Mat. 3:10 - Ebaibul

¹⁰ Edikino aep iteli ŋikito anataagor; ekitoe daadaŋ ŋolo nyeraii ŋaraito ŋuna ajokak, itelunio tocakakinae nakim.

Mat. 3:10 Iomraidhean Croise

2 Sam. 23:7

Ani ecamit ituŋanan atukokin ikes, emaikina kisitiya eroges, kori amorok ŋina ka akwara; ido kicunyak ikes anenipei etukokini a nen.”

Ŋikiru. 1:3

Ikote ikes ŋikito ŋulu edupakinitae diyete ŋayona ŋuna eya ŋakipi, ŋikito ŋulu eraete anapaki a ŋina emaikina eraeta, ka nyeiniyanarete ŋakwii kec. Ibore daadaŋ ŋini itiyaete ŋituŋa ŋul, elosi kiŋaren ejok.

Ŋikiru. 140:10

Kimyek ŋatotol ŋuna eriraete tobukokin neni kec; kimyek ikes kimasakinae, napanya ŋuna nyelomuniata nabo jik.

Ŋikiru. 92:12

Epitunete ŋulu iyookino lopite ŋolo episyata ŋikito a ŋiŋolya epoloete emam ŋace lopite ŋolo epolooto ŋikito a Cedar ŋulu eya Lebanon.

Isa. 27:11

Ani eokete ŋaten a ŋikito a ŋulu eya nen, ebilibiliunio kwap; potu nai ŋaberu yaasi kinokakiniata akim. Anerae erae ŋul ŋituŋa ŋulu emam ayenut; aŋun nyisyoni ikes Akuj ŋina asubuni ikes, kori nyitiyae ŋakiro ŋadi ŋuna ajokak neni kec.

Isa. 61:3

ainakin neni a ŋulu iyaloloŋete alo Sion ebokot ŋolo ka alelyanu akilo akipurupura ekuron, akimyet ŋina ka alakara akilo akigworo, ainakin ikes ŋilowi ŋulu ipurore Akuj akilo ŋitai ŋulu iyalaara. Enyarao ikes ŋikuyono ŋulu ka akiyookino, ŋidupakina ŋulu a Ekapolon aŋuna ka akitoodiun apolou a Ekapolon.

Yer. 17:8

Ikwaanikin ikes ka ekitoe ŋolo edupakinitae diyete ŋakipi, ekitoe ŋolo eremorit ŋataagor keŋ nayonae. nyekuryana iŋes apaki ŋina emwanunia akwap, erubakinete ŋakwii keŋ elibak; nyebulit iŋes ekaru ŋolo emamukar akiru, erai iŋes ŋaraito keŋ jik.

Dan. 4:14

Abu emalaika ŋol tocelu tema, ‘Toyepakisi ekitoe ŋol kwap, kilenya ŋaten keŋ, kigerasi ŋakwii keŋ ka kielielaasi ŋaraito keŋ. Emaikina ŋityaŋ daadaŋ kielaros alokwap keŋ, emaikina ŋikyeny toporosi anaten keŋ.

Mal. 4:1

Ebala Ekapolon ŋolo Etiron ebe, “Kiirasi ebunit akoloŋit ŋina eriraa akim ikoni ŋina ke ekitet, akoloŋit ŋin icunyaryo daadaŋ ŋulu eturok ka ŋulu itiyaete aronis, mam ikes ipei daŋ ŋini idoŋi.

Mat. 21:19

Ani iŋolikini iŋes ebobore anawae, tolot neni keŋ, nai nyeryamu idiobore, mati ŋakwii bon. Tolimok iŋes ekitoe tema, “Nyiraii nabo iyoŋ jik.” Toono ebobore atipei.

Mat. 7:19

Ŋolokitoe nyeraii ŋaraito ŋuna ajokak eyeparyo tocakakinae nakim.

Luk. 23:31

Ani kitiyakis ikes ŋun eriŋa akitoe epalal, anu nai itiyakinete ŋina eonio iŋes?”

Luk. 3:9

Edikino aep iteli ŋikito anataagor; ekitoe daadaŋ ŋolo nyeraii ŋaraito ŋuna ajokak, itelunio, tocakakinae nakim.”

Yoa. 15:2

Ani ŋinateni kaŋ nyeraii, etubori iŋes ka ani ŋina eraii, eipanari iŋes, ikotere tosegyar, tora ŋaraito ŋuna alalak.

Yoa. 15:6

Ŋini nyiboi alotooma kaŋ, etuboryo ikwa ateni, tooniyo. Ŋaten ŋuna aoko ecunakinio, tocakakinae nakim, tonomiya.

Ŋibur. 12:25

Tocoito iŋerete akiirar ŋakiro a ŋolo irworo. Ani nai pa kebucara Ŋisirael anatubokino apaki ŋina aŋeryoto ŋakiro a ŋolo eciki ikes anakwap, ikibucar nai iwon ikwaani, erae kikiŋer iŋes ŋolo ikiciki iwon anakuj?

Ŋibur. 6:8

Nai keruputu ŋikukwa ka edowan a nen, eruworosi ŋimanikorin ŋul ŋicaryo ŋulu eapi Akuj akicen ka icunyaryo ka akim.