Mat. 5:17 - Ebaibul

¹⁷ “Nyitamete atemar kori abunit ayoŋ alemar Ŋikisila a Moses ka ŋakiro ŋuna etatamete ŋikadwarak. Nyabunit ayoŋ akikisar ikes, nai akisiyookin.

Mat. 5:17 Iomraidhean Croise

Isa. 42:21

Abu Ekapolon tolakar aŋuna a ŋituŋa keŋ a ŋulu eyookino, abu iŋes kitopoloo nooi ŋikisila keŋ ka ŋakitatameta keŋ.

Mat. 3:15

Nai toboŋok Yesu iŋes tema, “Kimyek kitiyakin ikona tokona. Anerae erae epite lo iŋes ikisiyookinio iwon ŋuna ecamit Akuj daadaŋ.” Kimyek nai iŋes kitiyakin.

Mat. 7:12

Kitiyata neni a ŋuluce ŋuna icamito iyes ikes kitiyata neni kus; ŋun ikes erae apolou a Ŋikisila a Moses ka ŋakitatameta ŋuna a ŋikadwarak.

Luk. 16:17

Nai epatana nakuj ka akwap aŋopiyar, akilo tari enyukuta epei a Lokisila aruwor koŋin.

Yoa. 8:5

Igiritae Lokisila a Moses atemar, ani ŋina ikoni na, itemokino tocakae a ŋamoru. Nai anu itami iyoŋ aŋuna keŋ?”

Ŋitic. 18:13

Temasi ikes ebe, “Ikatakinit ekile lo akitacamun ŋituŋa akilip Akuj alopite a ŋolo nyecamito Ŋikisila a Moses!”

Ŋitic. 21:28

Tocelut ikes temasi, “Ŋituŋa a Isirael, kiŋarakinae! Elo ekile ŋolo irimit akwap daadaŋ akitatam ŋituŋa daadaŋ akitoroniyar ŋituŋa a Isirael, Ŋikisila a Moses ka Akai ka Akuj na. Nabo tokona ayau iŋes tari ŋituŋa ŋulu nyerae Ŋiyudayan tooma Akai ka Akuj, ido etooŋoryan ne, neni imyekinitae aŋuna ka Akuj!”

Ŋitic. 6:13

Yaut ŋisuudae ŋulu esudete ŋakiro ŋulu abasi, “Nyieŋununui ekile lo erwor ŋuna aronok Kai ka Akuj na ŋina asegan ka Lokisila ŋulu ka Akuj;

Ŋirom. 10:4

Anerae adau Kristo ayaun ekisal ŋolo a Ŋikisila, ido nai ituŋanan ŋini enupit ituruworyo ŋini iyookino alokiŋaren Akuj.

Ŋirom. 3:31

Itoodiunito nai ŋun atemar ikijamuwarit iwon Ŋikisila aŋuna ka anupit a ŋin a? Mam jik! Akilo, ikitopoloorit iwon Ŋikisila.

Ŋirom. 8:4

Abu Akuj kitiya ikoŋina, ikotere iwon ŋulu ikiyari anakiwuapit Etau ŋolo ka Akuj, meere anakiwuapit aseconu a ituŋanan, ikipedori akitiya ŋuna ecamito Ŋikisila atemar iyookino.