Mat. 5:18 - Ebaibul

¹⁸ Akalimokini ayoŋ iyes kire atemar, mati kesalu nakuj ka akwap, emam enyukuta kori akirot adio cici ŋina ikisaryo a Lokisila, mati kirikakin ŋakiro daadaŋ.

Mat. 5:18 Iomraidhean Croise

Ŋikiru. 102:26

Edaunosi ikes, nai irubakini iyoŋ iyai; enyamunosi ikes daadaŋ ikwa ŋilowi. ilocokini iyoŋ ikes ikwa ŋilowi, ido edaunosi.

Ŋikiru. 111:8

Erae ŋuna nyiloconokin ŋikaru ka ŋikaru, emaikina kiwuapae ikes anarimao ka anakiyookino.

Ŋikiru. 119:152

Adau ayoŋ apaki ŋina aoyan ayenun ŋakiro ŋuna itubunit iyoŋ, atemar iwuakinit iyoŋ ŋakiro ŋun aruwor ŋuna a ŋikaru ka ŋikaru.

Isa. 40:8

Einiyarete ŋinya, ido toraraun ŋatur; nai erubakini akirot ŋina ke Ekapolon jik.”

Isa. 44:26

Ayoŋ esiyoonokini ŋakiro ŋuna irworosi ŋiketiyak kaŋ ka esiyoonokini ŋakiro ŋuna edwarete ŋikiyakya kaŋ; ayoŋ alimuni aŋuna a Yerusalem ebe, ‘Epote ŋituŋa akiboi alotooma keŋ’ ka ayoŋ alimu aŋuna a ŋitaunio a Yudaya ebe, ‘Edukokinio ikes nabo ka etonyouni ayoŋ ŋarwatatain a ŋakais kec ŋuna eritanakina.’

Isa. 51:6

Kireosi kidiama, toripiyasi kwap ŋalup; anerae eŋopiyarete ŋisubuna ŋulu alokidiama lopite ŋolo eŋopiyarya apuru, enyamun akwap lopite ŋolo enyamunor elou ka etwakete ŋulu iboiyete anakwap lopite ŋolo etwakyata ŋikamicirwa. Nai erubakini aiuno ŋina ebunit aneni kaŋ ŋikaru ka ŋikaru ka nyedaun alakuno ŋina ebunit aneni kaŋ jik.

Mat. 10:15

Akalimokini ayoŋ iyes kire atemar, Akoloŋit ŋina ka atubokino erimakinio ŋituŋa ŋulu a Sodoma ka ŋulu a Gomora akilo ŋulu ke etaun a ŋol.

Mat. 10:23

Ani ikitidiŋete ikes iyes alotaun ke epei, toema lotaun ece. Akalimokini ayoŋ iyes kire atemar, nyirikakinete iyes ekusitic alotaunio a ŋulu a Isirael, eriŋa nyebuno Lokoku a Ituŋanan.

Mat. 10:42

Nabo ituŋanan daadaŋ ŋini itamasi ipei alokidiŋ ŋulu cicik lu, tari epeikopo ŋolo a ŋakipi a ŋuna alilimok, aŋuna eraakar ekewuapan kaŋ, eryamuni kire eropit keŋ.”

Mat. 11:11

Akalimokini ayoŋ iyes kire atemar, alotuŋa a daadaŋ a ŋulu idounitoe ŋinapei koloŋ, emam ŋini epol akilo Yoana Ekebatisan. Nai ŋini edit akilo daadaŋ a Napukan a ŋina anakuj, epol akilo Yoana.

Mat. 13:17

Akalimokini ayoŋ iyes kire atemar, acamito ŋikadwarak ŋulu alalak ka ŋituŋa ŋulu iyookino akiŋolikin ŋuna iŋolikis iyes, nai apotu nyiŋolikis; nabo acamito akiirar ŋuna iirasi iyes, nai apotu nyiirasi.”

Mat. 16:28

Akalimokini ayoŋ iyes kire atemar, eya nege ŋice ŋulu nyetwakete nyeanyuwara Lokoku a Ituŋanan ebuni anapolou keŋ.”

