Mat. 3:2 - Ebaibul

² ebala, “Kibelekinos anasecisya kus, anerae aapuu Apukan ŋina anakuj!”

Mat. 3:2 Iomraidhean Croise

1 Ŋirw. 8:47

ani nai ketamut ikes anakwap a ŋina erikoryo ŋuna kepotu kitiyata, ido tokiwa, todyekanaros neni kon anakwap a ŋulu erikorete ikes, temasi ‘Ikisec isua ka ikitiya ŋuna nyiyookino; ikitiya isua ŋuna a ŋileec;’

Yob 39:12

Iyakar iyoŋ anupit ŋina ka atemar eboŋuni emoŋ ŋol neni kon ka iriuni ŋikinyom kon nalos a?

Yob 42:6

Aŋun, ajamuwar ayoŋ bon aŋuna a ŋakiro kaŋ, ido akii ewuakinit apuwa ka ekuron nakuwan kaŋ.”

Esek. 33:11

Tolimok Ŋisirael atemar, ebala Ekapolon Akuj ebe, Ikwapei ayarya ayoŋ, nyalakara ayoŋ etwani ituŋanan toriŋa eyai naronis, nai emaikina ŋini eyai naronis toŋer akiwuapit ŋuna aronok, ido toyar. Toŋero, toŋero akiwuapit ŋuna aronok! Okoe Ŋisirael, kaanukiro icamitotor iyes atwakare?

Dan. 2:44

Alorwa a ŋirwosi a ŋul, iwuakini Akuj ŋina anakuj apukan ŋina nyepedoryo alemar, kori nyeinakinio apukan ŋin neni a ŋituŋa a ŋice. Emunyari apukan ŋin ŋapukasinei ŋunace daadaŋ kitasalu, ido erubakini iŋes ŋikaru ka ŋikaru.

Mat. 10:7

Toloto kitatama ikes ibasi, ‘Aapuu Apukan ŋina anakuj!’

Mat. 11:20

Kisyak Yesu akisibura ŋituŋa alotaunio a ŋulu aris sek iŋes kitiyaa ŋakujuwuanisya keŋ ŋuna alalak, anerae apotu ikes nyekiwa ŋasecisya kec.

Mat. 12:41

Akoloŋit ŋina ka atubokino, enyounete ŋituŋa ŋulu a Ninepe atubokin iyes, anerae apotu ikes tokiwa ŋakecesecisya iirarete ŋakiro a Yona; nai eyai ne ŋolo epol akilo Yona.

Mat. 13:11

Toboŋok Yesu ikes tema, “Ikiinakinitae iyes ayenut ŋuna imunono ŋuna ka Apukan a ŋina anakuj, nai nyeinakinitae ikes.

Mat. 13:24

Tolimok nabo Yesu ikes akitadapet ace tema, “Ikoni Apukan ŋina anakuj ituŋanan ŋini keekini ŋimomwa ŋulu ajokak lomanikor keŋ.

Mat. 13:31

Tolimok Yesu ikes akitadapet ace tema, “Ikoni Apukan ŋina anakuj icokit ŋini ikoni ŋini ke ebobore, ŋini abu ituŋanan todupak lomanikor keŋ.

Mat. 13:33

Tolimok Yesu ikes akitadapet ace tema, “Ikoni Apukan ŋina anakuj ŋakinyalet ŋuna abu aberu tolemu, kinyalak ka ŋakirya ŋuna adolito ŋidepei ŋiarei, tomurak akitodol ŋina abuunioto daadaŋ.”

Mat. 13:47

“Ikoni nabo Apukan ŋina anakuj atibait ŋina aponi tocakakinae nanam, kirirau ŋikolya ŋulu agelegelya.

Mat. 13:52

Tolimok Yesu ikes tema, “Itoodiunito ŋakiro ŋun atemar eketataman a Ŋikisila ŋolo itatamitae aŋuna ka Apukan a ŋina anakuj, ikoni elope a akai ŋolo itoodiuni anabaru keŋ ŋiboro ŋulu kitet ka ŋulu ŋorok.”

Mat. 18:23

Anerae ikoni Apukan ŋina anakuj ne, ayai erwosit ŋolo acamit aanyun ŋamicae keŋ ŋuna ayakatar ŋiketiyak keŋ.

Mat. 20:1

“Ikoni Apukan ŋina anakuj ekapolon ŋolo abu kisyokak taparacu anyaraun ŋituŋa ŋulutacan akitiya lomanikor keŋ ŋolo ke epiini.

