Mat. 3:16 - Ebaibul

¹⁶ Ani kedaun Yesu akibatis, todoku iŋes anakipi tosodi toŋaari nakuj, kiŋolik iŋes Etau ŋolo ka Akuj ebuni alokidiama ikoni akuri, todo neni keŋ.

Mat. 3:16 Iomraidhean Croise

Isa. 11:2

Eyakaun etau ŋolo ke Ekapolon neni keŋ, eyakaun etau ŋolo ka aosou ka ayenut neni keŋ, eyakaun etau ŋolo esirworiunan ka ŋolo ka apedor neni keŋ, eyakaun etau ŋolo ka ayenut ka ŋolo ka akitopoloorit Akuj neni keŋ.

Isa. 42:1

“Eketiyan kaŋ lo ŋolo etogogoŋit ayoŋ, eseuna kaŋ, ŋolo elelyakinit etau kaŋ. Ewuak ayoŋ etau kaŋ neni keŋ; eyauni iŋes akiyookino lotuŋa a ŋakwapin.

Isa. 59:21

Alimu Ekapolon ebe, “Erae na acamunet kaŋ ka ikes. Ameun tokona tari ŋikaru ka ŋikaru, etau kaŋ ŋolo eyai neni kus ka ŋakiro kaŋ ŋuna ewuak ayoŋ nakituka kus, nyiyotorete anakituka kus, kori anakituka a ŋidwe kus, kori anakituka a ŋidwe kec.”

Isa. 61:1

Eyai etau a Ekapolon neni kaŋ, anerae ekeos iŋes ayoŋ, ekeyaki iŋes ayoŋ alimokin ŋulu isicanitae ŋakiro ŋuna ajokak, akisimukekin ŋulu ekadanakinit alotai kec, akiseraun atemar elacakinio ŋulu erikoritae, akiseraun atemar elacakinio ŋulu eenitae;

Esek. 1:1

Alokaru a ŋolo a ŋatomoniuni, elap ŋolo a ŋiomwon, ŋirwa ke elap ŋikan, eriŋa ayoŋ ikiya ka ŋirikon ŋuluce diyete aŋolol Kebar neni aponi itorikor, abu kidiama toŋaar, eŋolik ayoŋ ŋatakanikineta ŋuna aponito aneni ka Akuj.

Mar. 1:10

Ani elomuni Yesu anakipi, toanyuwa nakuj eŋaara, bu Etau ŋolo Asegan kidiama keŋ ikoni akuri.

Yoa. 1:51

Kiyatak iŋes tema, “Akalimokini ayoŋ iyes kire atemar, iŋolikinete iyes nakuj eŋaara ka ŋimalaikan elosete kidiama ka eponito kwap neni a Lokoku a Ituŋanan.”

Yoa. 3:34

Ŋolo iyakuunit Akuj, iŋes irworo ŋakiro ŋuna ka Akuj, anerae ilelebikinit Akuj Etau ŋolo Asegan neni keŋ, pa ipimim.

Ŋitic. 1:22

ameun apaki ŋina ebatisaa Yoana, akitodol ŋina ayaarere Yesu kidiama aneni yok. Itemokino iŋes oruko ka iwon oruworos ŋisuudae ŋulu ikibala ayaru Yesu alokatwak.”

Ŋitic. 7:56

Tocelu Stepano tema, “Kiŋolikisi! Ete ayoŋ nakuj eŋaara ka Lokoku a Ituŋanan ewuoi alowae a ŋolo aloteten Akuj!”

1 Yoa. 5:6

Abu Yesu Kristo bu a ŋakipi a ŋuna ke ebatisimu keŋ ka a ŋaokot a ŋuna ka atwanare keŋ. Nyebuno iŋes a ŋakipi bon, nai abu bu a ŋakipi ka ŋaokot. Nabo daŋ elimorit Etau elope atemar erae nu ŋuna a kire, anerae erae Etau ŋolo a kire.