Mat. 17:20

Toboŋok Yesu ikes tema, “Anerae edit anupit kus. Akalimokini ayoŋ iyes kire atemar, ani iyakatar iyes anupit ŋina edit ikwa icokit ŋini ikoni ŋini ke ebobore, ilimokinete tari emoru lo atemar, ‘Kiyoto a ne, tolot ama,’ iyotori; ka emam ibore ŋini ikipiyori iyes akitiyakin. [

Mat. 18:18

“Akalimokini ayoŋ iyes daadaŋ kire atemar, ŋuna daadaŋ nyicamakinete iyes anakwap, nyecamakinio anakuj. Nai ŋuna icamunete iyes anakwap, ecamunio anakuj.

Mat. 18:3

tolimok ikes tema, “Akalimokini ayoŋ iyes kire atemar, mati kibelekinosi iyes kikokis ŋidwe ŋulu cicik, nyilomarete Napukan ŋina anakuj.

Mat. 19:23

Tolimok Yesu ŋikeekasyomak tema, “Akalimokini ayoŋ iyes kire atemar, etyonior nooi ekabaran alomar Napukan ŋina anakuj.

Mat. 19:28

Tolimok Yesu ikes tema, “Kire akalimokini ayoŋ iyes atemar, anakwap a ŋina kitete apaki ŋina iboikinor Lokoku a Ituŋanan lokicoloŋ ŋolo ka apolou keŋ anakuj, iboikinosi iyes daŋ ŋulu ikiwuapakis ayoŋ lokicoloŋo ŋulutomon ka ŋiarei, atubonokin ŋatekerin ŋunatomon ka ŋaarei ŋuna a Isirael.

Mat. 21:21

Toboŋok Yesu ikes tema, “Akalimokini ayoŋ iyes kire atemar, ani iyakatar iyes anupit ka nyiŋayaŋayato, itiyaete iyes ŋuna etiyak ayoŋ lobobore. Meere ŋuna bon, ilimokinete tari emoru lo atemar ‘Kiyoto a ne, kimasar nanam,’ itiyakinio.

Mat. 21:31

Ali alosapa a ŋuluarei a ŋul abu kitiya ŋuna acamit papa keŋ?” Toboŋokis ŋituŋa temasi, “Ŋolo apolon.” Tolimok Yesu ikes tema, “Akalimokini ayoŋ iyes kire atemar, elomarete ŋikerirak ocur ka ŋamalaae Napukan ka Akuj eriŋa iyes.

Mat. 23:36

Akalimokini ayoŋ iyes kire atemar, ŋakiro ŋun daadaŋ etakanunete nanyamet na.

Mat. 24:2

Nai tolimok Yesu ikes tema, “Iteete iyes ŋiboro lu daadaŋ a? Akalimokini ayoŋ iyes kire atemar, nyidoŋi nege tari amoru apei daŋ ŋina nyeukoryo.”

Mat. 24:47

Akalimokini ayoŋ iyes kire atemar, iwuakini ekapolon iŋes topolok ebari keŋ daadaŋ.

Mat. 25:12

Toboŋok ekeitan tema, ‘Emam kire jik nyakayeni ayoŋ iyes.’ ”

Mat. 25:40

Eboŋokini nai Erwosit ikes tema, ‘Akalimokini ayoŋ iyes kire atemar, ŋinapaki daadaŋ iponiata iyes kitiyata nugu neni a ipei a ŋikaitotoi kaŋ a ŋulu caryo, ipotu iyes kitiyata neni kaŋ.’

Mat. 25:45

Akalimokini ayoŋ iyes kire atemar, ŋinapaki daadaŋ iponiata iyes nyiŋarakis ipei a ŋikaitotoi a ŋulu caryo, ipotu iyes nyikiŋarakis ayoŋ.

Mat. 5:26

Akalimokini ayoŋ iyoŋ kire atemar, nyilomuni iyoŋ alomabus, mati kitac daadaŋ tari nikaput.

Mat. 6:16

“Ani ikanyi iyoŋ, nyitasyono ikwa itasyonotor ŋikaŋisoswae. Elosete ikes esecec ŋireetin, ikotere eanyuniata ŋituŋa atemar ikanyete ikes. Akalimokini ayoŋ iyes kire atemar, adaut ikes aryamun eropit kec.