Mat. 22:2

“Ikoni Apukan ŋina anakuj ne; ayai erwosit ŋolo abu kitemonok ŋasuban ŋuna ke ekiitanu alokoku keŋ.

Mat. 23:13

“Nai ekaŋ iyes ŋiketatamak a Ŋikisila ka Ŋiparisayon! Ŋikaŋisoswae! Igolokis iyes ekek ŋolo ka Apukan a ŋina anakuj alokiŋaren ŋituŋa, anerae nyilomarete iyes ŋilopeyek ka iretakis ŋulu acamito alomar tooma. [

Mat. 25:1

“Ikoni Apukan ŋina anakuj ŋapesur ŋunatomon, ŋuna alemunete ŋitaae kec toloto akisiryam ekeitan.

Mat. 25:14

“Ikote ŋakiro nu ekile epei ŋolo ani eriŋa nyerotokino neni alwanan, abu tonyara ŋiketiyak keŋ daadaŋ kicikak ikes akiuryar ebari keŋ.

Mat. 4:17

Ŋinapei ŋina, kisyak Yesu alimonokin ebala, “Kibelekinos anasecisya kus, anerae aapuu Apukan ŋina anakuj.”

Mat. 4:23

Tolot Yesu kirimo Galileya daadaŋ itatami alosinagogae kec ka tolimonokini Ŋakiro ŋuna Ajokak ŋuna ka Apukan ka Akuj, kitaŋaleununuye ŋituŋa alodekesyo a daadaŋ.

Mat. 5:10

Erereŋ ŋulu isicanitae aŋuna ka akiyookino; erae Apukan ŋina anakuj ŋina kec.

Mat. 5:3

“Erereŋ ŋulu eyenete atemar ekulyakaka ŋitai kec alokiŋaren Akuj; erae ajakaanut ŋina anakuj ŋina kec.

Mat. 6:10

Akonipukan bu. Kitiyae acamit kon alokwap, ikwaŋina itiyaere anakuj.

Mat. 6:33

Nai kiwara mono Apukan ŋina anakuj ka akiyookino ŋina ka Akuj, toruworos nai ŋiboro ŋul daadaŋ ŋulu kus.

Mar. 1:15

ebala, “Adolu apaki, aapuu Apukan ka Akuj. Tokiwa ŋasecisya kus, tonupa Ŋakiro ŋuna Ajokak!”

Mar. 1:4

Tolot Yoana Ekebatisan naloŋisat akitatam ka akibatis, ebala, “Tokiwa ŋasecisya kus, ikotere ikisyoni iyes Akuj.”

Mar. 6:12

Toloto ikes kitatama ŋituŋa akiki ŋasecisya kec.

Luk. 1:16

Inyakuni iŋes ŋituŋa ŋulu alalak ŋulu a Isirael neni ke Ekapolon Akuj kec.

Luk. 11:20

Nai ani keritanari ayoŋ ŋipyan ka apedor a ŋina ka Akuj, akeepolou iŋes atemar abu Apukan ka Akuj neni kus.

Luk. 13:3

Nyikote neni! Nai akalimokini ayoŋ iyes atemar, ani pa kikiwa iyes ŋasecisya kus, itwakete iyes daŋ ikwa ikes.

Luk. 13:5

Nyikote neni! Nai akalimokini ayoŋ iyes atemar, ani pa kikiwa iyes ŋasecisya kus, itwakete iyes daŋ ikwa ikes.”

Luk. 15:10

Ikwaŋinapei, akalimokini ayoŋ iyes atemar, elelyanete ŋimalaikan ŋulu ka Akuj ikotere epeikasecan ŋolo ekii ŋasecisya keŋ.”

Luk. 15:7

Ikwaŋinapei, akalimokini ayoŋ iyes atemar, eyakaun alelyan nakuj aŋuna ke ekasecan a epei a ŋolo ekii ŋasecisya keŋ, akilo ŋuluce ŋulu tomonikanikaomwon ka ŋikanikaomwon ŋulu ajokak, ŋulu nyiitanito akiki ŋasecisya kec.

Luk. 16:30

Toboŋok ekabaran ŋol tema, ‘Papa Aburaam, nyitemokino ŋuna; nai ani kelot ituŋanan idio ŋini ayaru alokatwak neni kec, kire ekiyete ikes asecenen.’

Luk. 21:31

Ikwaŋinapei, ani iŋolikinete iyes ŋun itiyakin, toanyutu atemar aapuu Apukan ka Akuj adolun.

