Mat. 5:22 - Ebaibul

²² Nai tokona akalimokini ayoŋ iyes atemar, ituŋanan ŋini eŋoikini lokaato keŋ, itemokino isitakinio anatukot. Nai ŋini iyanyi lokaato keŋ, itemokino yaunae loikiiko ka ŋini etemari ŋinice, ‘Ibaŋaana iyoŋ,’ itemokino tocakakinae tooma nakim ŋina nyeduŋe.

Mat. 5:22 Iomraidhean Croise

Akisy. 37:4

Ani eyenunete ŋikaitotoi a Yosepu atemar emina papa kec Yosepu akilo ikes ŋuluce, kimana Yosepu, tojoŋoto akisirwor iŋes eminasi.

Akisy. 37:8

Kiŋita ŋikaitotoi keŋ iŋes temasi, “Ikipukae mono kire iyoŋ isua a?” Aŋun, toremokinos ikes Yosepu nooi akilo neni sek, aŋuna a ŋakirujaeta keŋ ka ŋakiro ŋuna erworo iŋes.

2 Sam. 16:7

Tocelu Simei icenonor tema, “Tolot! Tolot kiŋa! Iyoŋ ekaaran! Iyoŋ ŋolo aronon!

2 Sam. 6:20

Toboŋo Daudi a nen tolot akiterereŋ ŋituŋa a ekal keŋ. Nai abu Mikal nakoku a Saul bu neni a Daudi tema “Okoe abu nai erwosit a Isirael kitopoloor bon nooi nakoloŋit na! Abu iŋes tolaci bon alokiŋaren ŋaketiyak a ŋikapolok a apukan keŋ ikwa ebaŋ.”

1 Ŋirw. 21:4

Aŋun, abu Aab tolot lore ekililiŋat itiilito ŋakiro ŋuna alimokini Nabos ŋolo arae Eyesirelait iŋes ebe, “Mam nyakainakini ayoŋ iyoŋ ibore ŋini abu ayoŋ erum aneni atapapaa kaŋ.” Toper iŋes alokitaada keŋ akililiŋat, towou akimuj.

2 Ŋakiro a ŋirwa 16:10

Aŋakiro a ŋun, abu Asa toŋoik Anani eketeyenikinan; toŋo Asa nooi, kiwuak eketeyenikinan ŋol mabus. Apaki ŋinapei, kisyak Asa aryenyaanikin ŋituŋa ŋice.

2 Ŋakiro a ŋirwa 19:5

Abu Yeosapat toseu ŋikatubok ŋakiro alotaunio a Yudaya a daadaŋ a ŋulu aya ŋaduketa ŋunajiet.

Neem. 5:8

abu ayoŋ olimok ikes otema, “Alopite a ŋolo ikipedorya isua, ikidau isua agyelun ŋiyeneta yok ŋulu erae Ŋiburaniyae ŋulu keponi togyelarae nakwapin ŋace, nai tokona igyelanarete iyes ŋiyeneta kus pei, ikotere ikitegyelakinio nabo isua.” Apotu ikes daadaŋ kililiŋa, todaun ŋakiro ŋuna elimunete.

Ŋikiru. 109:3

Ekerikaununeete ikes ayoŋ irworosi ŋakiro ŋuna ekemanitotor; akabenyununeete ayoŋ emam ŋuna asecit.

Ŋikiru. 14:1

Ebasi ŋibaŋaanotin alotai kec ebe, “Emam Akuj.” Emunaara ikes ka itiyaete ŋakiro ŋuna ka asiilyo; emam ipei daŋ ŋini itiyae ŋuna ajokak.

Ŋikiru. 25:3

Nyimyek ŋituŋa ŋulu ikigenosi iyoŋ kisirumae ŋileec; nai ŋulu ikiŋereneneete iyoŋ emam ŋuna ikiŋeritotor, ikes emaikina kisurumae ŋileec.

Ŋikiru. 35:19

Nyicamak ŋimoe kaŋ ŋulu alyokonok akakyenatar ayoŋ, kori ŋulu akaremokino ayoŋ koŋin, akakyenatar ayoŋ ediyete ŋakonyen anakwap itopoloorito ekisil.

