Mat. 27:32 - Ebaibul

³² Ani elomarete ikes kiŋa etaun, toryamut ecekile ŋolo abunit alo Kurene, ŋolo anyaritae Simoni, kitiŋakis iŋes akiryoŋ emusalaba a Yesu.

Mat. 27:32 Iomraidhean Croise

1 Ŋirw. 21:10

Tolemutu ŋikesitakinak a Nabos ŋiarei ŋulu erae ŋasyanisya, kisitakis Nabos aŋuna icenio Akuj ka erwosit; torikosi nai iyes iŋes kiŋa etaun tocaka a ŋamoru.”

1 Ŋirw. 21:13

Potu nai ŋikesitakinak a Nabos ŋasyanisya ŋunaarei kiboikinos epeiwae Nabos, ido kisitakis ŋasyanisya ŋun Nabos alokiŋaren ŋituŋa temasi, “Adau Nabos akicen Akuj ka erwosit.” Aŋun apotu ikes yaasi Nabos kiŋa etaun tocaka iŋes a ŋamoru.

Ŋilep. 4:12

ya ikes kiŋa alomar nakibois ŋina italeunitoe ŋina asegan, ŋina ebukonokinio ekuron, ido kicuny a nen.’ ”

Ŋilep. 4:21

Ani kirikak ŋun, emaikina iŋes ya emoŋ kicuny alokiŋa alomar, lopite ŋolo abunio iŋes kicunyia ŋolo alemarere asecit alotuŋa.

Ŋilep. 4:3

Ani kerae esacaradoti ŋolo Apolon nooi eseci, ido yau asecit keŋ ekaile lotuŋa, emaikina iŋes tolemu emoŋ ŋolosorokit, ŋolo ajokan, ŋolo emam neni eŋwalit, ido toar erae amuronot neni ke Ekapolon ŋinalemaret asecit keŋ.

Mat. 16:24

Tolimok nai Yesu ŋikeekasyomak tema, “Ŋinituŋanan ecamit akiwuapakin ayoŋ, itemokino toŋero bon, toryoŋ emusalaba keŋ, ekewuapak ayoŋ.

Mat. 5:41

Ani kikitiŋak ituŋanan iyoŋ alosit akilomita apei, toloto ka iŋes ŋakilomitae ŋaarei.

Mar. 15:21

Kiryamas ikes lorot ka ecekaloton ŋolo anyaritae Simoni, papa ka Alekisanda ka Rupus. Arae iŋes ŋolo alo Kurene, alosi lotaun. Toreikis ikes iŋes akiryoŋ emusalaba a Yesu.

Luk. 23:26

Apaki ŋina arikoryata ikes Yesu, kitowua ekile ŋolo anyaritae Simoni ŋolo arae ŋolo anakwap a Kurene, ŋolo abunit alorerya. Toryoŋakis emusalaba loseket keŋ, kisiwuapakis iŋes Yesu.

Yoa. 19:17

Toloma iŋes kiŋa eryoŋit emusalaba keŋ tari neni enyaritae “Akuulu”, enyaritae a Ŋaburaniyae “Gologota.”

Ŋitic. 11:20

Nai apotu ŋikanupak ŋice ŋulu arae ŋulu alo Kupuro ka Kurene toloto Antiokio, kirworo tari lotuŋa ŋulu pa arae Ŋiyudayan, tolimonokis ikes Ŋakiro ŋuna Ajokak ŋuna ke Ekapolon Yesu.

Ŋitic. 13:1

Ayakasi ŋikadwarak ka ŋiketatamak neni a Ŋikristo a ŋulu alo Antiokio. Araakasi ikes Baranaba ka Simeon ŋolo arae Niger (iŋes atemar ŋolokiryonon), Lukio ŋolo abunit alo Kurene, Manaen ŋolo kepolounete kaapei ka erwosit Erode ta Saulo.

Ŋitic. 2:10

alo Pirigia, Pampilia ka Ijipit ta ŋiwaetin a Libia ŋulu eya diye Kurene. Ikirae iwon ŋice ŋulu alo Roma,

Ŋitic. 6:9

Nai kitepega ŋituŋa ŋice iŋes. Arae ikes ŋituŋa ŋulu ke esinagoga a ŋolo enyaritae, “Ŋituŋa ŋulu Elacakina”. Arukito ikes ka ŋulu alo Kurene, Alekisandaria, Cilicia ka Asia.

Ŋitic. 7:58

Kitunyasi iŋes kiŋa etaun Yerusalem, tocaka a ŋamoru. Apotu ŋisuudae ŋulu a ŋakiro a ŋun kicikakis ŋilowi kec neni ke esorokit a ŋolo anyaritae Saulo.