Mat. 4:2 - Ebaibul

² Kiriya Yesu eronit ŋapaarasya ka ŋakuwarisya ŋatomoniomwon, ani ekaku tonyam akoro.

Mat. 4:2 Iomraidhean Croise

1 Ŋirw. 19:8

Tonyou iŋes kimuj, ido tomat, torotok nai keryamu agogoŋu kedau akimuj. Torubak iŋes elosi alorot ŋapaarasya ŋatomoniomwon ka ŋakuwarisya ŋatomoniomwon, akitodol ŋina adolio iŋes Oreb, lomoru ŋolo ke Ekapolon.

Awos. 24:18

Toloma nai Moses tooma lodou apaki ŋina adokarya kidiama emoru. Kiboi Moses alomoru ŋapaarasya ŋatomoniomwon ka ŋakuwarisya ŋatomoniomwon.

Awos. 34:28

Abu Moses kiboiyoto ke Ekapolon alokidiama emoru ŋapaarasya ŋatomoniomwon ka ŋakuwarisya ŋatomoniomwon emam akimuj imuji, kori ŋakipi emasi. Abu Moses kigir namoru ŋunadapal ŋun ŋakiro ŋuna ka Acamunet, ikes Ŋakiciketa ŋunatomon.

Mat. 21:18

Ani taparacu eboŋori Yesu lotaun, tonyam akoro iŋes.

Mat. 25:35

Anerae akanyamit ayoŋ akoro, ipotu iyes ikiinakis ayoŋ akimuj. Akanyamit ayoŋ akure, ipotu iyes ikitamat ayoŋ. Agelaana ayoŋ, ipotu iyes ikijaut ayoŋ.

Mat. 25:42

Anerae akanyamit ayoŋ akoro, nai nyikisimuja iyes ayoŋ; akanyamit akure, nai nyikitamat iyes ayoŋ.

Mar. 11:12

Ani iwalari, toboŋut ikes alo Betania, tonyam Yesu akoro.

Luk. 4:2

kiboi aina ŋirwa ŋatomoniomwon, kitem Satan iŋes. Kiriya iŋes ŋirwa ŋul daadaŋ nyimuja, tonyam nai akoro.

Yoa. 4:6

Ayai nen akare a Yakobo, kiboikin Yesu diyete akare aŋuna aupitor iŋes analosit keŋ. Aapiyarit ŋisaae ŋikanikapei ŋulu ka apaaran.

Ŋikis. 18:18

Aseuni ayoŋ alokidiŋ kec ka aŋuna kec ekadwaran ŋolo ikwaan ka iyoŋ; alimokini ayoŋ ekadwaran ŋol ŋakiro kaŋ ka ebuni iŋes alimokin ikes ŋakiro daadaŋ ŋuna alimokini ayoŋ iŋes.

Ŋikis. 9:18

Ekaku abu ayoŋ aramakin kwap elip neni a Ekapolon lopite ŋolopei sek etiyator ŋapaarasya ŋatomoniomwon ka ŋakuwarisya ŋatomoniomwon, abu ayoŋ nyemuj adio kimuj, kori nyamat ŋadikipi aŋuna a ŋasecisya a daadaŋ aŋuna ipotu iyes kitiyata, kitoŋoa Ekapolon aŋuna itiyaata ŋuna aronok neni keŋ.

Ŋikis. 9:25

Ŋapaarasya ŋatomoniomwon ka ŋakuwarisya ŋatomoniomwon ŋuna aperyo ayoŋ alokwap adyekit Ekapolon aŋuna kus, anerae aris iŋes ketubu amunyar iyes,

Ŋikis. 9:9

Apaki ŋina alosyo ayoŋ moru akijaun ŋamoru ŋunaarei ŋunadapal, ŋamoru ŋuna egiritae Acamunet ŋina icamunotor iyes ka Ekapolon, abu ayoŋ eboi alomoru ŋapaarasya ŋatomoniomwon ka ŋakuwarisya ŋatomoniomwon; nyimuja ayoŋ akimuj adio, kori nyemata ayoŋ ŋakipi ŋadi.