Mat. 3:6 - Ebaibul

⁶ ido kibatisa Yoana ikes anaŋolol alo Yorodan kedaut alimonor ŋasecisya kec.

Mat. 3:6 Iomraidhean Croise

Esir 10:1

Ani eriŋa Esira ilipi elimonori ŋasecisya ŋun kigworo ecakanakin kwap alokiŋaren Akai ka Akuj, tocunun neni ayai Esira Ŋisirael ŋulu alalak nooi: Ŋikilyok, ŋaberu ka ŋidwe, apotu ŋituŋa ŋul daŋ kigworo nooi.

Ŋikiru. 32:5

Abu nai ayoŋ ocamu asecit kaŋ aneni kon, abu nyemunon aronis kaŋ. Abu otema “Alimori ayoŋ aronis kaŋ neni ke Ekapolon,” ido ibu iyoŋ ikisyoni ayoŋ akiilit a ŋina ka asecit kaŋ.

Ŋakit. 28:13

Ani kimunon ituŋanan ŋasecisya keŋ, nyeryamuni akiyar ŋina ajokan, nai ituŋanan daadaŋ ŋini elimori, ido toki ŋasecisya keŋ, eryamuni akisyonio.

Esek. 36:25

Akawuatakini ayoŋ iyes ŋakipi ŋuna aliwak, ido italeunosi iyes anakiro a ŋuna aronok a daadaŋ ka eketaleuni ayoŋ iyes anakujo kus a daadaŋ.

Dan. 9:4

Abu ayoŋ elip neni a Ekapolon Akuj kaŋ ka abu olimo ŋasecisya kaŋ otema, “Okoe Ekapolon, ipol iyoŋ nooi ka irae Akuj ŋina etubulon, ŋina iricit acamunet kon ka ŋituŋa ka ŋina iyakar amina ŋina nyiryaŋiryaŋa neni a ŋulu ikiminasi iyoŋ ka iwuapito ŋakiciketa kon,

Ŋilep. 16:21

Kidokok ŋakan keŋ nakou a ekoroe a ŋol, kirwor neni a ekoroe a ŋol aronis daadaŋ ka aŋecanut ta ŋasecisya a Ŋisirael daadaŋ, kimyek pena nakou a ekoroe, ido nai tolemu ituŋanan tomyaa ekoroe ŋol nariet.

Ŋilep. 26:40

“‘Nai ani kelimosi ikes ŋasecisya kec ka ŋuna atapapaa kec, ŋuna aponiata ikes eketepegeta ayoŋ ka okoŋero ayoŋ,

Ekim. 5:7

Emaikina iŋes toki asecit ŋina adau iŋes akisec ka totac ibore daadaŋ ŋini emaikina iŋes totac aŋuna ka asecit keŋ, ido kiyatak nabo apeitutubet alotooma ŋikan alotacit a ŋol, inak nai neni a ituŋanan a ŋini asecitae aneni keŋ.

Mat. 3:11

“Kire ekebatisae ayoŋ iyes a ŋakipi a ŋuna ka akiki, nai ŋolo ebunit alokaku kaŋ, epol iŋes akilo ayoŋ, nyitemokino ayoŋ akikod tari ŋamuk keŋ. Iŋes ikibatisae iyes a Etau a ŋolo Asegan ka akim.

Mar. 1:5

Toloto neni a Yoana ŋituŋa daadaŋ ŋulu a Yudeya ka Yerusalem; ani kedaut ikes akiki ŋakecesecisya, kibatisa iŋes ikes anaŋolol a ŋina anyaritae Yorodan.

Luk. 1:16

Inyakuni iŋes ŋituŋa ŋulu alalak ŋulu a Isirael neni ke Ekapolon Akuj kec.

Luk. 3:16

Toboŋok Yoana ikes daadaŋ tema, “Kire ekebatisae ayoŋ iyes a ŋakipi, nai ebunit ŋolo ekeloit ayoŋ ŋolo nyapedori ayoŋ tari alacakin ŋakeemuk. Ikibatisae iŋes iyes a Etau a ŋolo Asegan ka akim.

Ŋitic. 1:5

Anerae ebatisae Yoana a ŋakipi, nai alorwa a ŋidi a ŋulu alokiŋaren, ikibatisao iyes a Etau a ŋolo Asegan.”

Ŋitic. 11:16

Otamu nai ayoŋ ŋakiro ŋuna ke Ekapolon ŋina abaakar, ‘Abu Yoana kibatisa a ŋakipi, nai ikibatisao iyes a Etau a ŋolo Asegan.’

Ŋitic. 19:18

Apotu ŋikanupak ŋulu alalak tolimonosi alokiŋaren ŋituŋa ŋakiro ŋuna aronok, ŋuna sek keris ikes kitiyata.

Ŋitic. 22:16

Nyo nai tokona eriŋa iyoŋ idarit? Tonyou, ikibatisae ka kilip alokiro a Yesu, ido kisyoni ŋasecisya kon.’

1 Ŋikor. 10:2

Aponi kibatisae ikes daadaŋ ananam eriŋa edou imukorit ikes, toruworos ŋikewuapak a Moses.

Ŋikol. 2:12

Anerae apaki ŋina ikibatisaere iyes, aponi itonuki iyes ka Kristo ka alobatisimu a ŋolopei, aponi ikiteyarun iyes ka Kristo aŋuna ka anupit kus a ŋina iyakatar iyes anapedor a ŋina ka Akuj, a ŋina abu kiteyaru Kristo alokatwak.

Ŋibur. 6:2

akitatam ŋakiro ŋuna a ŋibatisimui, ŋuna ka akidokonokin ŋakan, ŋuna ka ayarun a ŋikatwak ka ŋuna ka atubokino a ŋina nyedaun.

Ŋibur. 9:10

anerae etapito ikes ŋitalyo ŋulu italeunitere akuwan bon ikwa ŋamuja ka ibore ŋini emasyo ta ŋace ŋuna alalak ŋuna emookere ŋitalyo. Nai edaunosi ŋun apaki ŋina isyakinia Akuj akituruwor ŋinibore ŋini ekitetyana.

Yak. 5:16

Aŋun, tolimonokinos ŋasecisya kus make ka kilipanakinos make, ikotere ikitaŋaleunio. Akilip ŋina a ituŋanan a ŋini iyookino, eyai apedor ŋinakitiyaet ŋuna apolok.

Yos. 7:19

Tema Yosua neni ka Akan, “Lokoku, kitopoloo Ekapolon ŋolo erae Akuj a Ŋisirael, tolimok iŋes asecit kon. Tolimokinae ayoŋ ŋakiro ŋuna itiyat iyoŋ. Nyiwua ŋakiro ŋun aneni kaŋ.”

1 Pet. 3:21

Erae ŋakipi ŋun akitaanyikinet, ŋina ka akibatisao a ŋina tokona ikiununui iyes. Nyerae iŋes alemaret elos ŋolo eyai nakuwan, nai erae adyekit Akuj akitesegun ŋatameta yok, alotooma ayarun ŋina a Yesu Kristo,

1 Yoa. 1:9

Nai ani kikilimo iwon ŋasecisya yok, isyoni Akuj ŋasecisya yok, ikitesegu iwon alopitesyo a ŋulu aronok a daadaŋ; anerae nyiloconokini iŋes ŋuna alimu ka iyookino.