Mat. 27:54 - Ebaibul

⁵⁴ Ani eanyuni ekapolokiniton a ŋisigarya kaapei ka ŋisigarya keŋ epite ŋolo amaranikinia akwap ka ŋakiro daadaŋ ŋuna etiyasi, tobul ikes nooi temasi, “Kire, kerae iŋes Lokoku ka Akuj!”

Mat. 27:54 Iomraidhean Croise

Mat. 26:63

Nai kililiŋ Yesu cek. Tolimok Esacaradoti ŋolo Apolon nooi iŋes tema, “Ekesikoŋi ayoŋ iyoŋ alokiro ka Akuj a ŋina eyari, tolimokinae isua kirae iyoŋ Kristo Lokoku ka Akuj.”

Mat. 27:36

Kidoŋo ikes neni iboiyete iteete iŋes.

Mat. 27:40

ebasi, “Okoe! Iyoŋ ŋoon ibala ituwori Akai ka Akuj, ido todukok nabo alotooma ŋirwa ŋiuni! Toiun cenite kirae iyoŋ Lokoku ka Akuj! Todoku alomusalaba!”

Mat. 27:43

Ikinyomit iŋes Akuj, toesikisi toiu Akuj iŋes tokona erae kemina iŋes, anerae ebala, ‘Arae ayoŋ Lokoku ka Akuj.’ ”

Mat. 27:51

Tocila anaŋga ŋina eneno alo Kai ka Akuj beret ageun alokidiama tari kwap. Tomaranik akwap tobwaŋabwaŋas ŋamoru.

Mat. 4:3

Bu eketemon neni keŋ tema, “Ani kirae iyoŋ Lokoku ka Akuj, kituluwo ŋamoru nu toruworos akimuj.”

Mat. 8:5

Ani elomari Yesu Kaperenaum, bu ekapolokiniton ŋasigarya amiat kisiryam iŋes, todyek tema,

Mar. 15:39

Ŋolopite aanyuwarya ekapolokiniton ŋisigarya amiat ŋolo awuoi a nen atemar eridak Yesu tema, “Kire, kerae ekile lo Lokoku ka Akuj.”

Luk. 22:70

Kiŋita ikes daadaŋ temasi, “Irae nai iyoŋ Lokoku ka Akuj a?” Toboŋok iŋes ikes tema, “Ilimut iyes atemar arae ayoŋ.”

Yoa. 19:7

Toboŋokis Ŋiyudayan temasi, “Eyakare isua Ekisil ŋolo ebala, itemokino iŋes totwan, anerae ebala, arae iŋes Lokoku ka Akuj.”

Ŋitic. 10:1

Ayai Kaisaria ekile ŋolo anyaritae Kornelio, ŋolo apolokinit atutubet a ŋasigarya a Roma ŋina anyaritae “Ajore a Italia.”

Ŋitic. 2:37

Ani iirarete ŋituŋa ŋakiro ŋun, tonomosi ŋakiro ŋitai kec, tosodo kiŋita Petero ka Ŋikiyakia ŋuluce temasi, “A ŋikaitotoi, ikikokini tokona isua ai?”

Ŋitic. 21:32

Ya iŋes atipei ŋisigarya ka ŋikapolokinitok kec ŋice, kiwonyakis nasepic. Ani iŋolikinete ŋituŋa ikes, towua, toesikis akibuŋa Paulo.

Ŋitic. 23:17

Tonyara nai Paulo ekapolokiniton ŋisigarya amiat, tolimok tema, “Ya esorokit lo neni ke ekapolon a ŋisigarya; eyakar iŋes ŋakiro ŋadi ŋunalimokina iŋes.”

Ŋitic. 23:23

Tonyara nai ekapolon a ŋisigarya ŋikapolokinitok ŋulu a ŋisigarya keŋ ŋiarei, tolimok ikes tema, “Kitemokisi ŋisigarya ŋamiae ŋaarei alosit Kaisaria kaapei ka ŋikilyok ŋatomonikanikaarei ŋulu a ŋaŋolei ta ŋamiae ŋaarei ŋulu a ŋakwaaras, totena arotokin ŋisaae ŋiuni ŋulu takae ka akuwar.

Ŋitic. 27:1

Ani etubuni Pesto atemar adol apaki ŋina erotokinere isua Italia, apotu ŋikapolok a Ŋiromanin alo Kaisaria inakis Paulo ka ŋimabus ŋice neni a Yulio, a ŋolo arae ekapolokiniton ŋisigarya amiat ŋulu anyaritae “Ajore ŋina ke ekepukan.”

Ŋitic. 27:43

Nai aŋuna acamitor ekapolokiniton ŋisigarya amiat aiun Paulo, kiretak iŋes ikes akitiya ŋuna atukunito. Tolimok iŋes ŋituŋa ŋulu apedorete akilum akisyaun aporor kiŋa ameeli, tolumo toloto lokipetot.

Ŋirom. 1:4

Alopite a ŋolo ka akujuwuanut keŋ, erae iŋes ŋolo aseu Akuj aruwor Lokoku keŋ, aŋuna eteyarunere iŋes alokatwak anapedor a ŋina ka Akuj.

Akis. 11:13

Anapaki a ŋinapei a ŋin, toyakaun amaran ŋina ka akwap ŋina aronon; abu atutubet apei alotooma ŋunatomon ŋuna ke etaun a ŋolo apolon toritakin, totwaka ŋituŋa ŋalipyo ŋakanikaarei. Tobul ŋituŋa ŋuluce, kipuro apedor ŋina ka Akuj a ŋina anakuj.