Ŋikiru. 37:8

Nyiruworosi ŋulu iŋoaka ka toŋero anyunyura, nyiruworosi ŋulu enepi ekibure, ikirikori ekibure ŋol naronis;

Ŋikiru. 49:10

Iteete ŋituŋa daadaŋ tari ŋikaosok etwakete; ŋibaŋaanotin daŋ ka ŋulu imatimataarit etwakete, ido imyaanakinete ebari kec kiruma ŋuluce.

Ŋikiru. 69:4

Elalak nooi ŋituŋa ŋulu akaremokino ayoŋ koŋin edeparit ekimar kec tari ŋitim ŋulu ka akou kaŋ; elalak nooi ŋimoe kaŋ ŋulu ekemanito, ŋulu iwarito alemar akiyar kaŋ koŋin. Akareikinito ayoŋ akitac ibore ŋini pa akokoiyarit.

Ŋikiru. 7:4

ani ketiyat ŋuna aronok neni a ŋini ikiriit ka ayoŋ, kori kademunit ŋimoe kaŋ ibore pa esecito,

Ŋikiru. 92:6

Erae nu ŋuna nyepedori ituŋanan ŋini imasimasit ayenun, nyepedori ŋini abaŋaanan ayenun,

Ŋakit. 14:16

Erae ŋikaosok ŋulu ecoito akitiya aronis ŋapakio daadaŋ, nai nyecoito ŋibaŋaanotin akitiya aronis, ionyanakinete atipei akitiya aronis.

Ŋakit. 18:6

Epedorete ŋakiro a ibaŋaanot ayaun ejie, epedorete ŋakiro a ibaŋaanot ayaun akibuŋao,

Yer. 17:11

Ikwaan ŋini ecuni abaru alorotin a ŋulu nyiyookino ka ikenyit ŋini ebekuni ŋabeyei ŋuna pa arae iŋes auruuni, edaun abaru ŋin apaki ŋina eapuunia iŋes amojoŋ, ani ekaku, eruwor ituŋanan ŋin ibaŋaanot.

Aum. 3:52

“Apotu ŋimoe kaŋ ekekamasi ayoŋ ikwa ikeny, tomam bo aronis etiyat ayoŋ neni kec.

Dan. 3:13

Abu nai erwosit Nebukadinesar tolili nooi, ido tolimu atemar yaunae Sadirak, Mesak ka Abedinego tooma neni ayai iŋes. Aŋun, aponi yaunae ŋikilyok ŋul kiŋaren erwosit.

Dan. 3:19

Abu nai erwosit Nebukadinesar tolili nooi tonyoridid ereet keŋ aŋuna a Sadirak, Mesak ka Abedinego. Tolimok erwosit ŋituŋa atemar kinokakinae akim a ekitet tomwanu nooi ŋarwa ŋakanikaarei akilo neni sek.

Obad. 1:10

“Aŋuna ibunio iyoŋ toarya iryanyana ŋiletok a Yakob, ikirumete iyoŋ ŋileec ka ikitoŋopiyaryo iyoŋ jik.

Obad. 1:12

“Nai pa etemokino iyoŋ towo kiteo ŋiletok alokaato kon, akoloŋit ŋin ŋina ekamaryata ŋituŋa ikes; pa etemokino iyoŋ tolakar aŋuna ka amunyaryo, a ŋidwe a Yuda a ŋulusapa, akoloŋit ŋin; pa etemokino iyoŋ torem ikes, akoloŋit ŋin ŋina ayakatar ikes locan.

Mat. 10:17

Tocoikinito ŋituŋa, anerae eya ŋulu ikikamunete iyes itorikosi loikiikoe ka ikibuŋata alosinagogae kec.

Mat. 10:28

Nyikera ŋulu earete akuwan, nai nyepedorito akiar etau; nai tokera ŋolo epedori akiar akuwan ka etau, tocakak tooma nakim ŋina nyeduŋe.

Mat. 12:24

Nai ani iirarete Ŋiparisayon ŋakiro ŋun temasi, “Iritanari ekile ŋol ŋipyan, anerae einakinit Belesebul ŋolo erae ekapolon a ŋipyan iŋes apedor.”

