Mat. 4:16 - Ebaibul

¹⁶ Aanyuwasi ŋituŋa ŋulu eboiyete anakiryonut akica ŋina apolon, tari ŋulu eboiyete alotorube a ŋolo ka atwanare, enuaku akica ikes.”

Mat. 4:16 Iomraidhean Croise

Yob 10:22

nakwap ŋina ka akiyaloloŋ ka ŋina eyai egurigur, neni emam akica, neni erae akiryonut bon ileleba.”

Yob 3:5

Elipi toruwor akoloŋit ŋin ŋina ka akiyaloloŋ ka ŋina iryonia akwap cuc, elipi torapuwasi ŋidouwon akwap akoloŋit ŋin; elipi toyakaun akiryonut ŋina etubulon akoloŋit ŋin.

Yob 34:22

Emam neni iryono cuc, kori auwuat ŋina iryono cuc, neni epedoryata ŋulu itiyaete aronis a ŋopya.

Ŋikiru. 44:19

Nai ikiesik iyoŋ isua ikwa ŋamesekin ŋuna imyekinitae aneni eya ŋikweei, ikiesik iyoŋ isua anakiryonut a ŋina iryono cuc.

Isa. 9:1

Kikote neni daŋ, nyeyakaun akiyaloloŋ neni a ŋulu sek eryebasi. Alorwa a ŋulu a ekiŋaren aponi tojamuwarae ŋituŋa a akwap a Sebulon ka ŋulu a akwap a Naputali, nai alorwa a ŋulu eponito itopolooryo Galileya akwap ŋina a ŋituŋa a ŋakwapin. Epoloor iŋes aŋuna ke erot a ŋolo itorunit diyete anam Mediteranian ka aŋuna ke erot a ŋolo alokekwaye Yorodan.

Isa. 9:2

Eŋolikis ŋituŋa ŋulu sek ayakasi nakiryonut akica ŋina apolon. Acaiki akica ŋituŋa ŋulu sek eboiyete anakiryonut a ŋinakiryonon cuc.

Yer. 13:16

Kitopoloosi Ekapolon Akuj kus eriŋa iŋes nyeyauna akiryonut nyikigukinia iyes alomoru apaki ŋina edoiyorya akoloŋ, kiirasi ŋakiro keŋ eriŋa iŋes nyelemara akica ŋina iitanito iyes eriŋa iŋes nyeyauna akiryonut ŋina alalan.

Amos 5:8

Ekapolon Akuj iŋes asubuni ŋikacer ŋuluuni ka ŋulu enyaritae ŋiremotom, iŋes ilocokini akuwar toruwor apaaran ka akuwar toruwor apaaran, iŋes iteleleiyari ŋakipi ananam neni eonit,

Mika 7:8

Okoe iyes ŋimoe kaŋ, nyilelyana aŋuna ka akiloun ayoŋ; ani apapanuni ayoŋ, aryamuni nabo agogoŋu, ani amini ayoŋ nakiryonut, Ekapolon eruwor akica kaŋ.

Luk. 2:32

Akica ŋina ecaikini lobukui ŋulu nyerae Ŋiyudayan, ka ŋina erae akipuro ŋina a ŋituŋa kon Isirael.”