Mat. 27:50 - Ebaibul

⁵⁰ Kiworou nabo Yesu ke etoil a ŋolo apolon, kiridak nai.

Mat. 27:50 Iomraidhean Croise

Dan. 9:26

Ekaku a ŋikaru a ŋamiae a ŋaomwon ka ŋatomonikanikapei ka ŋiomwon earyo ekarikon ŋolo eseunit Akuj, edaun ibore ŋini erae ŋini keŋ, ido emunaarete ŋasigarya a ekarikon a ŋolo ilunyokin lokicoloŋ keŋ etaun ka akibois ŋina ka Akai ka Akuj. Ebuni asalun keŋ lopite ŋolo ebunio akalele, eyakaun ejie akitodol nasalunet. Atubun atemar eyakaun ekasile.

Mat. 20:28

Ikwaŋinapei, pa abunit Lokoku a Ituŋanan akitiyanakino, nai abunit akitiyanakin ka akijal akeekiyar tolakunere ŋulu alalak.”

Mat. 27:49

Nai temasi ŋuluce, “Kidareu mono eteutu erae kebuni Eliya aiun iŋes!”

Mar. 15:37

Kiworou Yesu a etoil a ŋolo apolon, kiridak nai.

Luk. 23:46

Kiworou Yesu tema, “Papa! Ewuak ayoŋ ekaatau nakan kon!” Kedau alimun ŋun, kiridak.

Yoa. 10:11

“Arae Ayoŋ ekeyokon ŋolo ajokan. Ejali ekeyokon ŋolo ajokan akeekiyar aŋuna a ŋamesekin keŋ.

Yoa. 10:15

ikwapei akayenia ayoŋ Papa kaŋ ka ayeni ayoŋ daŋ iŋes. Ajali ayoŋ akiyar kaŋ aŋuna a ŋamesekin.

Yoa. 19:29

Ayai diyete nen abakule ŋina eleleba epiini ŋolo adadaŋan, kiwuakis ibore ŋini ayabuk, ido toenikis nakitoe ŋina anyaritae Isop, kikyaasi kidiama, kiwuakis nakituk keŋ.

Yoa. 19:30

Ani kedau Yesu akimat epiini ŋolo adadaŋan ŋol, tolimu tema, “Erikakin.” Kijuuru, kiridak.

Ŋibur. 2:14

Aŋuna eraakatar ŋituŋa ŋulu enyarit iŋes ŋidwe, ŋulu eya ŋawat ka ŋaokot, abu Yesu tomora ka ikes ekuwane ŋol; ikotere alotooma atwanare keŋ inyasuni Satan ŋolo epolokinit atwanare.

Ŋibur. 5:7

Ani eriŋa Yesu eyari anakwap, elipenene, todyekitoi a etoil a ŋolo apolon, kigwori daŋ neni ka Akuj a ŋina eyakar apedor aiun iŋes anatwanare. Ikwapei araakar iŋes ŋolo ainakina neni ka Akuj, abu Akuj kiira ŋakiro keŋ.

Ŋibur. 9:14

Ikwaŋina eraakatar ŋakiro ŋun ŋuna a kire, etya nai ai ŋakiro ŋuna erikakis ŋaokot ŋuna a Kristo! Alotooma Etau ŋolo Asegan, abu iŋes inak akeekuwan neni ka Akuj ikwapei amuronot ŋina asegan. Itesegete ŋaokot keŋ ŋitai yok alotalyo a ŋulu ikirikorete natwanare, ikotere ejaanakisi iwon Akuj ŋina eyari.