Mat. 17:5

Ani eriŋa Petero irworo, bu edou ŋolo akwaŋan kya, torapuwa ikes aribo kirworik etoil alodou ebala, “Erae lo Lokoku kaŋ ŋolo minat, ŋolo alelyania ayoŋ, topupo iŋes!”

Mat. 18:21

Bu Petero neni ayai Yesu kiŋit iŋes tema, “Ekapolon, ŋarwa ŋayai itemokino ayoŋ esyoniyo lokaato kaŋ kesec neni kaŋ? Ŋarwa ŋakanikaarei a?”

Mat. 18:35

Toŋetak Yesu ebala, “Itiyakini Papa kaŋ ŋolo anakuj ikwaŋinapei neni kus erae pa kisyon ŋinituŋanan lokaato keŋ alotau.”

Mat. 23:15

“Ekaŋ iyes, ŋiketatamak a Ŋikisila ka Ŋiparisayon! Ŋikaŋisoswae! Idokete iyes ŋanamyo kirimo nakwapin ŋuna alalak aŋuna ka aryamun ipeituŋanan bon ŋini eruwor ekewuapan kus. Ani ikiwuapakini ituŋanan ŋin iyes, kituruwosi iŋes ŋini aronon nooi, ŋini elosi nakim ŋina nyeduŋe, kilo akeeronis tari ŋina kus.

Mat. 23:33

Iyes ŋulu aronok ŋulu ikote ŋapomia, ikokinete iyes ibucarosi anatubokino ka anakim a ŋina nyeduŋe ai?

Mat. 25:41

“Elimokini nai iŋes ŋituŋa ŋulu alokedyany keŋ tema, ‘Toloto aneni kaŋ iyes ŋulu ilamam! Toloto nakim ŋina nyeduŋe ŋina itemokinitoe aŋuna a Satan ka ŋimalaikan keŋ!

Mat. 26:59

Kiwara ŋisacaradotin ŋulu apolok ka Atukot daadaŋ erot ŋolo kisudokinet Yesu ŋakiro, ikotere totubokinere iŋes atwanare.

Mat. 3:17

Kiirarae etoil anakuj ebala, “Erae lo Lokoku kaŋ ŋolo minat, alelyani ayoŋ nooi aŋuna keŋ.”

Mat. 5:34

Nai akalimokini ayoŋ iyes atemar, nyikoŋ jik; nyikoŋ nakuj, anerae erae neni ipukator Akuj.

Mat. 5:44

Nai tokona akalimokini ayoŋ iyes atemar, tominas ŋikusimoe ka kilipanakinete ŋulu ikisicanito iyes;

Mar. 14:55

Kiwara ŋisacaradotin ŋulu apolok ka Atukot daadaŋ ŋakiro ŋunakisitakinet Yesu, ikotere earere; nai toŋopikis.

Mar. 15:1

Taparacu sek, totukokinos ŋisacaradotin ŋulu apolok ka ŋikatukok ka ŋiketatamak ŋulu a Ŋikisila ta Atukot daadaŋ. Toena ikes Yesu torikosi inakis Pilato.

Luk. 12:5

Eketoodikini ayoŋ iyes ŋini itemokino tokerito; tokerito Akuj ŋina epedori akiar, nabo eyakar iŋes apedor ŋina cakakinet tooma nakim ŋina nyeduŋe. Akalimokini ayoŋ iyes kire atemar, tokerito iŋes!

Luk. 22:66

Ani iwalari akwap, totukokin ŋikatukok ka ŋisacaradotin ŋulu apolok ta ŋiketatamak a Ŋikisila, torikoroe nai Yesu Natukot kec.

Yoa. 11:47

Tocunakinos nai ŋisacaradotin ŋulu apolok ka Ŋiparisayon Natukot kec temasi, “Okoe, ikikokini ai? Kire itiyae ekile lo ŋakujuwuanisya ŋuna alalak.

Yoa. 15:25

Apotu ŋun kitiyakin, ikotere kiyookinotor ŋuna igiritae Lokisila kec ebe, ‘Apotu ikes eketidiŋa ayoŋ koŋin.’

Yoa. 7:20

Toboŋokis ŋituŋa iŋes temasi, “Eyai ekipye tooma kon. Ŋae iwarit akiar iyoŋ?”

