Mat. 3:8 - Ebaibul

⁸ Kitiyata ŋiticisyo ŋulu itoodiunete atemar ikiwa iyes kire ŋasecisya kus.

Mat. 3:8 Iomraidhean Croise

Yer. 26:13

Aŋun tokona, kilocokisi ŋipitesyo kus ka ŋiticisyo kus, ido kiwuapa ŋakiro ŋuna irworo Ekapolon Akuj kus, tosodi ebuni Ekapolon akilocokin ŋatameta keŋ, nyeyau neni kus akisicanet ŋina adau iŋes alimun aŋuna kus.

Yer. 36:3

Acepaki ani kiirasi ŋituŋa a Yudaya ŋakiro ŋuna a ŋican a ŋulu a acamit ayoŋ ainakin ikes, epedorete ikes akimyekin ŋipitesyo kec ŋulu aronok, ikotere ayoŋ esyoni ikes aŋuna ka aronis kec ka aŋuna ka asecit kec.”

Mat. 21:32

Anerae abu Yoana Ekebatisan bu neni kus akitoodikin iyes erot ŋolo itemokino iyes kiwuapa, ipotu iyes nyinupa ŋakiro keŋ. Nai apotu ŋikerirak ocur ka ŋamalaae tonupa ŋakiro keŋ. Tari kidaut iyes aanyuwar ŋakiro ŋun, ipotu nyikiwa alotai kus tonupa iŋes.

Luk. 3:8

Kitiyata ŋiticisyo ŋulu itoodiunete atemar ikiwa iyes kire ŋasecisya kus. Tojoŋoto atemar alotai kus erae Aburaam papa kus. Akalimokini ayoŋ iyes atemar, epedori Akuj akilocokin ŋamoru nu toruworos ŋidwe ŋulu ka Aburaam!

Ŋitic. 26:20

Nai abu esileereu nu, neni a ŋituŋa a daadaŋ akisyakin mono alo Damasko, tosodi nai alo Yerusalem ka akwap daadaŋ ŋina a Yudeya tari lobukui ŋulu nyerae Ŋiyudayan. Abu olimonok atemar itemokino ikes tokiwa ŋakecesecisya kibelekinos neni ka Akuj, kitiyata ŋuna itoodiunete atemar kekiwa ikes.

Ŋiep. 5:8

Iyakasi paaran sek iyes nakiryonut, nai aŋuna ka akimorikina kus ka Ekapolon, iyakasi tokona iyes nakica. Aŋun, itemokino iyes kiboiyete ikwa ŋituŋa ŋulu erae ŋulu ka akica,

Ŋiep. 5:9

anerae eyauni akica nu erae arait: ajokis, akiyookino ka akirworo ŋuna a kire.

Ŋipil. 1:11

Ilelebun nai akiyar kus arait ŋina ebunit anakiyookino kus alokiŋaren Akuj, ŋina erae Yesu Kristo bon eyauni, aŋuna ka akitopoloor ka akipur Akuj.