Mat. 4:24 - Ebaibul

²⁴ Tokeikin ŋakiro keŋ nakwap a Siria daadaŋ. Yaut ŋituŋa neni keŋ ŋikadyakak daadaŋ ŋulu adyakasi ŋidekesyo ŋulu agelegelya: ŋulu ekamunito ŋipyan, ŋulu erakanarosi ka ŋulu aŋwalak, kitaŋaleu Yesu ikes daadaŋ.

Mat. 4:24 Iomraidhean Croise

2 Sam. 8:6

Kisiboik nai Daudi ŋasigarya keŋ Damasko, nakwap a Ŋiarameani; ido apotu Ŋiarameani toruworos ŋulu epukat Daudi, kisyakis akitac ocur neni a Daudi. Abu Ekapolon inak Daudi akilounun ŋimoe keŋ aneni daadaŋ abunio iŋes kitijikinio ikes.

1 Ŋirw. 10:1

Ani iirari arwosit ŋina alo Seba arwonu a Solomon, (arwon ŋina araakar ekiro ke Ekapolon eturuunit iŋes), abu arwosit ŋin bu akikatakin Solomon a ŋakiŋiseta a ŋuna atyoko.

1 Ŋirw. 4:31

Aos iŋes akilo ŋikilyok daadaŋ, aos akilo Esan ŋolo arae Esirait, Eman, Kalikol, Darida ka ŋidwe a Maol ŋulusapa. Toru ekiro a Solomon anakwapin a daadaŋ a ŋuna edunyatar iŋes.

1 Ŋakiro a ŋirwa 14:17

Abu nai arwonu a Daudi todol nakwapin daadaŋ, ido abu Ekapolon inak akuryanu nakwapin daadaŋ aŋuna a Daudi.

1 Ŋakiro a ŋirwa 29:2

Adau ayoŋ akitemonokin ŋiboro aŋuna ka Akai ka Akuj kaŋ, alotooma epite ŋolo abunio opedorya aryamun: Egolid ŋolo itiyaunere ŋiboro ŋulu itiyaunitae a egolid, esilipa ŋolo itiyaunitae ŋiboro ŋulu itiyaunitae a esilipa, eburonis ŋolo itiyaunere ŋiboro ŋulu itiyaunitae a eburonis, ŋasuwa ŋuna itiyaunere ŋiboro ŋulu itiyaunetae a ŋasuwa, ŋakito ŋuna itiyaunere ŋiboro ŋulu itiyaunitae a ŋakito, eyakasi daŋ lu ŋulu alalak nooi: Ŋamoru ŋuna areŋak-pusiyek ŋuna enyaritae Oniks, ŋamoru ŋunakisyakinet aduketait, ŋamoru ŋuna inyalal ŋiraŋgi ŋuna enyaritae Yasiper, ŋamoru ŋuna egelegelya ŋiraŋgi ka ŋikabilae a ŋamoru a daadaŋ ta ŋamoru ŋuna alalak nooi ŋuna iceo ŋiboro.

Awos. 15:26

tema, “Ani kiwuapa iyes ejok ŋuna irworo Ekapolon Akuj kus, ido kitiyata ŋuna iyookino alokiŋaren kaŋ, totamunito nooi akiwuapit ŋakiciketa ka ŋikisila kaŋ daadaŋ, nyayauni ayoŋ neni kus adio a ŋakisicaneta a ŋuna abu ayoŋ esicania Ŋijipitian, anerae arae ayoŋ Ekapolon ŋolo eketaŋaleununui iyes.”

Mat. 12:22

Yaut ŋituŋa neni a Yesu ekile ŋolo amudukana ka pa erworo, anerae ekamunito ŋipyan iŋes. Kitaŋaleu Yesu iŋes, tosodi kirworik ka tokienyu daŋ.

Mat. 14:1

Apaki ŋin, topup erwosit Erode ŋakiro ŋuna epuritotor ŋituŋa Yesu.

Mat. 15:22

Bu aberu ŋina arae Akananait ŋina ayai nakwap ŋin, kimaima Yesu tema, “Ekapolon, Lokoku a Daudi! Kisyoni ayoŋ! Edyaka nakoku kaŋ, ikamunit ekipye iŋes!”

Mat. 17:15

“Ekapolon, kisyoni lokoku kaŋ, anerae ikamunit ekipye iŋes ka isicanit nooi, imasanakin nakim ka nakipi daŋ.

Mat. 17:18

Kiŋenyak Yesu ekipye alodya, tolomu, toŋaleu edya atipei.

Mat. 4:23

Tolot Yesu kirimo Galileya daadaŋ itatami alosinagogae kec ka tolimonokini Ŋakiro ŋuna Ajokak ŋuna ka Apukan ka Akuj, kitaŋaleununuye ŋituŋa alodekesyo a daadaŋ.

Mat. 8:28

Ani edokari Yesu ekekwaye anam, nakwap ŋina a Ŋigadara, kiryamunos iŋes ka ŋikilyok ŋiarei ŋulu apote analyalin ŋulu ekamunito ŋipyan. Etededeŋito ŋipyan ikes nooi. Aŋun, amam ituŋanan etorenene lorot ŋol.