Yoa. 8:48

Kiŋita Ŋiyudayan Yesu temasi, “Pa nai ikiyookinit isua ikibala irae iyoŋ Esamaritanoit ka eyai ekipye neni kon a?”

Ŋitic. 17:18

Kimocoto daŋ iŋes ka ŋikaosok ŋulu anyaritae Ŋipikuriyae ka Ŋisitoikae. Temasi ŋice, “Inyoni ecamit ekile ŋolo irworo car lo alimun?” Temasi ŋice, “Esibit elimonokini iŋes ŋakiro ŋuna a ŋakujo a ŋuna egelaaka.” Alimunete ikes ŋun, anerae alimonokini Paulo ŋakiro ŋuna a Yesu ka ŋuna ka ayarun alokatwak.

Ŋitic. 22:30

Nai acamit ekapolon a ŋisigarya aanyun kire ŋakiro ŋuna esitakinitotor Ŋiyudayan Paulo; aŋun, abu iŋes taparacu keŋ tolaca ŋiriko aneni a Paulo, tocunak ŋisacaradotin ŋulu apolok ka Atukot daadaŋ. Ya nai iŋes Paulo kitowuo alokiŋaren kec.

Ŋitic. 23:1

Kitek Paulo atukot, kirworik tema, “Ŋikaitotoi! Ecayete ŋatameta kaŋ anakiro a daadaŋ a ŋuna ikamunito akiyar kaŋ alokiŋaren Akuj akitodol akoloŋit napei na.”

Ŋitic. 24:20

Kori kimyek ŋikilyok lu tolimut aseconu ŋina apotu ikes toryamut aneni kaŋ apaki ŋina awoitor ayoŋ alokiŋaren Atukot

Ŋitic. 4:15

Aŋun, kitolomarae ikes a Natukot, kidoŋo ikes atuko make.

Ŋitic. 5:21

Kitiyata Ŋikiyakia ikwaŋina alimokinitere: ani taparacu eriŋa elilim, tolomasi Kai ka Akuj, kisyakis akitatam ŋituŋa. Ani edolunete Esacaradoti ŋolo Apolon nooi ka ŋirukitos keŋ, tonyaraut Atukot ka ŋikatukok daadaŋ ŋulu a Isirael iwapei. Kiyakiyasi nai ikes ŋisigarya mabus ayaun Ŋikiyakia.

Ŋitic. 5:27

Ani keyaut ikes Ŋikiyakia, kitowua alokiŋaren Atukot. Tolimok Esacaradoti ŋolo Apolon nooi ikes tema,

Ŋitic. 6:12

Kisiguryakis ikes ŋituŋa, ŋikatukok ka ŋiketatamak a Ŋikisila, toporokis iŋes yaasi neni ka Atukot.

Ŋitic. 6:15

Kitekis ŋituŋa daadaŋ ŋulu ka Atukot Stepano, kiŋolikis ereet keŋ ecai ikwa ŋolo ke emalaika.

Ŋitic. 7:37

Arae lo Moses ŋolo alimokini Ŋisirael tema, ‘Iyakuuni Akuj neni kus ekadwaran ŋolo ikoni ayoŋ, ebuni iŋes alokidiŋ kus pei.’

Ŋirom. 12:10

Tominin make ejok ikwaŋina iraakatar ŋikaitotoi alotooma Kristo ka tolelakinito akitoodiunit akitopoloorit ŋuluce.

1 Ŋikor. 6:10

kori ŋikokolak, ŋirorokanotin, ŋikamerak, ŋulu esyomatar ŋuluce kori ŋikademanarak--emam ipei daŋ alokidiŋ ŋul ŋini eruwor Apukan ka Akuj ŋina keŋ.

1 Ŋikor. 6:6

Nai akilo eayi Ekristoit lokaato keŋ alotooma Kristo loikiiko, ido totubo tari ŋituŋa ŋulu nyerae Ŋikristo ŋakiro kec!

Ŋikis. 15:11

Ikwapei nyemamukaunotor anakwap ŋituŋa ŋulu iitanito akiŋarakino, ekeciki tokona ayoŋ iyes ebe, “Toŋaarito ŋakan kus neni a ŋikulyak ka neni a ikidunyet kus a ŋini eyakar iitanit anakwap kus.”

