Mat. 4:25 - Ebaibul

²⁵ Kiwuapakis ŋasepico a ŋituŋa ŋuna alalak Yesu, ŋuna aponito alo Galileya, alo Dekapoli, alo Yerusalem, alo Yudaya ka alokekwaye aŋolol Yorodan.

Mat. 4:25 Iomraidhean Croise

Mat. 12:15

Nai aŋuna ayenia Yesu atemar etukosi Ŋiparisayon akiar iŋes, torotok anakwap a ŋin, totupasi ŋasepico ŋuna alalak iŋes. Kitaŋaleu iŋes daadaŋ ŋulu adyakasi,

Mat. 19:2

Kiwuapito iŋes ŋasepico a ŋituŋa ŋuna alalak, kitaŋaleu iŋes ikes aina.

Mat. 4:15

“Akwap ŋina a Sebulon ka akwap ŋina a Naputali, ŋuna iyakasi lorot ŋolo eteni nanam ekekwaye Yorodan, Galileya, akwap a ŋituŋa a ŋulu nyerae Ŋiyudayan!

Mat. 5:1

Ani iŋolikini Yesu ŋasepico a ŋituŋa eponito, todoka kidiama emukura. Ani kiboikin iŋes tocunun ŋikeekasyomak,

Mat. 8:1

Ani edokuni Yesu alomukura, kiwuapakis ŋasepico ŋuna alalak iŋes.

Mar. 5:20

Toboŋo nai iŋes, togeu alimonokin ŋituŋa anakwap a ŋina a ŋitaunio a ŋitomon a ŋina anyaritae Dekapoli ŋakiro ŋuna abu Yesu kitiya neni keŋ, toumokis ŋituŋa daadaŋ.

Mar. 6:2

Ani edoli akoloŋit ŋina a Sabato, kisyak iŋes akitatam alosinagoga. Toumokis ŋikalalak ŋulu apupete ŋakiro keŋ temasi, “Ai keryamunia ekile lo ŋakiro nu daadaŋ? Aniosou na ŋina einakinitae iŋes? Tari ŋiticisyo ŋulu ka akujuwuanut, itiyae iŋes.

Mar. 7:31

Torotok Yesu nabo alokukoru a Tiro, kitor Sidon tari nanam ŋina a Galileya ka nakwap ŋina a ŋitaunio a ŋitomon, ŋina anyaritae Dekapoli.

Luk. 6:17

Ani edokunete Yesu ka ikes alomukura, towua ikes aneni alapatan ta asepic ŋina a ŋikewuapak keŋ ka asepic a ŋituŋa a ŋulu aponito alo Yudaya, Yerusalem, alo Tiro ka Sidon, ŋuna edunyito anam;

Luk. 6:19

Acamito ŋituŋa daadaŋ akitap iŋes, anerae ayai apedor neni keŋ ŋina etaŋaleuni ikes daadaŋ.