Mat. 8:33

Toema ŋikeyokok ŋulu a ŋipegei nariet, toloto lotaun tolimosi ŋakiro daadaŋ ŋuna apotu totakanikis lopegei ka lokilyok ŋulu ekamunito ŋipyan.

Mat. 8:6

“Ekapolon, eperi eketiyan kaŋ alore ka eryeba nooi.”

Mat. 9:26

Tokeikin ŋakiro ŋun akwap ŋin daadaŋ.

Mat. 9:35

Tolot Yesu lotaunio ka lorerya itatami ŋituŋa alosinagogae; tolimonokini ikes Ŋakiro ŋuna Ajokak ŋuna ka Apukan a ŋina anakuj. Kitaŋaleununu ŋituŋa alodekesyo a daadaŋ ka tolema apalagu daadaŋ.

Mar. 1:28

Kielakin atipei ŋakiro a Yesu akwap daadaŋ ŋina edunyatar Galileya.

Mar. 1:32

Ataboŋ ŋin edoiyori akoloŋ, yaut ŋituŋa ŋikadyakak ŋulu ekamunito ŋipyan neni a Yesu.

Mar. 2:3

Kilepuleput ŋituŋa ŋiomwon ekile ŋolo alilimiyorito ŋakoyo ka akuwan neni a Yesu.

Mar. 2:4

Nyepedosi ikes adolyo iŋes neni keŋ, aŋuna amamukar neni kitoro. Todokasi kidiama akai, toketasi alowae a ŋolo ayai Yesu, kiyooliyosi nai iŋes tooma.

Mar. 2:9

Nyo epatana, atemar neni ke ekaŋwalan, ‘Esyoni ŋakonisecisya’, kori atemar, ‘Tonyou, tolema akonidaket, tolot?’

Luk. 2:2

Arae ŋin akigiro ŋina esyaunan ŋirwa ŋulu araakar Kurino ekepukan ŋolo a Siria.

Luk. 4:14

Toboŋo Yesu Galileya ileleba apedor ke Etau a ŋolo Asegan neni keŋ, tokeikin ŋakiro keŋ nakwap ŋin daadaŋ.

Luk. 4:38

Tonyou Yesu alosinagoga, tolot kai a Simoni. Ekamunit elekes nakamuran a Simoni nooi, ido aponi tolimokinae Yesu ŋakiro ka adyak keŋ.

Luk. 5:15

Nai apotu ŋituŋa togeut akirworor Yesu nooi; aŋun, potu ŋasepico a ŋituŋa neni keŋ akiirar ŋakiro ka akitaŋaleuno alodekesyo kec.

Luk. 5:24

Nai acamit ayoŋ iyes toyenut atemar, eyakar Lokoku a Ituŋanan apedor ŋinakisyoniyet ŋasecisya anakwap.” Tolimok iŋes ekaŋwalan tema, “Akalimokini ayoŋ iyoŋ atemar, tonyou, tolema akoniperyet, tolot lore!”

Luk. 7:17

Tokeikinos ŋakiro ŋun Yudaya daadaŋ ka ŋakwapin ŋuna alodiyete keŋ.

Yoa. 10:21

Nai temasi ŋice, “Kire, nyepedori ituŋanan ŋini eyai ekipye neni keŋ, erwor ikona. Epedori ekipye akitekienyun emudukanot a?”

Ŋitic. 10:38

Iyenete iyes epite ŋolo aseunia Akuj Yesu ŋolo a Nasaret, inak Etau keŋ ka apedor. Abu iŋes kirim itiyae ŋuna ajokak ka kitaŋaleununu ŋulu daadaŋ ayakasi napedor ŋina a Satan, anerae arukito Akuj ka iŋes.

Ŋitic. 15:23

Inakinae ikes akiya abaruwa ŋina abala ne: “Isua Ŋikiyakia ka ŋikatukok ŋulu ikirae ŋikaitotoi kus, ikimalat iyes ŋikanupak daadaŋ ŋulu nyirae Ŋiyudayan ŋulu iyakasi Antiokio, Siria ka Cilicia.

Ŋitic. 15:41

Kirimo iŋes Siria ka Cilicia, kitogogoŋ ŋatukon ŋuna a ŋikanupak.

Ŋitic. 28:9

Ani itiyakinosi ŋun, potu ŋikadyakak ŋuluce daŋ ŋulu ayakasi loculat ŋol, kitaŋaleunoe.

Ŋitic. 8:7

Anerae apotu ŋipyan tolomut alotuŋa a ŋulu alalak iworoete nooi a etoil a ŋolo apolon; kitaŋaleunoe ŋulu alalak ŋulu alilim ŋakoyo ka ŋawat ka ŋulu aŋwalito.

Yos. 6:27

Aŋun, arukito Ekapolon ka Yosua ka abu arwonu keŋ kielakin akwap ŋin daadaŋ.