Mat. 27:29 - Ebaibul

²⁹ Toyeut nai aikit ŋina a ŋikukwa kiwuakis nakou keŋ, kiwuakis akasirimaete daŋ nakan keŋ ŋina aloteten; toryediko nai alokiŋaren keŋ tokyenatar iŋes ebasi, “Maata erwosit a Ŋiyudayan!”

Mat. 27:29 Iomraidhean Croise

Ŋikiru. 69:7

Erae aŋuna kon iŋes eketeŋeriyoritere ayoŋ, iŋes elelebunotor ŋileec loreet kaŋ.

Isa. 49:7

Alimu Ekapolon Ekalakunan a Ŋisirael, Akuj a Isirael ŋina asegan, Akuj ŋina apotu ŋituŋa a ŋakwapin tojamuwasi ka toŋero, alimu iŋes ŋakiro nu neni a eketiyan a ŋikapolok ebe, “Ikiŋolikinete iyoŋ ŋirwosi, ido towua alokiŋaren kon, ikiŋolikinete iyoŋ ŋikapolok, ido eryedikete ikitopoloosi iyoŋ, anerae ikiseu iyoŋ Ekapolon ŋolo eyai akikinyoma, ikiseu iyoŋ Akuj a Isirael ŋina asegan.”

Isa. 53:3

Ajamuwarito ka aŋerito ŋituŋa iŋes, arae iŋes ituŋanan ŋini eyaloloŋi, ŋini ayeni ŋakiro ŋuna a ŋican. Arae iŋes ituŋanan ŋini pa acamito ŋituŋa akiŋolikin, ajamuwaritae iŋes, eteete ŋituŋa iŋes erae ecaryoit.

Yer. 20:7

Okoe Ekapolon ikisupa iyoŋ ayoŋ ka adau ayoŋ akisuparo ikilou iyoŋ ayoŋ ka iruwor iyoŋ ekelounan. Aruwor ayoŋ ŋolo akakyenare apaaran jwii; akajamuwarito ayoŋ ŋituŋa daadaŋ.

Mat. 20:19

Ipotokinete ikes iŋes neni a ŋibukui a ŋulu nyerae Ŋiyudayan, kisoloto, kibuŋata ka kibubukis lomusalaba. Nai kelunyar ŋirwa ŋiuni, iteyarunio iŋes alokatwak.”

Mat. 26:49

Tolot Yuda neni a Yesu atipei tolimok iŋes tema, “Maata Eketataman!” Tonu iŋes.

Mat. 27:37

Egiritae kidiama akeekou ŋakiro ŋuna esitakinere iŋes ikona, “ERAE LOGO YESU ERWOSIT A ŊIYUDAYAN.”

Mar. 15:17

Kitanapa Yesu elou ŋolo kipurat areŋan, toyeut aikit ŋina a ŋikukwa, kiwuakis nakou keŋ.

Mar. 15:18

Kisyakis akyenar iŋes imalaete ebasi, “Toyai jik erwosit a Ŋiyudayan!”