokin iyoŋ ŋuna ajokak; ŋuna ecamit Ekapolon aneni kon ikes nu: Akitiya ŋuna iyookino ka amina arimakinit ŋuluce ta alosit itiditeuna bon anakimorikina ka Akuj yok.

Mat. 11:25

Apaki ŋin, kirwor Yesu tema, “Alakara ayoŋ neni kon Papa, Ekapolon ŋolo anakuj ka nakwap, anerae ibu iyoŋ kiwua ŋakiro ŋun aneni a ŋikaosok ka ŋipiiryanotin, nai kisileereu neni a ŋidwe a ŋulu cicik.

Mat. 11:6

Erereŋ nooi ituŋanan ŋini nyejamakini anupit keŋ aŋuna kaŋ.”

Mat. 13:16

Nai iterereŋitoe ŋakonyen kus, anerae iteete ka ŋaki kus, anerae epupete.

Mat. 19:14

Nai tolimok Yesu ikes tema, “Kimyekisi ŋidwe potu neni kaŋ. Nyiretakis ikes, anerae erae Apukan ŋina anakuj ŋina a ŋulu ikote lu.”

Mat. 24:46

Erereŋ eketiyan ŋol ŋina ebunio ekeekapolon, toryamu iŋes itiyae ikoŋina!

Mat. 25:34

Etemari Erwosit isirwori ŋituŋa ŋulu aloteten keŋ, ‘Potu iyes ŋulu ikiterereŋit Papa kaŋ! Toryamut ajakaanut ŋina itemokinitoe aŋuna kus ameun anasubunet akwap.

Mat. 3:2

ebala, “Kibelekinos anasecisya kus, anerae aapuu Apukan ŋina anakuj!”

Mat. 8:11

Akalimokini ayoŋ iyes atemar, epote ŋituŋa ŋulu alalak alo Kide ka ŋice alo To, kiboikinos kimuja ka Aburaam, Isaka ka Yakobo kaapei a Napukan a ŋina anakuj.

Mar. 10:14

Ani iŋolikini Yesu ŋikasyomak keŋ itiyaete ŋun, toŋo nooi tolimok ikes tema, “Kimyekisi ŋidwe potu neni kaŋ! Nyiretakis ikes, anerae erae Apukan ka Akuj ŋina a ŋulu ikote lu.

Luk. 11:28

Tolimok Yesu iŋes tema, “Kire iyookino, nai erereŋ nooi ŋulu iirarete ŋakiro ŋuna ka Akuj, ido kiwuapa!”

Luk. 18:14

Akalimokini ayoŋ iyes atemar, abu ekeriran ocur tolot lore keŋ iyookino alokiŋaren Akuj, akilo Eparisayot; anerae ŋinituŋanan itopolooryo bon, itiditeunio; nai ŋini itiditeuna bon, itopolooryo.”

Luk. 22:29

Ikwaŋina eketuruworya Papa kaŋ ayoŋ Ekapolon, eketuruwori ayoŋ iyes daŋ ŋikapolok,

Luk. 22:30

ikotere kimuja ka tomata daŋ a Napukan kaŋ. Kiboikinotor lokicoloŋo, totubonokis ŋatekerin ŋunatomon ka ŋaarei ŋuna a Isirael.

Luk. 4:18

“Eyai Etau ke Ekapolon neni kaŋ, anerae ekeos iŋes ayoŋ aŋuna ka akiserakin Ŋakiro ŋuna Ajokak lokulyak. ekeyakuu iŋes ayoŋ alimokin ŋulu eenitae atemar elacakinio ikes ka aŋaar ŋakonyen a ŋimudukanotin ka alakakin ŋipi,

Yoa. 20:29

Tolimok Yesu iŋes tema, “Inup iyoŋ, anerae ikiŋolik ayoŋ a? Erereŋ ŋulu enupito pa iŋolikinito!”

Ŋikis. 8:2

Totamunito erot ŋolo aoyan ŋolo abu Ekapolon Akuj kus ikirikyo iyes analoŋisat ŋikaru ŋatomoniomwon lu, ikotere itiditeunosi iyes make ka ikikatanak iyes aŋuna ka ayenunia ŋakiro ŋuna aya lotai kus ka ayenunia erae kipedorete akiwuap ŋakiciketa keŋ, kori mam.

Yak. 1:10

ka itemokino Ekristoit ŋolo ebarit elakara apaki ŋina itiditeunia Akuj iŋes. Anerae eŋopiyari ekabaran ikwa aturot ŋina ka ariet.

Yak. 1:12

Erereŋ ituŋanan ŋini etitinyikini ŋakikatakineta, anerae kedau iŋes akikatakino, eryamuni ikwa ebokot akiyar ŋina iikinit Akuj ŋituŋa ŋulu eminasi iŋes.

Yak. 2:5

Topupokisi, ŋikaitotoi kaŋ ŋuluminan! Aseu Akuj ŋikulyak anakwap a na, ikotere toruworos ikes ŋulu ebarito ananupit ka ŋulu eryamunete Apukan ŋina iikinit Akuj ŋulu eminasi iŋes.

Akis. 19:9

Okolimok nai emalaika tema, “Kigir nu: erereŋ ŋulu enyaritae nasuban ŋuna ke ekiitanu a Imesek.” Tema nabo emalaika, “Erae ŋakiro ŋun ŋuna a kire ŋuna ka Akuj.”

Akis. 22:14

Erereŋ ŋulu ilotarito ŋilowi kec, ikotere toryamut apedor ŋina nyamet arait ŋina ke ekitoe a ŋolo ka akiyar ka kitoro lopidiŋ elomarete lotaun ŋolo apolon.

Akis. 3:17

Anerae ibala iyoŋ, ‘Abarit, ayakar ibore daadaŋ ka emam ibore eitanit.’ Nai nyiyeni iyoŋ atemar icana, irae ekaŋipapan, ekulyakit, emudukanot ka ileri.