Mat. 27:41 - Ebaibul

⁴¹ Ŋisacaradotin daŋ ŋulu apolok ka ŋiketatamak a Ŋikisila ta ŋikatukok tokyenatar iŋes ebasi,

Mat. 27:41 Iomraidhean Croise

Yob 13:9

Ejokunete mono ŋakiro aneni kus erae ketema Akuj aripiripi ŋakiro kus a? Kori ipedorete mono iyes amodikin iŋes lopite ŋolo emodikinia ituŋanan ŋinice a?

Ŋikiru. 35:26

Kimyek daadaŋ ŋulu akakyenatar ayoŋ alocan kaŋ kisurumae ŋileec ka ŋibiler; kimyek daadaŋ ŋulu iturosi alokiŋaren kaŋ kiruma, ŋileec ka tojoŋoi akitopoloorit.

Isa. 28:22

Aŋun tokona, nyijamuwasi ŋakiro ŋuna adau ayoŋ alimun, ani kijamuwasi iyes ŋakiro kaŋ, etyokioto ŋakiro aŋuna kus, anerae eira ayoŋ atubunet a Ekapolon Akuj ŋina a ŋajoresyo, atubunet ŋina ka amunyar akwap daadaŋ.

Isa. 49:7

Alimu Ekapolon Ekalakunan a Ŋisirael, Akuj a Isirael ŋina asegan, Akuj ŋina apotu ŋituŋa a ŋakwapin tojamuwasi ka toŋero, alimu iŋes ŋakiro nu neni a eketiyan a ŋikapolok ebe, “Ikiŋolikinete iyoŋ ŋirwosi, ido towua alokiŋaren kon, ikiŋolikinete iyoŋ ŋikapolok, ido eryedikete ikitopoloosi iyoŋ, anerae ikiseu iyoŋ Ekapolon ŋolo eyai akikinyoma, ikiseu iyoŋ Akuj a Isirael ŋina asegan.”

Sakar 11:8

Alotooma elap epei, abu ayoŋ oar ŋikeyokok a ŋamesekin ŋiuni anerae abu okoup ayoŋ akidaŋidaŋ ŋakiro kec, apotu daŋ ŋamesekin okoremokin ayoŋ.

Mat. 27:40

ebasi, “Okoe! Iyoŋ ŋoon ibala ituwori Akai ka Akuj, ido todukok nabo alotooma ŋirwa ŋiuni! Toiun cenite kirae iyoŋ Lokoku ka Akuj! Todoku alomusalaba!”

Mat. 27:42

“Aiununui iŋes paaran ŋituŋa ŋuluce, nai tokona nyeiun iŋes bon! Nyerae mono iŋes erwosit a Ŋisirael a? Ani kedoku iŋes alomusalaba, ikinupi iwon iŋes.

Luk. 18:32

Ipotokinio iŋes lobukui ŋulu nyerae ŋulu a Ŋiyudayan, tokyenatar ikes iŋes kibuŋata ka kimwaanakis.

Luk. 22:52

Tolimok Yesu ŋisacaradotin ŋulu apolok ka ŋikapolok ŋulu a ŋisigarya a ŋulu eteok Akai ka Akuj, ta ŋikatukok ŋulu aponito akikamun iŋes tema, “Nyo iponitotor iyes itiŋito ŋatumio ka ŋabiroi esibit arae ayoŋ ekokolan?

Luk. 23:35

Awuasi ŋituŋa a nen iteete iŋes, tokyenatar ŋikapolok ŋulu a Ŋiyudayan iŋes ebasi, “Aiununui ŋoon iŋes ŋuluce, kimyekisi cenite toiun bon, erae kerae iŋes Kristo ŋolo ka Akuj ŋoloseuna!”