Mat. 28:5 - Ebaibul

⁵ Tolimok nai emalaika ŋaberu tema, “Nyikibul iyes, anerae ayeni ayoŋ atemar iwarito iyes Yesu ŋolo ebubukinio lomusalaba.

Mat. 28:5 Iomraidhean Croise

Isa. 35:4

Tolimokisi ŋulu ekuryaka alotai kec ebe, “Togogoŋ, nyikuryaketa! Ebuni Akuj kus; ebuni iŋes akinyaŋar, inyaŋi iŋes ŋakiro kus enyunyura nooi, ebuni iŋes aiun iyes.”

Isa. 41:10

nyikuryaketa, anerae ikirukit ayoŋ ka iyes, nyikuryaketa, anerae arae ayoŋ Akuj kus, eketogogoŋi ayoŋ iyes ka ekeŋarakini ayoŋ iyes. Akaiuni ayoŋ iyes a apedor kaŋ a ŋina elounan.

Isa. 41:14

“Iyes ŋituŋa a Yakob ŋulu ipalag, nyikuryaketa, iyes ŋituŋa a Isirael ŋulu ikudyoko, nyikuryaketa. Ekeŋarakini ayoŋ iyes, Akuj ŋina asegan ŋina a Isirael iŋes erae akalakunan kus.

Dan. 10:12

Tema iŋes neni kaŋ, “Daniel nyikuryaniar, anerae ameun akoloŋit ŋina esyaunan ŋina icamunia iyoŋ akitiditeun bon alokiŋaren Akuj ikotere iryamuni ayenut ŋakiro, eirar ŋakiro kon, ido abunit ayoŋ aŋuna a ŋakiro kon.

Dan. 10:19

Tema iŋes neni kaŋ, “Nyikuryaniar, irae iyoŋ ituŋanan ŋini ikimina Akuj nooi, mam ŋace etakanunete neni kon. Togogoŋior ka totitinyor!” Ani irworikini iŋes neni kaŋ, abu ayoŋ ogogoŋior otema, “Kirworik Ekapolon kaŋ, anerae ikitogogoŋ iyoŋ ayoŋ.”

Mat. 14:27

Nai kirworik Yesu neni kec atipei tema, “Totitinyikisi! Erae ayoŋ. Nyikibul!”

Mat. 28:10

Tolimok Yesu ikes tema, “Nyikibul, toloto tolimokisi ŋikaitotoi kaŋ toloto Galileya, akaanyuwarete ikes ayoŋ aina.”

Mat. 28:4

Tobul ŋisigarya, tomaranikis kiketaros kikokis ŋituŋa ŋulu atwak.

Mar. 16:6

Tolimok iŋes ikes tema, “Nyikibul! Ayeni ayoŋ atemar, iwarito iyes Yesu ŋolo a Nasaret, ŋolo ebubukinitoe lomusalaba. Ayaru iŋes, emam a ne. Kiŋolikisi neni eperikinitoe iŋes.

Luk. 1:30

Tolimok emalaika iŋes tema, “Nyikuryaniar Maria, anerae ikiseu Akuj iyoŋ,

Luk. 24:5

Tobul ŋaberu nooi kijuuroto; kiŋita ŋikilyok ŋul ikes temasi, “Kaanukiro iwaritotor iyes ituŋanan ŋini eyari lotuŋa ŋulu etwakito?

Ŋitic. 2:24

Nai abu Akuj kiteyaru iŋes alokatwak; tolacu iŋes anapipilu a ŋina ka atwanare, anerae pa apedori atwanare akien iŋes.

Ŋibur. 1:14

Erae nai ŋimalaikan nyo? Erae ŋitai ŋulu itiyaete etic ŋolo ka Akuj, ŋulu iyakuunitae akiŋarakin ŋulu eiunio.