Mat. 5:10 - Ebaibul

¹⁰ Erereŋ ŋulu isicanitae aŋuna ka akiyookino; erae Apukan ŋina anakuj ŋina kec.

Mat. 5:10 Iomraidhean Croise

Ŋikiru. 37:12

Etukete ŋulu aronok akitiya aronis neni a ŋulu iyookino, ido eryanyaanikinito ikes imanito,

Isa. 66:5

Kiirasi ŋakiro ŋuna irworo Ekapolon, iyes ŋulu itopoloorito ŋakiro keŋ, “Adaut ŋituŋa kus pei ŋulu ikiremokino iyes ka ikiŋerito iyes aŋuna a ekiro kaŋ alimun ebe, ‘Emaikina Ekapolon kitoodiu apolou keŋ, ikotere isua ikiŋolikini iyes ilelyanete.’ Nai ikes ŋikulepek isurumyo ŋileec.

Mat. 10:23

Ani ikitidiŋete ikes iyes alotaun ke epei, toema lotaun ece. Akalimokini ayoŋ iyes kire atemar, nyirikakinete iyes ekusitic alotaunio a ŋulu a Isirael, eriŋa nyebuno Lokoku a Ituŋanan.

Mat. 19:14

Nai tolimok Yesu ikes tema, “Kimyekisi ŋidwe potu neni kaŋ. Nyiretakis ikes, anerae erae Apukan ŋina anakuj ŋina a ŋulu ikote lu.”

Mat. 25:34

Etemari Erwosit isirwori ŋituŋa ŋulu aloteten keŋ, ‘Potu iyes ŋulu ikiterereŋit Papa kaŋ! Toryamut ajakaanut ŋina itemokinitoe aŋuna kus ameun anasubunet akwap.

Mat. 5:3

“Erereŋ ŋulu eyenete atemar ekulyakaka ŋitai kec alokiŋaren Akuj; erae ajakaanut ŋina anakuj ŋina kec.

Mar. 10:14

Ani iŋolikini Yesu ŋikasyomak keŋ itiyaete ŋun, toŋo nooi tolimok ikes tema, “Kimyekisi ŋidwe potu neni kaŋ! Nyiretakis ikes, anerae erae Apukan ka Akuj ŋina a ŋulu ikote lu.

Mar. 10:30

ŋini nyeryamuni ŋarwa amiat anakwap a na, ŋakais, ŋikaitotoi, ŋakaitotoi, atatoto, ŋidwe ka ŋamanat, nai ka ŋican daŋ. Eryamuni daŋ iŋes rwanu akiyar ŋina nyedaun.

Luk. 21:12

Nai eriŋa ŋun daadaŋ nyitiyakina, ikikamunio iyes ikisicani nooi, ikiyaaryo iyes losinagogae ka mabus, ido itorikor akitowuo alokiŋaren ŋikarikok ka ŋikapolok aŋuna kaŋ.

Luk. 22:29

Ikwaŋina eketuruworya Papa kaŋ ayoŋ Ekapolon, eketuruwori ayoŋ iyes daŋ ŋikapolok,

Luk. 6:20

Kiŋolik Yesu ŋikeekasyomak tema, “Irereŋ iyes ŋulu ikulyakaka; Apukan ka Akuj erae ŋina kus!

Luk. 6:22

“Irereŋ iyes ŋina ikiremokinotor iyes ŋituŋa, ikikotasi, ikisolokis ka kirworotor ŋikusirorwa aŋuna a Lokoku a Ituŋanan!

Yoa. 15:20

Totamunito ŋuna adau ayoŋ alimokin iyes atemar, ‘Emam eketiyan ŋolo epol akilo ekeekapolon.’ Ani kekesicanito ikes ayoŋ, epote ikes akisican iyes daŋ; ani kiricakinito ikes ŋakiro kaŋ, iricakinete ŋuna kus daŋ.

Ŋitic. 5:40

Tonyaraut nai ikes Ŋikiyakia tooma, kibuŋata, ido kicikakis nyirwor nabo alokiro a Yesu, tolakakis ikes toloto.

Ŋitic. 8:1

Ayai Saulo nen, kitojokite atwanare a Stepano. Akoloŋit ŋin, tolomu akisicanio ŋina aronon nooi natukot a ŋikanupak a Yesu ŋina ayai Yerusalem. Kielarae ŋikanupak daadaŋ, toloto ikes Yudeya ka Samaria; kidoŋo Ŋikiyakia bon.

2 Ŋikor. 4:17

Anerae ŋican ŋulu ikiryamunit iwon ŋulu esalunete, erae koŋin kisikwaani ka apolou ŋina ajokan nooi ŋina nyesaluni ŋina itemonokinete ŋican ŋul aŋuna yok.

Ŋipil. 1:28

Nyikera ŋiketepegak kus! Toyakatar jik atitinyu, ido itoodiunete ŋun neni kec atemar inyasuni Akuj ikes, nai iiunosi iyes.

2 Tim. 2:12

Ani kikidaŋidaŋ iwon, ikipukae iwon daŋ kaapei ka iŋes. Ani kikipeg iwon atemar ikiyeni iŋes, iŋes daŋ epegi atemar ikiyeni iwon.

2 Tim. 3:11

ŋakisicaneta ŋuna aryamunit ayoŋ ka ŋican kaŋ. Iyeni iyoŋ daadaŋ ŋuna apotu totakanut neni kaŋ alo Antiokio ka alo Ikonio ta alo Listra, ŋakisicaneta ŋuna aronok nooi ŋuna edaŋidaŋi ayoŋ! Nai abu Ekapolon okoiu ayoŋ aneni kec a daadaŋ.

Yak. 1:12

Erereŋ ituŋanan ŋini etitinyikini ŋakikatakineta, anerae kedau iŋes akikatakino, eryamuni ikwa ebokot akiyar ŋina iikinit Akuj ŋituŋa ŋulu eminasi iŋes.

Yak. 5:11

Topupokisi! Ikibala iwon erereŋ ŋulu apotu totitinyikis. Iirasi iyes atitinyikinit ŋina a Yob ka iyenete iyes epite ŋolo abunio Akuj kiterereŋio iŋes ekaku, anerae isyoniono ka etimoono Ekapolon.

1 Yoa. 3:12

Nyikikwaanikin ka Kain ŋolo ariit neni a ŋolo Aronon, ŋolo abu toar lokaato keŋ Abel. Kaanukiro aarya iŋes lokaato keŋ? Anerae aroko ŋiticisyo keŋ ka kiyookino ŋulu a lokaato keŋ.

Akis. 2:10

Nyikuryaniar aŋuna a ŋican a ŋulu eapi iyoŋ aryamun. Topupok! Eapi Satan acunakin ŋice alokidiŋ kus mabus, ikikatak iyes, ido toryamut akisicanio ŋirwa ŋitomon. Torubak ananupit, erae kedolu atwanare daŋ, ido akainakini ayoŋ iyoŋ akiyar, toruwor eropit.