Mat. 6:2

“Ani iinakini iyoŋ akiŋarakinet neni a ituŋanan a ŋini a ŋican, nyejok akidelar alotuŋa ikwaŋina itiyaata ŋikaŋisoswae alosinagogae ka alorotin. Itiyaete ikes ŋun, ikotere kipuro ŋituŋa ikes. Akalimokini ayoŋ iyes kire atemar, adaut ikes aryamun eropit kec.

Mat. 8:10

Ŋolopite eirarya Yesu ŋakiro keŋ, toumok. Tolimok ŋituŋa ŋulu ewuapito iŋes tema, “Akalimokini ayoŋ iyes kire atemar, nyeryamuna ayoŋ anupit ŋina epol ikwa naga tari alo Isirael.

Mar. 10:15

Akalimokini ayoŋ iyes kire atemar, ŋinituŋanan nyijauni Apukan ka Akuj ikwa ikoku ŋini cici, nyelomari jik Napukan ŋin.”

Mar. 10:29

Tolimok Yesu ikes tema, “Akalimokini ayoŋ iyes kire atemar, emam ipei daŋ ŋini aesiki ere keŋ, ŋikaitotoi, ŋakaitotoi, toto keŋ, papa keŋ, ŋidwe kori ŋamanat aŋuna kaŋ ka aŋuna a Ŋakiro a ŋuna Ajokak,

Mar. 11:23

Anerae akalimokini ayoŋ iyes kire atemar, ŋinituŋanan etemari emoru lo ‘Kiyoto a ne, kimasar nanam;’ ani pa keŋayaŋayat alotau keŋ, nai tonupite atemar itiyakin ŋuna daadaŋ irworo iŋes kire, itiyakinio neni keŋ.

Mar. 12:43

Tonyarau Yesu ŋikasyomak keŋ, tolimok ikes tema, “Akalimokini ayoŋ iyes kire atemar, acakaki apuserut na anakulyako keŋ akilo ikes daadaŋ ŋulu acakakis ŋisiliŋa nasaduku.

Mar. 13:30

Akalimokini ayoŋ iyes kire atemar, nyelunyar anyamet na eriŋa nyetakanuna ŋakiro ŋun daadaŋ.

Mar. 14:18

Ani eriŋa ikes imujete, tolimok Yesu ikes tema, “Akalimokini ayoŋ iyes kire atemar, akalukini ayoŋ epei alokidiŋ kus; ŋol, iŋes ŋolo ikimuji ka ayoŋ.”

Mar. 14:25

Akalimokini ayoŋ iyes kire atemar, nyamasi nabo ayoŋ ŋuna ke epiini akitodol akoloŋit ŋina amasya ekitetyana a Napukan ka Akuj.”

Mar. 14:30

Toboŋok Yesu Petero tema, “Akalimokini ayoŋ iyoŋ kire atemar, takae nakwaare, eriŋa ekokoroit nyeruuno aruunet ŋina a ŋaarei, ipegi iyoŋ ŋapeget ŋauni atemar ikiyeni ayoŋ.”

Mar. 14:9

Akalimokini ayoŋ iyes kire atemar, ŋinakwap daadaŋ itatamere Ŋakiro ŋuna Ajokak, elimoryo ŋakiro ŋuna etiya aberu na aŋuna ka atamunitor iŋes.”

Mar. 3:28

“Akalimokini ayoŋ iyes kire atemar, isyoniyo ŋasecisya a ŋituŋa daadaŋ ka ŋiyany kec.

Mar. 6:11

Akibois daadaŋ ŋina nyikijauniata iyes ŋituŋa, kori ewouniata akiirar iyes, totwakisi apuwa ŋina a ŋakejen kus nen, kitoodiu nen atemar esecito ikes.”

Mar. 8:12

Kieŋak Yesu nooi tema, “Nyo ecamitor anyamet na akujuwuanut? Akalimokini ayoŋ iyes kire atemar, emam akujuwuanut ace ŋina itoodikinio iŋes.”

Mar. 9:1

Torubak Yesu irworo ebala, “Akalimokini ayoŋ iyes kire atemar, eyakasi ne ŋulu nyiirete atwanare, eriŋa nyeanyuwara Apukan ka Akuj ebuni ka apedor.”

Mar. 9:41

Akalimokini ayoŋ iyes kire atemar, ituŋanan daadaŋ ŋini ikitamasi iyes ŋakipi, aŋuna iraakatar iyes ŋulu a Kristo, eryamuni iŋes eropit keŋ.”

