Mat. 4:7 - Ebaibul

⁷ Toboŋok Yesu iŋes tema, “Igiritae nabo ebe, ‘Nyitem Ekapolon Akuj kon.’ ”

Mat. 4:7 Iomraidhean Croise

Ŋikiru. 106:14

Apaki ŋina ayakatar ikes naloŋisat, apotu toyakaunotor ka akiitanit ŋina apolon, ido apotu ikes kitemo Akuj analoŋisat.

Ŋikiru. 78:18

Apotu ikes kiredakis akitem Akuj, iŋitasi ka agogoŋu akimuj ŋina eitanito ikes.

Ŋikiru. 78:41

Apotu ikes toboŋonokis akitem Akuj, kitoŋoa Akuj ŋina Asegan, ŋina a Ŋisirael.

Ŋikiru. 78:56

Nai apotu ikes kitemo Akuj, toŋero Akuj ŋina alokidiama nooi; apotu nyiwuapa ŋakiciketa keŋ.

Ŋikiru. 95:9

neni aponiata ikes eketemo ka ekekatakis ayoŋ, tari ŋina aris keanyuniata ŋuna abu ayoŋ etiya aŋuna kec.

Awos. 17:2

Aŋun, apotu ikes kisiburata Moses a nen temasi neni a Moses, “Inakinae isua ŋakipi tomatae.” Kiŋit Moses ikes tema, “Kaanukiro ikisiburaata iyes ayoŋ? Kaanukiro ikatakinitotor iyes Ekapolon?”

Awos. 17:7

Tolimok Moses ŋirorwa a akibois a ŋin Masa anerae apotu Ŋisirael kisiburata ka kikatakis Ekapolon a nen kiŋita temasi, “Eyai mono Ekapolon kaapei ka iwon, kori mam?”

Isa. 8:20

ka aŋuna ka akitatamya ta ayenunia ŋuna emaikina kitiyae a?” Kire jik ŋituŋa ŋulu irworosi lopite ŋol nyerubakinete eyarete.

Mal. 3:15

Ikwapei tokona ikiteo iwon, erae ŋiketurok ikes elakara; kire ebareneneete ŋituŋa ŋulu itiyaete aronis, itemeneneete tari Akuj, ido erubanakinete eyarete. ”

Ekim. 14:22

mam ituŋanan alotooma ŋituŋa ŋulu eŋolikis akica kaŋ ka ŋakitoodyanakineta ŋuna abu ayoŋ etiya alo Ijipit ka analoŋisat, ido eketemo ayoŋ ŋakitemyeta ŋatomon ka ŋini nyiwuapa ŋakiro kaŋ,

Mat. 21:16

Kiŋita ikes Yesu temasi, “Ipupi iyoŋ ŋakiro ŋuna irworosi ikes a?” Toboŋok Yesu ikes tema, “Apupi. Nyesyoma iyes ŋuna igiritae Nakigireta atemar, ‘Itaanyu iyoŋ ŋidwe ŋulu cicik ka ŋulu enakete akipuro ejok!’ ”

Mat. 21:42

Tolimok Yesu ikes tema, “Nyesyoma iyes ŋuna igiritae Nakigireta atemar, ‘Amoru ŋina koloŋ aŋerete ŋikadukok, iŋes tokona itogogoŋit akai alokoona a? Ekapolon elope etiyae nu, erae ŋakiro nu ŋuna etalakarak ŋuna ikite iwon!’

Mat. 4:10

Tosodi toboŋok Yesu iŋes tema, “Satan tolot! Anerae igiritae Nakigireta ebe, ‘Iryediki iyoŋ kitopoloo Ekapolon Akuj kon, kitiyanak iŋes bon!’ ”

Mat. 4:4

Toboŋok Yesu iŋes tema, “Igiritae Nakigireta ebe, ‘Nyeyari ituŋanan ka akimuj bon, nai ka akirot a daadaŋ a ŋina elomunit anakituk ka Akuj.’ ”

Luk. 4:12

Toboŋok Yesu iŋes tema, “Ebookoi ebe, ‘Nyitem Ekapolon Akuj kon.’ ”

Ŋitic. 15:10

Aŋun, kaanukiro nai ikatakinitotor iyes akitoŋo Akuj alotooma akisiwuok ŋikanupak ŋigogoso ŋulu pa apedorito atapapaa yok kori iwon daŋ akiwuok.

Ŋitic. 5:9

Tolimok Petero iŋes tema, “Kaanukiro iponiata iyoŋ ka lokile kon tocamut akikatakin Etau ŋolo ke Ekapolon? Topupok! Ipupi iyoŋ ŋakejen alopuke a? Erae ŋuna a ŋisorok a ŋulu sek alosito akinuk lokile kon, ikidakarete ikes iyoŋ daŋ kiŋa.”

1 Ŋikor. 10:9

Nyitemokino iwon etemo Ekapolon ikwa etemitotor ŋice kec; aŋun, apotu ŋimuno tomunyasi ikes.

Ŋikis. 6:16

Nyitemo Ekapolon Akuj kus, lopite ŋolo itemitotor iŋes alo Masa.

Ŋibur. 3:9

Apotu ikes ekekatakis ayoŋ anariet, tari daŋ ŋina aanyunitotor ikes ŋikaaticisyo ŋikaru ŋatomoniomwon.