Luk. 24:47

Itemokino kitatamae akiki ka akisyon ŋasecisya lobukui daadaŋ alokiro keŋ, akisyakin alo Yerusalem.

Luk. 6:20

Kiŋolik Yesu ŋikeekasyomak tema, “Irereŋ iyes ŋulu ikulyakaka; Apukan ka Akuj erae ŋina kus!

Luk. 9:2

Kiyakiya ikes akisera ŋakiro ŋuna ka Apukan ka Akuj ka akitaŋaleunun.

Ŋitic. 11:18

Ani iirarete ikes ŋun, tojoŋoto apega. Kipuro Akuj temasi, “Ainaki nai Akuj ŋulu nyerae Ŋiyudayan daŋ apaki ŋina ekiyata, toyara!”

Ŋitic. 17:30

Akitodol apaki na, abu Akuj nyimaraki ŋapakio ŋuna pa ayeniata ŋituŋa iŋes, nai tokona ecikak ŋituŋa anakwapin a daadaŋ akibelekin neni keŋ.

Ŋitic. 2:38

Tolimok Petero ikes tema, “Tokiwa ŋasecisya kus, kibatisae ŋinituŋanan alokidiŋ kus alokiro a Yesu Kristo, ikotere isyoniyo ŋasecisya; ido toryamut ainakinet ŋina ka Akuj--Etau ŋolo Asegan.

Ŋitic. 20:21

Abu ayoŋ eteyenik Ŋiyudayan ka Ŋigirik daŋ atemar etemokino ikes tokiwa ŋasecisya kec alokiŋaren Akuj ka tonupa Ekapolon yok Yesu Kristo.

Ŋitic. 26:20

Nai abu esileereu nu, neni a ŋituŋa a daadaŋ akisyakin mono alo Damasko, tosodi nai alo Yerusalem ka akwap daadaŋ ŋina a Yudeya tari lobukui ŋulu nyerae Ŋiyudayan. Abu olimonok atemar itemokino ikes tokiwa ŋakecesecisya kibelekinos neni ka Akuj, kitiyata ŋuna itoodiunete atemar kekiwa ikes.

Ŋitic. 3:19

Tokiwa nai, kibelekinos neni ka Akuj, ikotere ikisari iŋes ŋasecisya kus. Kitiyata ŋun, ikotere epote aneni ke Ekapolon ŋarwa ŋuna itogogoŋere ŋitai kus.

2 Ŋikor. 7:10

Anerae akiyaloloŋ ŋina erae acamit ŋina ka Akuj, iŋes ikiinakini iwon akibelekin neni ka Akuj, yau nai aiuno. Emam ituŋanan iyaloloŋi a ŋakiro a ŋun! Nai akiyaloloŋ ŋina ka akwap a na, eyauni atwanare.

Ŋikol. 1:13

Abu iŋes ikilaku iwon anapedor a ŋina ka akiryonut ka ikilopa iwon Napukan a Lokoku keŋ a ŋolo minat,

2 Tim. 2:25

Itemokino iŋes erae ŋolo epatana apaki ŋina itatamya ŋulu itepegete iŋes, anerae acepaki einakini Akuj ikes apaki ŋina kiet ŋasecisya kec, ido toyenut ŋuna a kire.

Ŋibur. 6:1

Aŋun, oloto tokona kiŋaren etatama ŋakiro ŋuna apolok ŋuna ikamunito Kristo, ido emyekisi ŋakiro ŋuna ageunio akitatam anakiro ka Akuj. Nyitemokino tokona nabo ikiboŋokini akitatam ŋakiro ŋuna koloŋ kegeunio akitatam, ŋakiro ŋun ikes nu: akiŋer ŋakiro ŋuna ikirikorete natwanare ka ananupit Akuj;

2 Pet. 3:9

Nyedidi Ekapolon akitiyakin ŋakiro ŋuna adau iŋes akiikin ikwa etamiata ŋice. Ikidaŋit iŋes iyes daadaŋ pa ikirikira, anerae nyecamit iŋes idiotuŋanan inyasunio, nai ecamit iŋes daadaŋ tokiwa ŋasecisya kec.

Akis. 2:21

Abu ayoŋ oinak iŋes apaki ŋina kiet, nai ewounit iŋes akiki amalao.

Akis. 2:5

Totamatama neni etya aronis ŋina ka akibusokin kon! Toki, kisyak akitiya ŋiticisyo ŋulu sek itiyae iyoŋ ekiŋaren. Ani pa kikii iyoŋ, abuni ayoŋ neni kon alemar awuoet kon ŋina ke etaa aneni sek eyai.