Luk. 11:51

ameun anaokot a ŋuna ka Abel tari naokot a Sakariya a ŋolo aarakinio kidiŋ Namuroet ŋina icunyere ekinyate ka akibois ŋina emyekinitae aŋuna ka Akuj. Ee, kire akalimokini ayoŋ iyes atemar, isicanio ŋituŋa ŋulu ka anyamet a na aŋuna kec a daadaŋ!

Luk. 12:37

Erereŋ nooi ŋiketiyak ŋulu erukauni ekapolon kec ekienyete apaki ŋina eboŋunio iŋes. Akalimokini ayoŋ iyes kire atemar, enyiki iŋes ŋilowi keŋ, kisiboik ikes tokorak akimuj.

Luk. 13:35

Topupokisi tokona, imyekinio Akai kus ŋina ka Akuj. Akalimokini ayoŋ iyes kire atemar, nyikiŋolikinete iyes ayoŋ nabo akitodol akoloŋit ŋina itemaryata, ‘Erereŋ ŋolo ebunit alokiro a ŋolo ke Ekapolon!’ ”

Luk. 16:17

Nai epatana nakuj ka akwap aŋopiyar, akilo tari enyukuta epei a Lokisila aruwor koŋin.

Luk. 18:17

Akalimokini ayoŋ iyes kire atemar, ŋinituŋanan nyijauni Apukan ka Akuj ikwa ikoku ŋini cici, nyelomari jik Napukan ŋin.”

Luk. 18:29

Toboŋok Yesu ikes tema, “Akalimokini ayoŋ iyes kire atemar, emam ituŋanan aesiki ekal keŋ, kori akeeberu, ŋikeekaitotoi, ŋikeekauruunak ka ŋikeedwe aŋuna ka Apukan ka Akuj,

Luk. 23:43

Tolimok Yesu iŋes tema, “Akalimokini ayoŋ iyoŋ kire atemar, napeikoloŋit na ikiruki iyoŋ ka ayoŋ anajakaanut a ŋina ka Akuj!”

Luk. 4:24

Akalimokini ayoŋ iyes kire atemar, emam ekadwaran ŋolo ecamitae anakwap keŋ.”

Yoa. 1:51

Kiyatak iŋes tema, “Akalimokini ayoŋ iyes kire atemar, iŋolikinete iyes nakuj eŋaara ka ŋimalaikan elosete kidiama ka eponito kwap neni a Lokoku a Ituŋanan.”

Yoa. 10:1

Tolimu Yesu tema, “Akalimokini ayoŋ iyes kire atemar, ituŋanan ŋini nyelomari nanok ŋina a ŋamesekin alopuke, nai todoka tooma alowae ke ece, erae ituŋanan ŋin ekokolan ka ekademanaran.

Yoa. 10:7

Aŋun, tolimok Yesu ikes nabo tema, “Akalimokini ayoŋ iyes kire atemar, Arae Ayoŋ epuke ŋolo a ŋamesekin.

Yoa. 12:24

Akalimokini ayoŋ iyes kire atemar, erubakini ekinyomit ŋolo ke emomwae erae epei, mati kedupakin nalup totwan; ani ketwana, torup nai tolalata.

Yoa. 13:16

Akalimokini ayoŋ iyes kire atemar, emam epito ŋolo epol akilo ekeekapolon, nabo daŋ emam ekiyakitono ŋolo epol akilo ŋolo iyakit iŋes.

Yoa. 13:38

Toboŋok Yesu iŋes tema, “Ijali kire iyoŋ akiyar kon aŋuna kaŋ a? Akalimokini ayoŋ iyoŋ kire atemar, eriŋa ekokoroit nyeruuno, ipegi iyoŋ ŋapeget ŋauni atemar ikiyeni ayoŋ.”

Yoa. 14:12

Akalimokini ayoŋ iyes kire atemar, ŋini akanupi ayoŋ, itiyae daŋ ŋiticisyo ŋulu etiyae ayoŋ; itiyae iŋes ŋiticisyo ŋulu iloito tari ŋulu kaŋ, anerae aboŋori ayoŋ neni a Papa.