Ŋikis. 16:18

Emaikina iyes toseut ŋikatubok ŋakiro ka ŋikapolok alokabilae kus a daadaŋ, alotaunio kus a daadaŋ a ŋulu ikiini Ekapolon Akuj kus iyes, ikotere etubete ŋakiro a ŋituŋa anakiyookino.

1 Ŋites. 4:6

Anakiro a ŋun nai, nyitemokino idiotuŋanan itiyae ŋuna aronok neni a lokaato keŋ alotooma Ekapolon, kori amodikin iŋes a ediopite. Adaun isua alimokin iyes ŋun ka agogoŋu eriŋa apaki, ikiteyenikin daŋ atemar ebuni Ekapolon akisican ŋulu itiyaete ŋun.

Tito 3:2

Tolimok ikes nyirworotor idiotuŋanan, nai torae ŋulu ke ekisil ka ŋulu edaŋaŋ make, ŋulu itoodiunito arimao neni a ŋituŋa a daadaŋ.

Ŋibur. 12:25

Tocoito iŋerete akiirar ŋakiro a ŋolo irworo. Ani nai pa kebucara Ŋisirael anatubokino apaki ŋina aŋeryoto ŋakiro a ŋolo eciki ikes anakwap, ikibucar nai iwon ikwaani, erae kikiŋer iŋes ŋolo ikiciki iwon anakuj?

Ŋibur. 5:9

Ani kituruwor iŋes ŋolo iyookino kire, abu toruwor ŋolo eyauni aiuno ŋina nyedaun neni a ŋulu daadaŋ ekerito iŋes;

Yak. 2:20

Iyoŋ ebaŋaanot! Icamit iyoŋ ikitoodikin atemar anupit ŋina emam ŋiticisyo erae akoŋinait a?

Yak. 3:6

Ikoni aŋajep daŋ akim. Erae iŋes alope ka aronis anakuwan. Emunauni akuwan daadaŋ, iwuakini akiyar daadaŋ ŋina a ituŋanan tooma nakim ŋina ebunit anakim a ŋina nyeduŋe.

1 Pet. 2:23

Apaki ŋina eyanyere iŋes, nyemoro iŋes idiotuŋanan, apaki ŋina esicanere iŋes, pa abu kitukuryan idiotuŋanan, nai abu inakin neni ka Akuj a ŋina etubi ŋakiro iyookino.

1 Pet. 3:9

Nyitacakis aronis naronis, kori ŋilam ka ŋilam; nai itemokino totacakis arereŋu, anerae erae ŋakiro ŋun aponere ikinyarae iyes, ikotere iryamunete arereŋu.

1 Yoa. 2:9

Ŋini ebala ayai nakica, ido toremokino lokaato keŋ, eriŋa iŋes eyai nakiryonut.

1 Yoa. 3:10

Aŋun, ileereunete ŋidwe ŋulu erae ŋulu ka Akuj ka ŋulu erae ŋulu a Satan; ituŋanan daadaŋ ŋini nyitiyae ŋuna iyookino, kori ŋini nyemina lokaato keŋ, nyerae iŋes ikoku ka Akuj.

1 Yoa. 5:16

Ani kiŋolik ipei lokaato keŋ eseci asecit ŋina nyikirikori natwanare, itemokino iŋes kilip neni ka Akuj aŋuna a lokaato keŋ, ido inak Akuj iŋes akiyar. Erworo ayoŋ, ikotere ŋulu nyeseca asecit ŋina ikirikori natwanare. Eyai asecit ŋina ikirikori natwanare; nyabala ayoŋ itemokino iyes kilipa ikotere ŋakiro ŋun.

Yud. 1:9

Tari Mikael emalaika ŋolo apolon nyitiya nu, ŋina apeganakinotor iŋes ka Satan ebasi ŋae alokidiŋ kec itemokino ya akuwan a Moses. Abu iŋes nyetitinyik atubokin Satan anakiyany, nai abu tema, “Ekapolon elope ikiyeyakini iyoŋ!”

Akis. 20:14

Kimasakinae nai Atwanare ka Akibois ŋina a ŋikatwak nanam ŋina ka akim. (Erae anam ŋina ka akim ŋin atwanare ŋina a ŋaarei.)