Yoa. 16:20

Akalimokini ayoŋ iyes kire atemar, ipote iyes akigworo ka akiwolol, nai elelyani akwap nooi; ipote iyes akiyaloloŋ, nai ibelekin akiyaloloŋ kus toruwor alelyan.

Yoa. 16:23

“Ani ŋina edolunio Akoloŋit ŋin, emam idiobore ipote iyes akiŋit ayoŋ. Nai akalimokini ayoŋ iyes kire atemar, ibore daadaŋ ŋini iŋitasi iyes alokiro kaŋ, ebuni Papa kaŋ ainakin iyes.

Yoa. 21:18

Akalimokini ayoŋ iyoŋ kire atemar, ŋina iriŋaakar iyoŋ isorokana, ibu iyoŋ kitemonokin, tonyou tolot neni icamit. Nai ŋina imojoŋi, ikeari iyoŋ ŋakan kon, ikitemok icetuŋanan iyoŋ itoriko neni nyicamit iyoŋ alosit.”

Yoa. 3:11

Akalimokini ayoŋ iyoŋ kire atemar, ikirworo isua ŋuna ikiyeni ka ikiteyenunit daŋ ŋuna ikianyu, nai nyicamunito iyes ŋuna ikiteyenunit isua.

Yoa. 3:3

Toboŋok Yesu iŋes tema, “Akalimokini ayoŋ iyoŋ kire atemar, emam ituŋanan epedori akiŋolikin Apukan ka Akuj, mati kidoun iŋes nabo.”

Yoa. 3:5

Toboŋok Yesu iŋes tema, “Akalimokini ayoŋ iyoŋ kire atemar, ani pa kidoun ituŋanan a ŋakipi ka Etau ŋolo ka Akuj, nyelomari iŋes jik Napukan ka Akuj.

Yoa. 5:19

Tolimok Yesu ikes tema, “Akalimokini ayoŋ iyes kire atemar, emam idiobore ŋini epedori Lokoku akitiya bon, nai itiyae iŋes ŋuna make iŋolikini iŋes Akuj Papa keŋ itiyae, anerae ŋuna daadaŋ itiyae Papa, itiyae Lokoku daŋ ikwaŋinapei.

Yoa. 6:26

Toboŋok Yesu ikes tema, “Akalimokini ayoŋ iyes kire atemar, ikiwarito iyes ayoŋ meere aŋuna iponiata toyenut apolou a ŋakujuwuanisya, nai erae aŋuna iponiata kimuja ŋamugati, kimwoko.

Yoa. 6:32

Tolimok Yesu ikes tema, “Akalimokini ayoŋ iyes kire atemar, pa arae Moses ikiini iyes akimuj ŋina anakuj, nai Papa kaŋ ikiinakini iyes akimuj ŋina a kire ŋina anakuj.

Yoa. 6:47

Akalimokini ayoŋ iyes kire atemar, ŋini enupi, eryamuni akiyar ŋina nyedaun.

Yoa. 6:53

Aŋun, tolimok Yesu ikes tema, “Akalimokini ayoŋ iyes kire atemar, ani pa kimuja iyes akuwan a Lokoku a Ituŋanan ka tomata ŋaokot keŋ, nyiyakaunotor akiyar tooma kus.

Yoa. 8:34

Toboŋok nai Yesu ikes tema, “Akalimokini ayoŋ iyes kire atemar, ŋini eseci, aruwor epito ŋolo ka asecit.

Yoa. 8:51

Akalimokini ayoŋ iyes kire atemar, ŋini iricakini ŋakiro kaŋ, nyetwani jik.”

Yoa. 8:58

Tolimok Yesu ikes tema, “Akalimokini ayoŋ iyes kire atemar, tari eriŋa Aburaam nyeuruuna, Arae Ayoŋ ŋolo Arae Ayoŋ!”

1 Pet. 1:25

nai erubakini akirot ŋina ke Ekapolon jik.” Akirot ŋin, ikes Ŋakiro ŋuna Ajokak ŋuna aponi ikiserakin iyes.

Akis. 20:11

Abu oanyuwa ekicoloŋ ŋolo akwaŋan ŋolo apolon ka iŋes ŋini icoloŋit. Toŋopiyasi akwap ka nakuj alokiŋaren keŋ nyeanyuwar nabo jik.